Wa ghi wanniẹn wẹẹ, ‘Izọese Alagberra ọghe Nọyaẹnmwa nọ, ọ rhie gberra owa ivbi Izrẹl vbe Igipt vbe ẹghẹ ne ọ na gbele ivbi Igipt vbene ọ na sẹ owa ima rae.’ ” Emwa nii keghi diguẹ, iran na ru ugamwẹ.
Ọ ghi sẹ ogiasọn, e Nọyaẹnmwa keghi gbele avbe emọ ọdiọn nii rre Igipt, ke egbe ovbi ọba Igipt ne ọdiọn ne ọ ra rriọba lele ẹe kpao, sẹ egbe ọmọ ọdiọn ọghe oleghan ne ọ rre uwu ẹwẹdọ uhae, emọ ne avbe aranmwẹ ka biẹlẹ, a kevbe gbele ehia a.
“E Bezalẹl, Oholiab kevbe emwa ifuẹro hia ne Nọyaẹnmwa rhie irẹnmwi kevbe ẹwaẹn na, ni vbe rẹn emwi hia ne a gha ya bọ ehe ne ne ọ huanrẹn nii, iran ghi ru emwi hia zẹ vbene Nọyaẹnmwa ta ẹe.”
E Mosis kevbe Errọn keghi bu ọba, iran na ru vbene e Nọyaẹnmwa tama iran. Errọn keghi fi ọkpọ ne ọ ya tua otọ fi otọ vbe odaro ọba kevbe emwa iwinna rẹn, ọ keghi fiwerriẹ khian ẹyẹn.
E Mosis keghi viọ avbe oghunmwu kevbe emwi irri ọkpa vbe uwu ekigbe siyeha vbe ne ọ sẹ emwa ni obọ na, ọ na viọ ne avbe Livai ni gbearoghe Owa Ukpọn Ile ọghe Nọyaẹnmwa zẹ vbene Nọyaẹnmwa khare.
E Jọsua ne ovbi Nọn keghi vuọn ne ẹwaẹn rhunmwuda, e Mosis zẹ ọe nẹ ne ọ rhie ihe irẹn. Ivbi Izrẹl keghi wa gha họn ẹmwẹ ne Jọsua, iran kegha lele uhi ne Nọyaẹnmwa la obọ e Mosis rhie gie iran.