Ẹksọdọs 12:27 - Edo Bible (E Baibol Ẹdo) Version 1996

²⁷ Wa ghi wanniẹn wẹẹ, ‘Izọese Alagberra ọghe Nọyaẹnmwa nọ, ọ rhie gberra owa ivbi Izrẹl vbe Igipt vbe ẹghẹ ne ọ na gbele ivbi Igipt vbene ọ na sẹ owa ima rae.’ ” Emwa nii keghi diguẹ, iran na ru ugamwẹ.

Ẹksọdọs 12:27 ပူးပေါင်းရင်းမြစ်များ

I Krọnikol 29:20

Ẹre Devid ghi na tama emwa ni hia wẹẹ, “Wa rho e Nọyaẹnmwa Osanobua uwa!” Emwa ni hia ni si koko ye evba keghi wa rho e Nọyaẹnmwa ne Osanobua avbe erha iran odede. Iran keghi ye uhunmwu rhanmwẹ otọ iran na ya ọghọ ne Nọyaẹnmwa kevbe ne ọba.

II Krọnikol 20:18

Ẹre Jehosiafat ne ọba na vbẹrre mu aro rhu otọ, emwa ni hia keghi vbe vbẹrre, iran na ya uhunmwu rhanmwẹ otọ ne Nọyaẹnmwa.

II Krọnikol 29:30

Ọba kevbe avbe iran ne ọkaolotu ẹvbo nii keghi tama avbe Livai ne iran so ihuan urhomwẹ ne Devid kevbe Asaf ne akhasẹ gbẹnnẹ, ghe Nọyaẹnmwa. Emwa hia keghi ye ẹko rhiẹnrhiẹn mwẹ gha so ihuan ghe Nọyaẹnmwa vbe ehe ne iran na diguẹ nii, iran na ga Osanobua.

Nehimaia 8:6

Ẹzra keghi kha wẹẹ, “Wa rho e Nọyaẹnmwa, ne Osanobua nọkhua!” Emwa ni hia keghi viọ obọ da odukhunmwu, iran keghi kha wẹẹ, “Isẹ!” Iran na diguẹ gae, vbe ne iran na viọ aro rhu otọ.

Psalm 44:1

Osanobua, ma ye ehọ mwa họn ẹẹn nẹ, avbe erha mwa odede vbe tae ma ima ighe avbe emwi ọyunnuan ne uwẹ ru vbe ẹghẹ iran vbe ẹkpo nẹdẹ.

Psalm 78:5

Ọ rhie uhi ne ivbi Izrẹl kevbe iyi ne ivbi uniẹn Jekọb ọ ma avbe erha mwa odede ẹre. Wẹ ne iran ma avbe ivbi iran uhi irẹn.

Ẹksọdọs 10:2

Ne uwa vbe miẹn ya kpa itan ma avbe ivbi uwa kevbe eyẹ uwa vbe ne I do ivbi Igipt ọzuọ hẹ vbe I winna iwinna ọyunnuan mwẹ ma iran. Wa hia fẹẹrẹ gha vbe rẹn wẹ mẹ ọrọre Nọyaẹnmwa.”

Ẹksọdọs 12:11

Te uwa ra mu egbe okhian ya rriọe. Wa ghi gba ukpọn uwa ukugba ginna ẹkun, wa ghi viọ ibata ye owẹ, wa ghi viọ ọkpọ utuaotọ uwa mwẹ obọ, wa ghi rriọe okhirhikhirhi, Evbare Alagberra ọghe uyi mẹ ne Nọyaẹnmwa nọ.

Ẹksọdọs 12:23

E Nọyaẹnmwa gha la Igipt gberra ne ọ ya gbele ivbi Igipt, ọ gha bẹghe esagiẹn ne ọ rre ẹkhu kevbe egbaha onurho, ẹ i ghi vbe gie ọfuan la owa uwa gbe emwi.

Ẹksọdọs 12:28

Ivbi Izrẹl kegha khian ya ru zẹ vbene a khare. Iran keghi ru zẹ vbene Nọyaẹnmwa tama e Mosis kevbe Errọn.

Ẹksọdọs 13:14

Ọ gha ghi sẹ ẹghẹ nii, a deghẹ ivbi uẹ ghi nọọn wẹẹ, ‘Vbe a ya ena kha yi?’ U ghi wanniẹn tama rẹn wẹẹ, ‘Ẹtin nọkhua ọre Nọyaẹnmwa ya viọ ima ke otọe Igipt ne ima na gha re eviẹn ladian.

Ẹksọdọs 13:8

A gha suẹn emwiukpo nii, wa ghi rhan otọ ẹre ma ivbi uwa wẹ, emwi ne uwa ru ena ba ọrọre rhunmwuda emwi ne Nọyaẹnmwa ru ne uwa vbe uwa kpao vbe otọe Igipt rre.

Ẹksọdọs 34:25

“Wa ghẹ ya ebrẹd na ya eyist ru zọ ọhẹ mẹ vbe uwa gha ye aranmwẹ zẹ ese mẹ. A ghẹ rhie hin rre ne ẹdẹ gbe vbe uwa gha gbe emwi ya ru emwiukpo Alagberra.

Ẹksọdọs 34:8

E Mosis keghi zẹgiẹgiẹ mu egbe rriotọ, ọ na ga Osanobua.

Ẹksọdọs 4:31

Iran keghi yayi, ugbẹn vbe iran ghi họn wẹ Nọyaẹnmwa bu iran gha dee, ighẹ ọ vbe miẹn vbe iran sẹ iran usẹ hẹ, iran keghi ya uhunmwu rhanmwẹ otọ, iran na ga Osanobua.

I Kọrinti 5:7

Wa rhie eyist ọwiẹyi orukhọ na hi ehe ne uwa ye rre, ne uwa miẹn ehe na huan fo. Ẹghẹ nii, wa ghi do ye vbe ẹlubọ ne a ma he rhie eyist yi, I rẹnrẹn ighẹ egbe emwi vberriọ ọre uwa khin. Rhunmwuda a le evbare Alagberra mwa nẹ nian, ugbẹn vbe a miẹn wẹ, a ya Kristi ne ọre Oteghe Ohuan Alagberra mwa, zọ ese nẹ.

Diuteronomi 16:2

U ghi gha rrie ihe ọkpa kẹkan ne a na ga ni, u ghi gbe ohuan ruẹn ra ẹmila ruẹ ọkpa vbe vba ne u rri evbare Alagberra ya ye ọghọ ne Nọyaẹnmwa Osanobua rua.

Diuteronomi 16:5

“Wa ghẹ gbe aranmwẹ Alagberra vbe uwu avbe ẹvbo ne Nọyaẹnmwa Osanobua uwa gha viọ ne uwa. Ehe ne a na ga ọkpa ọ re uwa gha na gha gbe ẹe, wa ghi vbe gbe ẹe vbe owẹn a defua nẹ, vbe odẹ ẹghẹ ne uwa ya kpao vbe Igipt rre zẹẹ.