Ẹksọdọs 12:26 - Edo Bible (E Baibol Ẹdo) Version 1996

²⁶ Ivbi uwa gha nọ uwa wẹẹ, ‘De emwi ne a ya emwi ukpo na kha?’

Ẹksọdọs 12:26 ပူးပေါင်းရင်းမြစ်များ

Psalm 145:4

A gha tian emwi ne u he ru, ke orre ọkpa ya sẹ ne ọ lele ẹe, iran gha ta ọta iwinna nekhua ruẹ.

Psalm 44:1

Osanobua, ma ye ehọ mwa họn ẹẹn nẹ, avbe erha mwa odede vbe tae ma ima ighe avbe emwi ọyunnuan ne uwẹ ru vbe ẹghẹ iran vbe ẹkpo nẹdẹ.

Ẹksọdọs 10:2

Ne uwa vbe miẹn ya kpa itan ma avbe ivbi uwa kevbe eyẹ uwa vbe ne I do ivbi Igipt ọzuọ hẹ vbe I winna iwinna ọyunnuan mwẹ ma iran. Wa hia fẹẹrẹ gha vbe rẹn wẹ mẹ ọrọre Nọyaẹnmwa.”

Ẹksọdọs 12:25

Wa ghẹ ghi sẹ otọe nii ne Nọyaẹnmwa ra mu ne uwa, wa ghi ru emwiukpo na.

Ẹksọdọs 13:22

Orre okuku nii kegha ke odaro ne iran vbe avan hia, kevbe orre erhẹn vbe asọn.

Aizaia 38:19

Emwa ni rre agbọn ọ re ọ rho ruẹ, zẹ vbene I rho ruẹ na. Erha emọ tama emọ vbene u maa hẹ.

Ẹfisọs 6:4

Evbibiẹ emọ, wa ghẹ gha ru ivbi uwa emwi ne ọ gha ya ohu mu iran, sokpan wa dia iran ye odẹ, ne uwa vbe gha ma iran emwi zẹ vbe ọmwa ne ọ ya Kristi yi.

Diuteronomi 11:19

Wa ma avbe ivbi uwa ẹre. A ghi gha ta ẹe khian vbe owa, kevbe odẹ, vbe uwa a gha hẹwẹ kevbe uwa a gha winna.

Diuteronomi 32:7

“Wa ro ọghe nẹdẹ, ọ ghe ẹghẹ ne ọ kpẹe fua, wa nọ erha uwa ne iran tama uwa emwi ne ọ sunu, wa nọ eniwanrẹn ne iran ta ẹghẹ nẹdẹ ma uwa.

Diuteronomi 6:20

“Ẹdẹnakhuẹ, ivbi uwa gha nọ uwa wẹẹ, ‘Vbọzẹ ne Nọyaẹnmwa Osanobua mwa na wẹ ne ima gha ye avbe uhi na hia ru emwi yi?’

Diuteronomi 6:7

Ma avbe ivbi uwa ẹre. U ghi gha ta ẹe vbe u a gha rre owa kevbe u a kpa hin owa rre, vbu a gha hẹwẹ kevbe u a gha winna.