Ẹksọdọs 12:25 - Edo Bible (E Baibol Ẹdo) Version 1996

²⁵ Wa ghẹ ghi sẹ otọe nii ne Nọyaẹnmwa ra mu ne uwa, wa ghi ru emwiukpo na.

Ẹksọdọs 12:25 ပူးပေါင်းရင်းမြစ်များ

Ẹksọdọs 12:24

Wa ghi gha ru emwi na zẹ vbe iyi etẹbitẹ ne uwa kevbe ivbi uwa.

Ẹksọdọs 12:26

Ivbi uwa gha nọ uwa wẹẹ, ‘De emwi ne a ya emwi ukpo na kha?’

Ẹksọdọs 13:10

U ghi gha ru emwiukpo na vbe ẹghẹ ne a rhie ẹre yi ukpukpo.

Ẹksọdọs 13:5

E Nọyaẹnmwa wa yan ma avbe erha uwa wẹ rẹn gha mu otọe Kenan, otọe Hiti kevbe Amọri kevbe Hivi kevbe Jebus ne uwa. Otọe ne rọkhọ ne ọ maa emwi okọ wa nọ. Ọ gha ghi viọ uwa sẹ otọe nii nẹ, wa ghi gha ru emwiukpo na vbe nene uki ne okaro ukpukpo.

Ẹksọdọs 3:17

Ọre I na kha nian wẹ te I gha viọ uwa ke otọ Igipt ladian, ehe ne iran na ru uwa khọ, ne uwa gha rrie otọ emwa Kenan, emwa Hiti, emwa Amọri, emwa Pẹriz, emwa Hivi kevbe emwa Jebus, otọ ne esiesi ne ọ vbe maa emwiokọ nọ.” ’

Ẹksọdọs 3:8

“Te I rre na ne I do miẹn iran fan vbe obọ ivbi Igipt, ne I vbe viọ iran kpao vbe Igipt nii gha rrie otọ ne ọ maa emwiokọ kevbe ne ọ vbẹ aro. Otọ esiesi ne ọ maa emwiokọ nọ, emwa ni rre evba ẹghẹ na ọrọre emwa Kenan, Hiti, Amọri, Pẹriz, Hivi kevbe Jebus.

Diuteronomi 4:5

“I ma uwa uhi nii hia nẹ, zẹ vbene Nọyaẹnmwa Osanobua mwẹ ma mwẹ re. Wa ghi gha ya iran ru emwi vbe otọe nii ne uwa ra ya khọn na ne uwa yin ẹnrẹn.