Ẹksọdọs 12:23 - Edo Bible (E Baibol Ẹdo) Version 1996

²³ E Nọyaẹnmwa gha la Igipt gberra ne ọ ya gbele ivbi Igipt, ọ gha bẹghe esagiẹn ne ọ rre ẹkhu kevbe egbaha onurho, ẹ i ghi vbe gie ọfuan la owa uwa gbe emwi.

Ẹksọdọs 12:23 ပူးပေါင်းရင်းမြစ်များ

II Samuẹl 24:16

Ugbẹn vbe odibo e Nọyaẹnmwa ghi te ra fuẹn Jerusalẹm rua, e Nọyaẹnmwa keghi fi ekhọe werriẹ vbe oya ne ọ te rhie emwa ni re, ọ keghi tama odibo Osa nii ne ọ te gbele iran wẹẹ, “Dobọyi! Ọnii sẹe!” Ehe ne odibo Osa nii gha ye keghi re isi okọ ọghe Arauna ne ovbi e Jebus.

Job 14:13

“Akpawẹ u gha ya rhie mwẹ lẹre ye ehe ne iran ni wulo nẹ ye nian, ne a rhie mwẹ lẹre ohu ruẹ te do fo, ne u vbe rhie ẹghẹ ne u gha na ye mwẹ rre ye otọ.

Ẹksọdọs 11:4

E Mosis keghi tama ọba wẹẹ, “Vbe nian e Nọyaẹnmwa khare, ‘Ẹdẹ gha ye egbe rrie ogiasọn, I gha la uwu ẹvbo Igipt.

Ẹksọdọs 12:7

“Iran ghi rhie vbe esagiẹn ọnrẹn ya vin urho kevbe odukhunmwu onurho owa ne a ra na rri avbe aranmwẹ nii.

Aizaia 26:20

Wa la uwu owa uwa, wa ne emwa mwẹ, ne uwa khui urho ke egbe yi. Wa ya lẹre nẹ kherhe, ohu Osanobua te do dọyọ.

Aizaia 37:36

Odibosa e Nọyaẹnmwa keghi la agọ ivbi Asiria, ọ keghi gbele ivbiyokuo arriaisẹn isẹn yan iyi ihinrin (185,000). Ẹdẹ ghi gbe vbe owiẹ ne ọ lelẹe, ehia keghi wulo lele otọe bẹẹrẹ!

Ezikiẹl 9:4

“Wa ya la e Jerusalẹm hia gaa, ne u vinnọ ama ye uharo avbe iran ni viẹ egbe viẹ ẹhi ye ẹmwẹ uyinmwẹ ne ọ zughu ọmwa ẹko ne iran yin vbe ore ẹvbo.”

Ezikiẹl 9:6

Wa gbele avbe ediọnmwa, kevbe avbe edede, igbama kevbe ivbialeke, iye emọ kevbe emọ. Sokpan, wa ghẹ ya obọ kan emwa ne ama rre ọre uharo. Wa wa suẹn vbe Ọgua Osa mwẹ vbe emwa na.” Rhunmwuda ọnii, iran keghi wa ye avbe ọkaolotu ni mudia vbe Ọgua Osa vba suẹn.

I Kọrinti 10:10

Wa ghẹ gha vian, vbene eso vbe gha ru ne Ogie Uwu na fuẹn iran uan.

Hibru 11:28

Iyayi ọre ọ ya mu emwiukpo Alagberra gbọọ, ọ na wẹ ne a sanmwẹ esagiẹn ye onurho ne ogiuwu ghẹ gbele emọ ọdiọn ọghe Izrẹl.

Hibru 12:24

Wa keghi bu Jesu gha dee, ọmwa ne ọ mwamwa ile ọgbọn nii ye otọ kevbe esagiẹn ne agbe kha kha, ne ọ vbe ta ẹmwẹ emwi ni maa sẹ esagiẹn ọghe Ebẹl.

Arhie Maan 7:3

Odibosa ni keghi kha wẹẹ, “Ghẹ kuan otọ agbọn ra okun ra avbe erhan, rhinrin ma te do yi ama ye avbe eguọmwadia Osanobua mwa uharo.”

Arhie Maan 9:4

A keghi tama iran wẹ ne iran ghẹ kuan avbe irunmwu ra avbe erhan ra ovbi erhan ke ovbi erhan ọvbehe, avbe emwa ne a ma vin ama Osanobua ye ọre egbe ọkpa, ọre a wẹ ne iran kuan ẹre egbe.