Ẹksọdọs 12:21 - Edo Bible (E Baibol Ẹdo) Version 1996

²¹ E Mosis keghi tie avbe ọkaolotu ivbi Izrẹl hia, ọ tama iran wẹẹ, “Wa ya hannọ ovbi ohuan ra ovbi ẹwe ne ẹgbẹe uwa ne uwa gha gbe vbe emwiukpo Alagberra.

Ẹksọdọs 12:21 ပူးပေါင်းရင်းမြစ်များ

II Ọba 23:21

E Josaia ne ọba keghi wẹ ne emwa ru emwiukpo alagberra ya ye ọghọ ne e Nọyaẹnmwa ne Osanobua iran, zẹ vbene a gbẹnnẹ ye ebe ile.

Ẹzra 6:20

Avbe ohẹn kevbe avbe Livai keghi họnmwẹ egbe, vbe ne awua ighi na vbe gue iran. Avbe Livai ọ re ọ gbele aranmwẹ ne a ya zọ ese Alagberra ne avbe emwa hia ni ke iwe rre, kevbe ọghe avbe ohẹn kevbe ọghe egbe iran.

Ẹksọdọs 12:11

Te uwa ra mu egbe okhian ya rriọe. Wa ghi gba ukpọn uwa ukugba ginna ẹkun, wa ghi viọ ibata ye owẹ, wa ghi viọ ọkpọ utuaotọ uwa mwẹ obọ, wa ghi rriọe okhirhikhirhi, Evbare Alagberra ọghe uyi mẹ ne Nọyaẹnmwa nọ.

Ẹksọdọs 12:3

Tama ivbi Izrẹl hia wẹẹ: Vbe ikpẹdẹ ne ogigbe ọghe uki na, edọmwadẹ ọghọe ghi hannọ oteghe ohuan ọkpa ra ovbi ẹwe ọkpa ye otọ ne ẹgbẹe ọre, oteghe ohuan ọkpọkpa ne igiowa ọkpọkpa.

Ẹksọdọs 17:5

E Nọyaẹnmwa keghi tama e Mosis wẹẹ, “Viọ eso vbe uwu avbe ekaolotu ivbi Izrẹl ba egbe ne u fian ke odaro ne iran. Rhie ọkpọ ne u rhie gbe ẹzẹ mwẹ obọ ne u gha khian.

Ẹksọdọs 19:7

Ẹre Mosis na ya tie avbe olotu emwa nii si koko, ọ na ta ẹmwẹ hia ne Nọyaẹnmwa yi ẹre iyi ma iran.

Ẹksọdọs 3:16

Gha khian, ya si avbe ọkaolotu Izrẹl koko ne u tama iran wẹẹ, ‘Mẹ ne Nọyaẹnmwa, Osanobua avbe erha uwa odede, Osanobua ọghe Ebraham, Aizik kevbe Jekọb ọre ọ rhie egbe ma mwẹ, ọre ọ na wẹ ne I tama uwa wẹẹ, “Mẹ do rhuan uwa ghe, I keghi miẹn emwi hia ne ivbi Igipt ru uwa re.

Nọmbas 11:16

E Nọyaẹnmwa keghi tama e Mosis wẹẹ, “Si arhin ekigbe siyenẹ ni re ọkaolotu ni rẹn enegbe kevbe ne ọghọ rre ọre egbe koko, viọ iran bu mwẹ gha die Owa Ukpọn Ile, tama iran ne iran mudia ke uwẹ vba.

I Kọrinti 10:4

Iran hia keghi vbe wọn amẹ orhiọn ọkpa nii, rhunmwuda, uwu okuta orhiọn nii ne ọ lele iran gha khian, ọre iran hia na wọn, okuta nii keghi re Kristi tobọ ẹre.

Hibru 11:28

Iyayi ọre ọ ya mu emwiukpo Alagberra gbọọ, ọ na wẹ ne a sanmwẹ esagiẹn ye onurho ne ogiuwu ghẹ gbele emọ ọdiọn ọghe Izrẹl.

Jọsua 5:10

Ẹghẹ ne ivbi Izrẹl na gha rre agọ vbe Gilgal, vbe otọe ne ọ rriẹe ne ọ rre ọkpẹn e Jẹriko, iran keghi ru emwiukpo Alagberra vbe ota ọghe ikpẹdẹ ne ogiwenẹ ọghe uki nii.