Ẹksọdọs 12:16 - Edo Bible (E Baibol Ẹdo) Version 1996

¹⁶ Vbe ikpẹdẹ nokaro kevbe ikpẹdẹ ne ne ogihinrọn, wa ghi do iko ugamwẹ. Wa ghẹ winna iwinna rhọkpa vbe avbe ẹdẹ nii, sokpan wa sẹtin le evbare.

Ẹksọdọs 12:16 ပူးပေါင်းရင်းမြစ်များ

Ẹksọdọs 16:23

Rẹn keghi tama iran wẹẹ, “Iyi ne Nọyaẹnmwa yi ọna khin. Ẹdẹ ikẹtin ọre ẹdẹ ne akhuẹ khin, ẹdẹ ne ọ huanrẹn ọghe ikẹtin ne a ya fiohan ne Nọyaẹnmwa. Wa fian ebrẹd ne uwa gha fian ne uwa vbe le emwi ne uwa gha le. Emwi ne ọ ghi kẹrre hia, wa ya iran gba khua hin rre khẹ ẹdẹnakhuẹ.”

Ẹksọdọs 16:29

Yerre wẹ mẹ ne Nọyaẹnmwa ọre ọ rhie Ẹdẹ Ikẹtin ne uwa, ọnii ọre ọ zẹe ne I na viọ evbare ukhukhu eva ne uwa vbe ikpẹdẹ ne ogiehan. Dọmwadẹ ọghọe ghi gha rre ehe ne ọ ye vbe ẹdẹ ne ne ogihinrọn, ọmwa rhọkpa ghe kpa hin owa rre.”

Ẹksọdọs 16:5

Vbe ikpẹdẹ ne ogiehan, iran ghi viọ ukhukhu eva ọghe ne iran ka viọ yi, iran ghi vbe le ẹe ye otọ.”

Ẹksọdọs 20:10

sokpan ẹdẹ ne ogihinrọn, Ẹdẹ Ikẹtin ne a ya fiohan ne imẹ ọre nọ. Vbe ẹdẹ nii, ghẹ winna hiehie, ọre uwẹ nọ, ra ivbi uẹ, ra eviẹn ruẹn ra emwirri ruẹ, ra avbe erhunmwuyẹn nii rre ẹvbo ruẹ.

Ẹksọdọs 34:18

“Wa ghi gha ru emwiukpo ebrẹd ne ọ ma hue, zẹ vbene I tama uwa, wa ghi ya ikpẹdẹ ihinrọn rri ebrẹd ne ọ ma hue vbe uki Abib, rhunmwuda, uki nii ọre uwa na kpa vbe Igipt.

Aizaia 1:13

Ẹ i mwẹ esa ne uwa gha viọ emwi imuohan rre. Eturari ne uwa ya zọ ese wia so mwẹ. I i ghi ho ne I họn ẹmwẹ Emwiukpo Uki Ọgbọn ọghe uwa Ẹdẹ Ikẹtin uwa kevbe ugamwẹ ne uwa si koko ga, orukhọ uwa rhiaa ehia a ne.

Levitikọs 23:21

Vbe ẹdẹ ne ẹdẹrriọ wa ghẹ winna iwinna obọ rua rhọkpa, sokpan wa ghi si koko ne uwa ru ugamwẹ. Ivbi uniẹn ruan ghi gha lele ilele na ẹdẹdẹmwẹdẹ vbe ehe ne iran a rhirhi gha ye.

Levitikọs 23:35

vbe ikpẹdẹ ne okaro, wa ghi si koko ne uwa ru ugamwẹ, wa ghẹ winna iwinna ẹdẹ rua rhọkpa.

Nọmbas 28:18

Vbe ikpẹdẹ ne okaro ọghe emwiukpo na, wa ghi si koko ne uwa ru ugamwẹ, a ghẹ vbe winna iwinna rhọkpa.

Nọmbas 28:25

Vbe ikpẹdẹ ne ogihinrọn, wa ghi si koko ne uwa ru ugamwẹ, wa ghẹ winna iwinna rhọkpa.

Nọmbas 28:26

Vbe ikpẹdẹ ne okaro ọghe Emwiukpo Akọrhọre, ẹghẹ ne uwa ya viọ ọka akọrhọre gie Nọyaẹnmwa, wa ghi si egbe koko ru ugamwẹ, wa ghẹ winna iwinna rhọkpa.

Nọmbas 29:1

Vbe ikpẹdẹ ne okaro ọghe uki ne ogihinrọn, wa ghi si egbe koko ne uwa ru ugamwẹ, a ghẹ vbe winna iwinna rhọkpa. A ghi kpe okpe vbe ẹdẹ nẹdẹrriọ.

Nọmbas 29:12

Wa ghi si egbe koko ye ugamwẹ vbe ikpẹdẹ ekesugie ọghe uki ne ogihinrọn. Wa ghi ya ikpẹdẹ ihinrọn ru emwiukpo ne a ya ya ọghọ ne Nọyaẹnmwa, wa ghẹ winna iwinna rhọkpa.

Iyẹn ne ọ Maan Ọghe Jọn 19:31

Avbe Ju keghi bu Pailet gha khian, iran wẹ ne ọ gie iran ya bunnọ avbe emwa ne a gbele ni owẹ ne a viọ iran tuorre vbe ugbugbe. Emwi ne ọ ya iran ru ọna ọrọre wẹ ẹdẹ Fraide nọ, iran i vbe ho ne ikun iran gha rre uhunmwu ugbugbe vbe Ẹdẹ Ikẹtin, kpataki vbe a miẹn wẹ Ẹdẹ Ikẹtin nii, ughaẹn ọ ya huan.

Diuteronomi 16:8

Vbe ikpẹdẹ ehan ne ọ lele ẹe, wa ghi gha rri ebrẹd ne a ma ye eyist le, sokpan vbe ikpẹdẹ ne ogihinrọn, wa ghi si egbe koko ne a ru ugamwẹ ne Nọyaẹnmwa, wa ghẹ winna iwinna rhọkpa ẹdẹ nẹdẹrriọ.