Ẹksọdọs 12:15 - Edo Bible (E Baibol Ẹdo) Version 1996

¹⁵ “Wa ghi ya ẹdẹ ihinrọn rri ebrẹd ne ọ ma hue. Vbe ikpẹdẹ ne okaro, wa ghi viọ ebrẹd ne ọ huere hin owa rua rre, rhunmwuda ọmwaikọmwa ne ọ rri ebrẹd ne ọ huere ke ikpẹdẹ nokaro ya sẹ ikpẹdẹ ne okiekie, a gha kan ẹn fua hin ọbuohiẹn emwa mwẹ rre.

Ẹksọdọs 12:15 ပူးပေါင်းရင်းမြစ်များ

Gẹnẹsis 17:14

Okpia ne a ma he rhuẹ, a ghi wannọẹn hin uwe ẹbu emwa rẹn rre rhunmwuda ọ ma họn ẹmwẹ mwẹ.”

II Krọnikol 30:21

Iran ni si koko ye Jerusalẹm keghi ya ikpẹdẹ ihinrọn ru Emwiukpo Ebrẹd Ne ọma hue ke iran kevbe ẹko nọ rhiẹnrhiẹn ẹsẹse, avbe Livai kevbe avbe ohẹn kegha ya ẹtin iran hia rho e Nọyaẹnmwa ẹdẹgbegbe.

Ẹzra 6:22

Iran keghi ya ikpẹdẹ ihinrọn ghọghọ oghọghọ nọkhua ru Emwiukpo Ebrẹd Ne ọ ma hue. iran kakabọ ghọghọ rhunmwuda, e Nọyaẹnmwa keghi ru ẹe ne Ọgbaisi Asiria gha ru iran ẹse, sẹrriọ wẹ ọ na kakabọ ye iran obọ vbe iran bọ Ọgua Osa ọghe Osanobua Izrẹl.

Ẹksọdọs 12:8

Vbe asọn nii, te a gha tọn ẹn vbe erhẹn, a ghi ye ebrẹd ne ọ ma huẹ kevbe oriwo rriọe.

Ẹksọdọs 13:3

E Mosis keghi khama emwa nii wẹẹ, “Wa ghi ya ẹdẹnẹrẹ na ne uwa kpao vbe otọ Igipt ẹro, ehe ne uwa na gha re eviẹn, rhunmwuda ẹrẹna ọrọre ẹdẹ ne Nọyaẹnmwa ya ẹtin nọkhua ẹre viọ uwa ladian. Wa gha rri ebrẹd ne ọ ma hue.

Ẹksọdọs 23:15

Vbe uki Abib, uki ne uwa na kpao hin Igipt rre, wa ghi ru emwiukpo Ebrẹd nọmahue; zẹ vbene iyi ẹre nii yi ma uwa, wa ghẹ rri ebrẹd ne ọ huere la ikpẹdẹ ihinrọn vbe ẹghẹ emwiukpo na. Omwa ikọmwa ghẹ fiabọ emwi imuohan bu mwẹ gha dee.

Ẹksọdọs 30:33

Ọmwaikọmwa ne ọ ru ọvbehe ya ta ẹre, ra ne ọ lo vbọ ye egbe ọmwa nẹ i re ohẹn, a ghi kan ẹn fua hin uwu ẹbu emwa rẹn rre!’ ”

Ẹksọdọs 30:38

A deghẹ ọmwaikọmwa ta ẹre ya ru ne egbe ẹre a i ghi vbe ka ẹe ba avbe emwa mwẹ.”

Ẹksọdọs 31:14

Rhunmwuda ọnii, te uwa gha zẹ Ẹdẹ Ikẹtin kọ rhunmwuda, a ya ẹe khian kpataki ne uwa nẹ. Ọmwaikọmwa ne ọ ma zọe kọ ye ne ọ huanrẹn, a ghi gha gbe ẹe rua, kevbe ọmwaikọmwa ne ọ winna iwinna rhọkpa vbe Ẹdẹ Ikẹtin nii.

Ẹksọdọs 34:18

“Wa ghi gha ru emwiukpo ebrẹd ne ọ ma hue, zẹ vbene I tama uwa, wa ghi ya ikpẹdẹ ihinrọn rri ebrẹd ne ọ ma hue vbe uki Abib, rhunmwuda, uki nii ọre uwa na kpa vbe Igipt.

Ẹksọdọs 34:25

“Wa ghẹ ya ebrẹd na ya eyist ru zọ ọhẹ mẹ vbe uwa gha ye aranmwẹ zẹ ese mẹ. A ghẹ rhie hin rre ne ẹdẹ gbe vbe uwa gha gbe emwi ya ru emwiukpo Alagberra.

Levitikọs 17:10

Ovbi Izrẹl ra orhunmwuyẹn ni rre uwu ẹbu iran gha rri emiowo kẹe kevbe esagiẹn, e Nọyaẹnmwa gha mu aro da ẹre, ẹ i ghi ra vbe ka ẹe ba emwa irẹn.

Levitikọs 17:14

Rhunmwuda ighẹ esagiẹn ọre orhiọn emwi hia nii rre agbọn ye, e Nọyaẹnmwa keghi tama ivbi Izrẹl wẹ ne iran ghẹ rri aranmwẹ rri esagiẹn, kevbe wẹ ọmwa ne ọ ru ẹe, rẹn i ghi ra ka ẹe ba emwa irẹn.

Malakai 2:12

Te Nọyaẹnmwa gha yuo emwa ni ru egbe emwi vbenian kua hin uwu ẹbu ivbi Izrẹl rre, ne ọ ghẹ ghi vbe gie iran mwẹ oghae vbe emwi ne ẹvbo mwa do ya gha ha oko gie Nọyaẹnmwa ne Oghodua.

Nọmbas 28:17

Vbe ikpẹdẹ ekesugie vbọ, emwiukpo ugamwẹ ne ọ ya ikpẹdẹ ihinrọn vbotọ ghi suẹn. Vbe uwu ẹghẹ na, ebrẹd ne a ma ya eyist gbe ọkpa ọre a re.

Nọmbas 9:13

Sokpan, a deghẹ ọmwa ne awua i gue nọ, ighẹ ọ ma vbe yo ehe rhọkpa, ne ọ ma ru emwiukpo Alagberra, a i ghi vbe kae ba avbe emwa mwẹ, rhunmwuda ọ ma zẹ ọhẹ ni gunmwẹ vbe ẹghẹ ne a mwa yọ. Uhunmwu ẹnrẹn ọre ọ ra ya mu emwi ne ọ gha ke orukhọ ẹre ikian.

Matiu 16:12

Ẹkpo nii ọre avbe erhuanegbe ghi na do rẹn ighe ẹ i re eyist na ya fian ebrẹd ọre ọ kha ighe iruemwi avbe Farisi kevbe Sadusi ọre ọ kha.

Iyẹn ne ọ Maan Ọghe Luk 12:1

Ugbẹn vbe emwa ghi wa gbe ẹbu sẹrriọ ne iran gha ye igiawẹ rilo egbe ginna otọ, Jesu keghi ka zẹgiẹ tama avbe erhuanegbe ẹre wẹẹ, “Wa gha begbe vbe egbe ihueka avbe Farisi! Ẹkẹ vbe iwẹnwẹn iran ọre I kha.

Iyẹn ne ọ Maan Ọghe Luk 2:43

Iran ghi ru Emwiukpo fo nẹ, iran keghi werriegbe gha die owa sokpan Jesu keghi ya kọ vbe Jerusalẹm, sokpan evbibiẹ ọe ma rẹn.

Iwinna 12:3

Ọ ghi miẹn ighẹ emwi na rhiẹnrhiẹn avbe ju, ọ na vbe ya mu Pita. (Ẹghẹ Emwiukpo ebrẹd Ne ọ ma hue ọre emwi na na sunu.)

Galatia 5:12

Iran ni do gha rueghe uwa orhiọn na, vbe ọ rrọọ akpawẹ iran gha wa ru fo, wẹ ne iran ya ye egbe iran khian osọnmwẹ.

Diuteronomi 16:3

Wa gha ra rri evbare na, wa ghẹ rri ebrẹd ne a ye eyist le. Wa ghi rri ebrẹd ne a ma ye eyist le la ikpẹdẹ ihinrọn, rhunmwuda ulẹ vbe okhian ọ re uwa ya lahin Igipt rre. Wa ghi rri ebrẹd na ne a gha tie ẹre evbare ọlọghọmwa, vbe ne a gha na miẹn wẹ vbe ẹdẹ agbọn uwa hia, te uwa gha ye rre, ẹdẹ ne uwa kpao vbe Igipt rre.

Diuteronomi 16:5

“Wa ghẹ gbe aranmwẹ Alagberra vbe uwu avbe ẹvbo ne Nọyaẹnmwa Osanobua uwa gha viọ ne uwa. Ehe ne a na ga ọkpa ọ re uwa gha na gha gbe ẹe, wa ghi vbe gbe ẹe vbe owẹn a defua nẹ, vbe odẹ ẹghẹ ne uwa ya kpao vbe Igipt rre zẹẹ.

Diuteronomi 16:8

Vbe ikpẹdẹ ehan ne ọ lele ẹe, wa ghi gha rri ebrẹd ne a ma ye eyist le, sokpan vbe ikpẹdẹ ne ogihinrọn, wa ghi si egbe koko ne a ru ugamwẹ ne Nọyaẹnmwa, wa ghẹ winna iwinna rhọkpa ẹdẹ nẹdẹrriọ.