Ẹksọdọs 12:13 - Edo Bible (E Baibol Ẹdo) Version 1996

¹³ Esagiẹn ni rre onurho ọre ọ gha re ama ne a gha ya gha rẹn owa ne uwa ye, I gha bẹghe esagiẹn, I ghi rhie gberra evba, ọfuan ne irria ikhi na mu khian, i ra sẹ uwa egbe vbe ẹghẹ ne I gha na fi ivbi Igipt emwi.

Ẹksọdọs 12:13 ပူးပေါင်းရင်းမြစ်များ

Gẹnẹsis 17:11

Ke ẹghẹ na kpao, te u gha rhuẹ emọ ikpia ruẹ hia vbe ọ gha sẹ ọmọ ikpẹdẹ erẹnrẹn nẹ, kevbe eviẹn ne a biẹe vbe owa kevbe ne a dẹlẹ ke ore rre, vbe obọ avbe orhunmwuyẹn. Ọna ọre ọ gha rhie ma wẹẹ, mẹ vbe uwa gba ta ile.

Ẹksọdọs 12:11

Te uwa ra mu egbe okhian ya rriọe. Wa ghi gba ukpọn uwa ukugba ginna ẹkun, wa ghi viọ ibata ye owẹ, wa ghi viọ ọkpọ utuaotọ uwa mwẹ obọ, wa ghi rriọe okhirhikhirhi, Evbare Alagberra ọghe uyi mẹ ne Nọyaẹnmwa nọ.

Ẹksọdọs 12:23

E Nọyaẹnmwa gha la Igipt gberra ne ọ ya gbele ivbi Igipt, ọ gha bẹghe esagiẹn ne ọ rre ẹkhu kevbe egbaha onurho, ẹ i ghi vbe gie ọfuan la owa uwa gbe emwi.

Ẹksọdọs 12:7

“Iran ghi rhie vbe esagiẹn ọnrẹn ya vin urho kevbe odukhunmwu onurho owa ne a ra na rri avbe aranmwẹ nii.

Ezikiẹl 9:4

“Wa ya la e Jerusalẹm hia gaa, ne u vinnọ ama ye uharo avbe iran ni viẹ egbe viẹ ẹhi ye ẹmwẹ uyinmwẹ ne ọ zughu ọmwa ẹko ne iran yin vbe ore ẹvbo.”

I Tẹsalonaika 1:10

Kevbe ne uwa do gha diakhẹ Ovbi ẹre ne ọ ke ẹrinmwi tuorre gha dee, Jesu ne Ovbi ẹre, ọmwa ne irẹn huẹn kpaegbe vbe orinmwi, ọmwa ne ọ miẹn ima fan vbe obọ ohu Osanobua ne ọ dee.

Hibru 11:28

Iyayi ọre ọ ya mu emwiukpo Alagberra gbọọ, ọ na wẹ ne a sanmwẹ esagiẹn ye onurho ne ogiuwu ghẹ gbele emọ ọdiọn ọghe Izrẹl.

Jọsua 2:12

Banbanna nian, wa yan ma e Nọyaẹnmwa wẹ wa gha mu eyan uwa sẹ, ne uwa gbearoghe ẹgbẹe mwẹ zẹ vbene imẹ gbe aro ghe uwa, wa ghi vbe rhie emwi iyama yọ.

Jọsua 2:18

U ghi danmwẹ ehọ. Ma gha mu okuo sẹ ẹvbo ruẹ, u ghi de irri ne ọ baa na ye ewindo ne u nu ima la tuorre na. U ghi koko avbe erha a, iyuẹ, etuẹn ne ikpia, kevbe ẹgbẹe erha hia ye owa ruẹ.

I Jọn 1:7

Sokpan deghẹ ma rre uwu uwanmwẹ zẹ vbene irẹn vbe rre uwu uwanmwẹ, ẹghẹ nii, ọre ima na gu egbe mu obọ, esagiẹn Jesu ne Ovbi ẹre ghi ye ima khian ne ọ huanrẹn hin orukhọ hia rre.