Ẹksọdọs 12:1 - Edo Bible (E Baibol Ẹdo) Version 1996

¹ E Nọyaẹnmwa keghi tama e Mosis kevbe Errọn vbe otọ Igipt wẹẹ,

Ẹksọdọs 12:1 ပူးပေါင်းရင်းမြစ်များ

Gẹnẹsis 20:7

Sokpan, banbanna na nian, rhie okhuo nii werriegbe gie ọdọ ẹre. Akhasẹ rẹn khin, ọ gha na erhunmwu nuẹn ne u ghẹ wu. Sokpan, a deghẹ u ma rhie ẹre nẹẹn, I tama ruẹn yotọ nian wẹ te u wu, ke uwẹ kevbe ẹgbẹe ruẹ hia.”

II Krọnikol 35:17

Ivbi Izrẹl ni rre evba hia keghi ya ikpẹdẹ ihinrọn ru emwiukpo Alagberra kevbe ọghe Ebrẹd Ne ọma hue.

Ẹksọdọs 11:10

E Mosis kevbe Errọn keghi winna iwinna ọyunnuan na hia ye ọba Igipt aro, sokpan E Nọyaẹnmwa keghi ya ẹe yin ehọ, ọ ma gie ivbi Izrẹl kpao hin ẹvbo ẹre rre.

Ẹksọdọs 11:2

Tama ivbi Izrẹl ne dọmwadẹ ọghọe nọ emwi vbe obọ ogieva ẹre, emwi itegbe ọghe igoru kevbe esiliva.”

Ẹksọdọs 12:18

Wa ghi suẹn gha rri ebrẹd ne ọ ma hue ke ota ikpẹdẹ ne ogiwenẹ ọghe uki nokaro kpao ya sẹ ota ikpẹdẹ ọkpa yan ugie.

Ẹksọdọs 12:2

“Uki na ọre ọ khian gha re uki nokaro vbe ukpo ne uwa.

Ẹksọdọs 14:1

E Nọyaẹnmwa keghi khama e Mosis wẹẹ,

Ẹksọdọs 40:2

“Vbe ikpẹdẹ nokaro ọghe uki nokaro, u ghi mu Owa Ukpọn nii mudia, ọghe ehe ne Nọyaẹnmwa ye.

Ezikiẹl 45:21

“Vbe ikpẹdẹ ne ogiwenẹ vbe uki ne okaro, wa ghi suẹn Emwiukpo Alagberra. Vbe uwu ikpẹdẹ ihinrọn, emwa hia ghi gha rri ebrẹd ne a ma ya eyist le.

Nọmbas 28:16

A ghi ru Emwiukpo Alagberra ya ya ọghọ ne Nọyaẹnmwa vbe ikpẹdẹ ne ogiwenẹ ọghe uki ne okaro.

Nọmbas 9:2

“Tama ivbi Izrẹl ne iran ru emwiukpo Alagberra. Iran ghi suẹn ọnrẹn vbe ovẹn a dero nẹ vbe ikpẹdẹ ne ogiwenẹ ọghe uki na, zẹ vbene a mwamwaẹn yi.”

Nọmbas 9:5

Iran keghi gele ru ẹe vbe uwu ato Sainai, vbe ota ikpẹdẹ ne ogiwenẹ ọghe ukpo ne okaro. Emwa nii keghi ru emwi hia zẹ vbene Nọyaẹnmwa tama e Mosis.

Iyẹn ne ọ Maan Ọghe Mak 14:1

Ikpẹdẹ eha ọre ọ ghi kẹe ne a suẹn Emwiukpo Alagberra kevbe Eka Ne ọ ma hue. Avbe igie ohẹn kevbe avbe iran ni ma emwa Uhi kegha gualọ vbene iran gha ya do mu Jesu hẹ ne iran gbe ẹe rua.

Iyẹn ne ọ Maan Ọghe Luk 22:1

Ẹghẹ Emwiukpo Ebrẹd Ne ọ ma hue ne a tie ẹre Alagberra ghi bu otọ.

Iwinna 12:4

Iran ghi mu Pita nẹ, iran keghi mu ẹn fi uwu ẹwẹdọ, iran keghi zẹ oka enẹ ọghe ivbiyokuo, arhin enenẹ kevbe rre oka ọkpọkpa. Hẹrọd keghi te mwamwaẹn wẹ emwiukpo Alagberra ghẹ ghi fo nẹ, rẹn ghi do muẹn bu avbe Ju.

I Samuẹl 2:27

Akhasẹ ọkpa keghi do ta uhunmwu ne e Nọyaẹnmwa gie na ma Elai wẹẹ, “Ẹghẹ ne Errọn ne erha uwa odede na gha re ọviẹn vbe Igipt ọ re I na rhie egbe mwẹ ma rẹn.