Ẹksọdọs 10:27 - Edo Bible (E Baibol Ẹdo) Version 1996

²⁷ E Nọyaẹnmwa kevbe ya ọba yin ehọ, ọ ma vbe gie iran kpao.

Ẹksọdọs 10:27 ပူးပေါင်းရင်းမြစ်များ

Ẹksọdọs 10:1

E Nọyaẹnmwa keghi tama e Mosis wẹẹ, “Bu ọba gha khian. I gie irẹn kevbe ekhaẹmwẹ ọnrẹn yin ehọ nẹ ne I miẹn ehe na winna avbe iwinna ọyunnuan ma iran.

Ẹksọdọs 10:20

Sokpan e Nọyaẹnmwa keghi ya ọba yin ehọ, ọ ma gie ivbi Izrẹl kpao.

Ẹksọdọs 11:10

E Mosis kevbe Errọn keghi winna iwinna ọyunnuan na hia ye ọba Igipt aro, sokpan E Nọyaẹnmwa keghi ya ẹe yin ehọ, ọ ma gie ivbi Izrẹl kpao hin ẹvbo ẹre rre.

Ẹksọdọs 14:4

Mẹ gha gie ọba Igipt yin ehọ, ọ ghi zẹ iran khu, vbe ne obọ mwẹ nọ gha ke ukhunmwu ne ọba Igipt kevbe ivbi iyokuo ẹre, gha na rhie uyi gunmwe. Ivbi Igipt gha rẹn wẹ mẹ ọrọre Nọyaẹnmwa.” Ivbi Izrẹl keghi ru vbene a khama iran.

Ẹksọdọs 14:8

E Nọyaẹnmwa keghi ya ọba Igipt ze vbe udu, ọ na zẹ ivbi Izrẹl khu, emwa nii kpao vbe uwu akhọnmiotọ.

Ẹksọdọs 4:21

E Nọyaẹnmwa keghi dọlegbe tama e Mosis wẹẹ, “Vbene u ghi na rrie Igipt na nian, ghẹ mwẹ u ma winna avbe iwinna ama ne I rhie ẹtin nuẹn ya gha ru. I gha ya ọba ze vbe udu, rẹn i ra gie emwa nii kpao.

Ebe ne Pọl gbẹẹn gie emwa Rom 9:18

Ọnii rhie maa khekherriọ wẹẹ, ọmwa ne ọ khọn Osanobua ọre ọ tohan rẹn, ọ ghi vbe ya ne ọ khọn rẹn ze vbe ẹkoko udu.

Arhie Maan 9:20

Emwa ne agbọn ni dekẹe, iran ne egboghogbogho na ma he gbele ua, iran ma zobọ vbe emwi ne iran tobọ iran ru. Iran ma zobọ vbe esu ne iran ga kevbe avbe amazẹ igoru, esiliva, oze, okuta kevbe erhan, emwi ne ẹ i sẹtin bẹghe ra ne ọ ye owẹ khian ra ne ọ họn ẹmwẹ.