Ẹksọdọs 10:25 - Edo Bible (E Baibol Ẹdo) Version 1996

²⁵ E Mosis keghi tama rẹn wẹẹ, “Ọnii rhiema wẹ, wẹ ọre ọ ghi viọ aranmwẹ ne ima gha ya zẹ ese ke ihaoko ne a giẹn uan ne ima gha ya zẹ ese ghe Nọyaẹnmwa ne Osanobua mwa.

Ẹksọdọs 10:25 ပူးပေါင်းရင်းမြစ်များ

Gẹnẹsis 8:20

E Noa keghi gba aka ne Nọyaẹnmwa. Ọ keghi rhie ọkpọkpa vbe uwe aranmwẹ kevbe ahianmwẹ ne ẹ i mwẹ awua, ọ keghi ya iran zọ ese ne a giẹnrẹn vbe uhunmwu aka nii.

Ẹksọdọs 10:24

Ọba keghi tie Mosis, ọ keghi khama rẹn wẹẹ, “Wa sẹtin gha khian ya ga e Nọyaẹnmwa, avbe amwẹ uwa kevbe ivbi uwa sẹtin lele uwa gha khian, sokpan ama wẹ avbe ohuan, ẹwe kevbe ẹmila uwa, a ghi sẹ eni rae ye edinran.”

Ẹksọdọs 10:26

Te avbe emwirri ima vbe lele ima khian. Ma i ra fi ọkpa ye odieke. Te ima ra hannọ emwi ne ima ra ya zọ ese ghe Nọyaẹnmwa ne Osanobua mwa, vbe ẹi re te ima sẹ evba nii nẹ, ma tobọ ima i khian rẹn emwi ne ima gha ya ga e Nọyaẹnmwa.”

Ẹksọdọs 20:24

Wa ya ekẹn ma aka mẹ, wa ghi gha zẹ ese rua ne a giẹn uan ke ẹe kevbe ese ne a gba zọ ọghe uwa, kevbe ohuan kevbe ẹmila rua. Eheikehe ne I rhirhi a kha ma uwa ne uwa na gha ga mwẹ, I gha rre do gha fiangbe uwa vbe evba.

Levitikọs 16:9

Errọn ghi ya ẹwe ne uta zẹẹ vbọ zọ ese ghe Nọyaẹnmwa, zẹ vbe ese orukhọ.

Levitikọs 9:22

Ugbẹn vbe Errọn ghi zọ ese na hia fo nẹ, ọ keghi tọn obọ ẹre mu yan emwa nii, ọ na fiangbe iran, ọ ke ghi tuorre.