Ẹksọdọs 10:22 - Edo Bible (E Baibol Ẹdo) Version 1996

²² E Mosis keghi tọn obọ ẹre mu ghe odukhunmwu, ebiebi ne ọ mwẹ imi keghi so gba otọ Igipt hia la ẹdẹ eha.

Ẹksọdọs 10:22 ပူးပေါင်းရင်းမြစ်များ

Job 5:14

Iran ghi gha ye obọ baba odẹ vbe ogiavan.

Psalm 105:28

Osanobua keghi gie ebiebi la ẹvbo ni, sokpan, ivbi Igipt ma ya uhi ẹre ru emwi.

Ẹksọdọs 20:21

Sokpan emwa nii keghi ya mudia ye urria gban an, e Mosis ọkpa ọre ọ ghi sikẹ okuku nii vbe ehe ne Osanobua gha ye.

Aizaia 8:22

ra iran ghi gha ghe otọe sokpan, iran i ra bẹghe emwi ọvbehe gberra ọlọghọmwa kevbe ebiebi, ebiebi ne ọ gbe orrirri ne iran ra khulo iran lao. Odẹ ne iran gha la miẹn uhunmwu vbe egbe ọlọghọmwa na, ẹ i rrọ.

Ezikiẹl 32:7

I gha fuẹn ọnrẹn uan nẹ, I gha ya emwi gue iso. I ghi vbe khiẹn avbe orhọnmwẹ kua. Owẹn gha lẹre ye iyeke avbe okuku, uki i ghi ra vbe baa ọvbehe.

Ezikiẹl 32:8

I gha dọ ukpa ne ọ rre iso yọ, I ghi mu agbọn uwa fi uwu ebiebi. Mẹ ne Nọyaẹnmwa ne Oghodua tae nẹ.

Joẹl 2:2

Ẹdẹ akhiẹ ne ọ so ebiebi ra gha nọ, ẹdẹ nekhui ne ọ vuọn ne okuku. Oghẹn irhiso nọkhua ye egbe dee, zẹ vbe ne ebiebi hẹko so yan uhunmwu oke. A ma he miẹn emwi ne ọ khọ ẹe ẹdẹ, a i ra vbe dọlegbe miẹn emwi ne ọ khọ ẹe ọvbehe.

Joẹl 2:31

Owẹn gha so ebiebi uki ghi do gha baa vbe esagiẹn ọ te sẹ ẹdẹ ne ẹdẹ nọkhua, ẹdẹ ugborrirri, ọghe Nọyaẹnmwa nii, gha ya egbe ladian.

Emọs 4:13

Osanobua ọ re ọ yii avbe oke nekhua, ọ keghi vbe yii avbe ẹhoho. Ọ gie ọmwa ne agbọn rẹn emwi ne ọ rre irẹn ekhọe, ọ sẹtin ye avan khian asọn, ọ ghi vbe gha khian vbe ehe ne ọ yo vbe agbọn. Eni ẹnrẹn ọrọre Nọyaẹnmwa, Osanobua ne Oghodua.

Emọs 4:7

Ẹghẹ ne ọ wa kei ne amẹ na rhọ ye emwiokọ uwa. I keghi dobọ amẹ yi ne ọ ghẹ rhọ. I gha gie amẹ rhọ vbe ẹvbo ọkpa, I i ghi vbe gie ẹe rhọ vbe nọkpa.

Diuteronomi 4:11

Wa tama ivbi uwa vbene uwa do mudia ye ototọ oke nii ne okuku ne ọ mwẹ imi ọghe ighogho nekhui gue mu otọ, ọ na vbe gha kpannọ erhẹn sẹ iso.

Diuteronomi 5:22

“E Nọyaẹnmwa keghi viọ uhi na ne iran hia ni si egbe koko ye ototọ oke nii. Avbe uhi na ọ re ọ viọ ne iran, ọ ma vbe sẹ ọnii, ọ keghi ye urhu nọkhua guan ke uwu erhẹn rre kevbe uwu okuku ne ọ mwẹ imi rre. Ọ keghi gbẹnnẹ avbe uhi na ye uhanhan okuta eva, ọ na viọ mẹ.”

Arhie Maan 16:10

Iyeke ọnii odibosa ne ogisẹn keghi hihiẹ ọkpan ọghọe yan ẹkete aranmwẹ oha nii. Ebi keghi ro gue arriọba aranmwẹ oha nii, emwa kegha ya akọn rri aranmwẹ ni rre iran unu, rhunmwuda avbe obalọ nii.