Ẹksọdọs 10:17 - Edo Bible (E Baibol Ẹdo) Version 1996

¹⁷ Banbanna nian, lahọ ya orukhọ mwẹ bọ mwẹ uhukpa na ne uwa na erhunmwu ghe Nọyaẹnmwa ne Osanobua uwa ne ọ mu irriaikhi ne ọ gbe ọmwa uhunmwu na hin mwẹ egbe rre.”

Ẹksọdọs 10:17 ပူးပေါင်းရင်းမြစ်များ

I Ọba 13:6

E Jeroboam ne ọba keghi tama akhasẹ nii wẹẹ, “Lahọ na erhunmwu ghe e Nọyaẹnmwa Osanobua ruẹ mẹ ne u tama rẹn ne ọ dọlọ obọ mwẹ yi.” Akhasẹ keghi na erhunmwu ghe e Nọyaẹnmwa, a keghi dolọ obọ ọba yi.

II Ọba 4:40

A ke sa uwọnmwẹ nii ne emwa ni re, sokpan, ọwarọkpa vbe iran wa danmwẹ ọẹn, iran datu khama Elaisia wẹẹ, “Eruan nọ.” Iran ma rri ọe.

Ẹksọdọs 8:28

Ọba keghi kha wẹẹ, “I gha gie uwa ya zọ ese ghe Nọyaẹnmwa Osanobua rua vbe ato a deghẹ wa ma khian rrei gbe. Wa na erhunmwu mẹ.”

Ẹksọdọs 8:4

Iran ghi gha san yan ruẹn, ekhaẹmwẹ ruẹn kevbe emwa ruẹn hia.” ’ ”

Ẹksọdọs 8:8

Ọba keghi tie Mosis kevbe Errọn, ọna wẹẹ, “Wa na erhunmwu ghe Nọyaẹnmwa ne ọ viọ avbe ẹkirẹ hin imẹ kevbe emwa mwẹ egbe rre, I gha gie emwa uwa gha khian ne iran ya zọ ese ghe Nọyaẹnmwa.”

Ẹksọdọs 9:27

Ọba keghi gie ne a tie Mosis kevbe Errọn, ọ. wẹẹ, “Banbanna nian, I ru orukhọ nẹ, e Nọyaẹnmwa rri ase, mẹ vbe emwa mwẹ rri abe.

Ẹksọdọs 9:28

Na erhunmwu ghe Nọyaẹnmwa! Egbe avan ne ukhumwu kevbe ayan na wọ mwa. I yan ighẹ 1 gha gie uwa gha khian, wa i ghi khian mudia kpẹe sẹ ona.”

Aizaia 26:16

Nọyaẹnmwa, wẹ rri avbe emwa ruẹn oya, ugbẹn vbe obọ ghi da iran, iran keghi na erhunmwu ghe ruẹ.

Nọmbas 21:7

Emwa ni keghi bu e Mosis gha dee, iran tama rẹn wẹẹ, “Ma ru orukhọ ne ima na gha filo unu gie Nọyaẹnmwa kevbe uwẹ. Banbanna nian, na erhunmwu ghe Nọyaẹnmwa ne ọ viọ avbe ẹyẹn kpao.” Ẹre Mosis na na erhunmwu ne emwa nii.

Iwinna 8:24

Saimọn tama Pita kevbe Jọn wẹẹ, “Lahọ wa rinmwian Nọyaẹnmwa mẹ ne emwi ne uwa tae na rhọkpa ghẹ sunu vbe egbe mwẹ.”

Ebe ne Pọl gbẹẹn gie emwa Rom 15:30

Etẹn mwẹ, I kakabọ ye Nọyaẹnmwa Jesu Kristi, kevbe ahoẹmwọmwa ne Orhiọn rhie ne ọmwa rinmwian uwa ne uwa deba mwẹ kakabọ gha na erhunmwu ghe Osanobua mẹ.

II Kọrinti 1:10

Rẹn keghi miẹn mwa fan, ma wa mu ẹtin yan rẹn ighẹ ọ gha ye vbe dọlegbe miẹn mwa fan.

I Samuẹl 15:25

Sokpan, banbanna nian, I rinmwian, ya orukhọ mwẹ bọ mwẹ, ne u lele mwẹ werriegbe gha rrie Gilgal ne I miẹn ehe na ya ga e Nọyaẹnmwa.”