Ẹksọdọs 10:13 - Edo Bible (E Baibol Ẹdo) Version 1996

¹³ Ẹre Mosis na niẹn ọkpọ ẹre, e Nọyaẹnmwa na gie ẹhoho hoho la otọe nii hia la ẹghẹ avan kevbe ẹghẹ asọn hia ke odẹ ọlarre ovẹn gha dee. Ẹdẹ ghi gbe, ọ viọ avbe irhiso nii hia rre nẹ.

Ẹksọdọs 10:13 ပူးပေါင်းရင်းမြစ်များ

Gẹnẹsis 41:6

Ẹre ọka ihinrọn ọvbehe na vbe ladian, ehia ye hiahiahia, ẹhoho ato keghi wa bọnmwẹ iran an.

Psalm 105:34

Ọ guan rẹn, avbe irhiso keghi rre, inuẹbo ne ai sẹtin ka.

Psalm 148:8

Ayan kevbe amẹ ne ọzeze, esia kevbe okuku amẹ, avbe okpẹhoho ni ru vbene ọ khare.

Psalm 78:26

Ọ keghi vbe ru ẹe ne ẹhoho odẹ ahọ hoho ọ keghi ya ẹtin ẹnrẹn gua ẹhoho odẹ ekẹn kpao.

Psalm 78:46

Ọ gie irhiso ya rri iran emwiokọ, ne ọ vbe mu iran ugbo rhia.

Ẹksọdọs 14:21

E Mosis keghi niẹn obọ ẹre da okun, e Nọyaẹnmwa keghi ya ẹhoho ọlarre ovẹn ne ọ wu vbe egbe bi okun werriegbe, ọ keghi hoho la asọn nii hia, ọ keghi ya okun nii khian otọ nọkae. Amẹ keghi fian egbe ye ihe eva.

Itan 30:27

Irhiso: Iran i mwẹ ọba, sokpan, te iran mwa otu ya khin.

Jona 1:4

Sokpan, e Nọyaẹnmwa keghi gie okpẹhoho la okun, ẹhoho nii wegbe sẹrriọ wẹ te okọ ghi ra yannọ kua.

Jona 4:8

Ugbẹn vbe ovẹn ghi yan rre nẹ, Osanobua keghi gie ẹhoho owẹn owiẹ ne ọ tọn ẹsẹse rre. Ovẹn ni ghi gbe e Jona uhunmwu, ekherhe ọ kere ne ọ wa lahin. Ọ keghi rhunmwuda ọnii gha kha wẹ rẹn kpa miẹn uwu, rẹn gha wa wu. Ọ wẹẹ, “I wa wu hin agbọn rre ọre ọ maa sẹ agbọn ne imẹ ye na.”

Matiu 8:27

Unu keghi yan emwa hia, iran wẹẹ, “De ama ọmwa ne ọna khin, ne ẹhoho kevbe amẹ họn ẹmwẹ ọnrẹn na?”