Ẹksọdọs 1:20 - Edo Bible (E Baibol Ẹdo) Version 1996

²⁰ Osanobua kegha ru ikhuo ni mu emwi ubiẹmwẹ nii ẹse, ivbi Izrẹl kegha muan yọ, iran na vbe wo vbe egbe.

Ẹksọdọs 1:20 ပူးပေါင်းရင်းမြစ်များ

Psalm 103:11

Zẹ vbe ne iso yo rrei ne otọ erriọ ọre aho ẹmwẹ ọmwa rẹn kpolo ghe iran ni ya ọghọ ne ẹẹn.

Psalm 111:5

Ọ viọ evbare ne iran ni ya ọghọ ne ẹẹn; ẹ i vbe mianmian ile ẹre ẹdẹ.

Psalm 145:19

Ọ viọ emwi ne iran i mwẹ ne iran ni ya ọghọ ne ẹẹn, ọ họn utumwẹ iran, ọ keghi miẹn iran fan.

Psalm 61:5

Osanobua wẹ họn eyan ne I yan rẹn nẹ, wẹ vbe rhie emwi ne ọ re ọghe iran ni ya ọghọ ne uẹn, mẹ nẹ.

Psalm 85:9

Vbe ẹmwata rẹn mu egbe, ne ọ miẹn iran ni ya ọghọ ne ẹẹn fan, aguọmwarrọ ne ọ miẹn ọmwa fan ọghọe gha gui ima yin otọe mwa.

Ẹksọdọs 1:12

Sokpan vbene ivbi Igipt ya wiẹn iran an, erriọ ivbi Izrẹl ye gha bun yọ vẹ gba ehe hia. Ohan iran kegha mu ivbi Igipt.

Ẹksọdọs 1:19

Iran keghi wanniẹn wẹẹ, “Ikhuo Hibru i yevbe ikhuo Igipt, iran wa rherhe biẹ, ọmwa ne ọ mu emwi ubiẹmwẹ te sẹ ehe ne iran ye, iran biẹ nẹ usin.”

Ẹksọdọs 1:7

Sokpan ivbi Izrẹl kegha mwẹ emọ nibun, iran bun sẹrriọ, iran vbe wegbe sẹrriọ wẹ, iran keghi wa gba otọe nii hia.

Itan 11:18

Ere emwi esi okpa i rrọ ne ọmwa dan re, sokpan, u gha ru emwi esi, ẹ i mwẹ a ma san ruẹn ẹse.

Itan 19:17

U gha rhie emwi ne ovbiogue, te ọ ye vbe ne a rhie emwi ne Nọyaẹnmwa mọmọ; e Nọyaẹnmwa gha ha ẹre werriegbe nuẹn.

Asan-Ibo 8:12

Ọmworukhọ sẹtin wa ru orukhọ iyisẹn, ọ ghi ye gha rre agbọn. Erriọ nọ, I rẹn ẹmwẹ ne iran ta wẹẹ, “U gha ya ọghọ ne Osanobua, emwi hia ghi gha dunna nuẹn.

Aizaia 3:10

Emwa ẹmwata gha ghọghọ, emwi ghi wa vbe gha dunna ne iran. Iran gha rriere ẹsọn ne iran miẹn.

Matiu 10:42

Wa vbe yerre wẹẹ, ọmwaikọmwa ne ọ sa ukpu amẹ nọfurre ne ne ọ kanmwa sẹ vbe uwu iran ni lele mwẹ na, rhunmwuda ighẹ ọmwa ne ọ lele mwẹ nọ, ẹ i mwẹ ọ ma rri ere ẹre.”

Matiu 25:40

Ọba ghi wanniẹn wẹẹ, ‘Ne I tama uwa, ẹghẹikẹghẹ ne uwa ya ru egbe emwi vberriọ ne ne ọ kanmwa sẹ vbe uwu iran ne etẹn mwẹ na, wa ruẹe mẹ nẹ.’

Iyẹn ne ọ Maan Ọghe Luk 1:50

Ọ tohan iran hia ni mu ohan rẹn. Ke orre ya sẹ orre.

Hibru 6:10

Osanobua i re ọmwa ne ẹ i ru emwi ẹse. Ẹ i ra mianmian iwinna ne uwa winnaẹn, ra vbene uwa ya rhie maa hẹ ighẹ wa ho ẹmwẹ ọnrẹn, vbe ekpa iyobọ ne uwa gha rhie ne ivbi iyayi ne iho uwa, kevbe ne uwa ye rhie ne iran do sẹ banbanna.