Ẹksọdọs 1:14 - Edo Bible (E Baibol Ẹdo) Version 1996

¹⁴ Iran keghi ya ẹdagbọn iran khian ọghe orriara vbe ne iran na ya iran gha mannọ obuẹ kevbe ibiriki, deba iwinna a gha wu a rrie ni ghi rre ugbo hia. Iran keghi ya ẹtin munọ iran gha miẹn ẹsọn ike ẹsọn ne ọ rhirhi gha khin. Iran ma vbe mwẹ itohan ghe ivbi Izrẹl.

Ẹksọdọs 1:14 ပူးပေါင်းရင်းမြစ်များ

Gẹnẹsis 15:13

Nọyaẹnmwa keghi tama rẹn wẹẹ, “Uniẹn ruẹn gha khian ọrriọvbe vbe ẹvbo ẹrrẹ, iran gha khian eviẹn vbe evba, a ghi vbe ye ukpo uri eva sẹ iran usẹ.

I Ọba 12:14

zẹ vbene avbe igbama tama rẹn wẹẹ, “A deghẹ te ihẹ erha mwẹ gele gha khua, ọghomwẹ gha khua sẹẹ. Asan ọ re ọ ya gbele uwa, sokpan ekoboko I ra ya lọkọ uwa!”

Psalm 129:1

Izrẹl, tama mwa vbene avbe eghian zẹ uẹ kpokpo hẹ, ke ẹghẹ ọvbokhan ruẹn gha dee.

Psalm 68:13

Amazẹ idu ne a ya esiliva rhu ne ifuẹn ọnrẹn fi wainwain ne igoru. (Vbọzẹ ne eso vbe uwu uwa na gha rre uwu aza ohuan vbe ẹdẹ igbinna yi?)

Psalm 81:6

“I mu ihẹ hin uwa uhunmwu rre, I sie uwa ihẹ ọghe ibiriki.

Ẹksọdọs 1:11

Ivbi Igipt keghi rhunmwuda ọnii zẹlẹ avbe emwa ni su oleghan ne iran, ne iran gha ya ẹtin ya iran miẹn ẹsọn ne a wiẹn iran an. Avbe ivbi Izrẹl ẹre ọ bọlọ ẹvbo ne a tie ẹre Pitọn kevbe Ramesis ne ọba, ne ọ gha re ehe ne a si evbare gboo yi.

Ẹksọdọs 1:13

Iran keghi ya iran khian eviẹn edanmwidan.

Ẹksọdọs 1:15

Ẹre ọba na tama avbe ikhuo ni mu ivbi e Hibru ubiẹmwẹ, a tie ọkpa vbọ Sifra, a keghi tie nọkpa Pus wẹẹ,

Ẹksọdọs 2:23

Ọ ghi kpẹe fua, ọba Igipt keghi wu. Ivbi Izrẹl kegha khiẹkhiẹ egbe vbe uwu ọviẹn ne iran ye, iran na gha tu nọ iyobọ. Eve iran keghi sẹ ehe ne Osanobua ye.

Ẹksọdọs 20:2

Mẹ ọrọre Nọyaẹnmwa Osanobua ruẹ ne ọ rhie ruẹ ladian hin otọe Igipt rre, lahin owa ọviọnmwa.

Ẹksọdọs 6:9

E Mosis keghi ya ta ẹmwẹ na ma ivbi Izrẹl, sokpan iran ma rhie ehọ nẹẹn ta yi rhunmwuda, ihe eviẹn ne iran ye, ya egbe wọ iran.

Itan 28:15

Ivbiogue i miẹn ẹmwẹ guan vbe odaro enọkhaemwisẹ ne ọmwa dan, ọ zẹ ẹbe sẹẹ oduma ne ọ tu ye evbare kevbe akpakomiza ne ọ ru ohuẹ khian.

Aizaia 10:24

E Nọyaẹnmwa ne Ogie ne Udazi keghi tama emwa rẹn ni rre Zaiọn wẹẹ, “Wa ghẹ gie afianma ivbi Asiria fian uwa, a gha rhe miẹn wẹ iran wọ uwa uhunmwu vbene ivbi Izrẹl ka vbe gha ru ẹe.

Aizaia 14:6

iran ni ya ohu wọ avbe emwa nii uhunmwu, vbe ne iran i na vbe dobọ ẹvbo ni iran khọnrẹn ne iran zẹ kpokpo yi.

Aizaia 51:23

Mẹ gha rhie ẹre ne iran ni wọ uwa uhunmwu iran ne ọ wẹ ne uwa lovbiẹ vbe adesẹ ore iran na gha ya owẹ rilo uwa zẹ vbe iku.”

Aizaia 52:5

Egbọre ọ re ọ vbe sunu vbe Babilọn na, oghunmwu ọ re uwa khin, a ma vbe ha osa rhọkpa ye uwa uhunmwu. Ẹghẹ hia ọ re iran ni khaemwisẹ yan uwa ya rhuọ, iran vbe ghagha, iran ghi gha ya unu rhia mwẹ uan.

Aizaia 58:6

“Egbe aguẹ ne imẹ ho ọ re ọna khin; wa viọ eghan ne a ya wọ emwa uhunmwu, kevbe urọnghọn aita ẹmwata kua, ne uwa gie iran ne a wọ ẹre uhunmwu gha rrie kẹkan.

Levitikọs 25:43

Ghẹ ya obọ ọkhọ mu iran, sokpan mu ohan Osanobua.

Levitikọs 25:46

Wa sẹtin vbe ya iran ru ukhu ne a sẹ rae ye otọ ne ivbi uwa, ne iran gha ga iran vbe ẹdẹ agbọn iran hia. Sokpan, wa ghẹ ya obọ ọkhọ mu ivbi Izrẹl ne ivbi ẹvbo rua.

Levitikọs 25:53

Zẹ vbe ne a miẹn wẹ te a rhie ẹre vbe iwinna ne a ta ye ukpo ọkpọkpa. We ne arowa ẹre ghẹ ye obọ ọkhọ mu ẹẹn.

Maika 3:3

Wa rri avbe emwa mwẹ, wa zẹ iran ohian, wa guọghọ ugboloko iran, wa keghi giagia iran ye otọ zẹ vbene a giagia emiowo hẹ ye uwọnmwẹ.

Nahum 3:14

Sa amẹ ye otọ, ne u mu egbe khẹ okuo ne ọ ra ghae ga ruẹ. Vbe ya si avbe ogba ne u gba ga egbe tua. Rri ekẹn ya ru ibiriki, ne u vbe viọ avbe ibiriki nii u mannọẹn mu egbe ye otọ.

Nọmbas 20:15

vbene avbe erha mwa odede gha rrie Igipt hẹ, ehe ne ima na vbe gbe ukpo ni bun. Emwa Igipt ke ya obọ dan mu avbe erha mwa odede kevbe ima.

Iwinna 7:19

Ọ kegha hiẹ emwa ima muru, Ọ keghi rri avbe erha mwa odede oya, Ọ keghi ye obọ yẹn iran ẹho wẹ ne iran gha hẹ emọ kua vbe owa, ne a gie iran gha wulo.

Iwinna 7:34

I ghe ẹre, I kevbe miẹn usẹ oya ne emwa mwẹ sẹ vbe Igipt. I họn eve orriara ne iran viẹ, te imẹ ghi rre do miẹn iran fan na. U ghi larre nian, I ra giọ gha rrie Igipt.’

Diuteronomi 26:6

Ivbi Igipt kegha khọ mu ima, iran keghi ya ẹtin gha ya ima winna zẹ vbe eviẹn.

Diuteronomi 4:20

Sokpan wa ọrọre emwa ne irẹn viọ ke Igipt ladian, uwu ogidi erhẹn nii. Te ọ viọ uwa ladian ne uwa do gha re ọghọe vbene uwa ye ẹrẹna.

Ebe Rut 1:20

Rẹn keghi wanniẹn wẹẹ, “Wa ghẹ ghi tie mwẹ Naomi, wa gha tie mwẹ Mara rhunmwuda Osanobua ne Udazi ye obọ ne ọ tọn mu mwẹ nẹ.