Ẹksọdọs 1:11 - Edo Bible (E Baibol Ẹdo) Version 1996

¹¹ Ivbi Igipt keghi rhunmwuda ọnii zẹlẹ avbe emwa ni su oleghan ne iran, ne iran gha ya ẹtin ya iran miẹn ẹsọn ne a wiẹn iran an. Avbe ivbi Izrẹl ẹre ọ bọlọ ẹvbo ne a tie ẹre Pitọn kevbe Ramesis ne ọba, ne ọ gha re ehe ne a si evbare gboo yi.

Ẹksọdọs 1:11 ပူးပေါင်းရင်းမြစ်များ

Gẹnẹsis 15:13

Nọyaẹnmwa keghi tama rẹn wẹẹ, “Uniẹn ruẹn gha khian ọrriọvbe vbe ẹvbo ẹrrẹ, iran gha khian eviẹn vbe evba, a ghi vbe ye ukpo uri eva sẹ iran usẹ.

Gẹnẹsis 47:11

Ẹre Josẹf na do gbe erha ẹe kevbe etiọnrẹn ẹkun sotọ vbe Igipt, ọ na viọ emwi ne iran vbe ehe ne ọ maa sẹẹ vbe otọe nii vbe asefẹn Ramesis zẹ vbe ne ọba tae.

I Ọba 9:19

Avbe ẹvbo ne a viọ emwi ne a hẹ gie ẹe yi, avbe ehe ne a viọ ẹsin ẹnrẹn yi kevbe ikẹkẹ okuo, kevbe emwi ọvbehe hia ne ọ ho ne irẹn bọ ye Jerusalẹm, e Lebanọn kevbe ehe ọvbehe vbe otọ arriọba ẹre.

II Krọnikol 16:4

E Benhadad keghi gele kue yọ zẹ vbene Asa tama rẹn, ọ na gie avbe ekaokuo ẹre kevbe ivbiyokuo iran, ne iran ya khọn avbe ẹvbo ni rre Izrẹl. Iran keghi khọn mu Ijọn, Dan, Ebel Bẹt Maaka, kevbe avbe okpẹvbo ni rre Naftali ehe ne iran viọ evbare yi.

II Krọnikol 8:4

Ọ na gbe odin ga ẹvbo ne a tie ẹre Palmira ne ọ rre ato. Ọ keghi dọlegbe bọlọ avbe ẹvbo ne a si evbare koko yi, ni rre Hamat hia.

Psalm 105:13

Iran kpolugho ke ẹvbo okpa ya sẹ ọvbehe, ke arriọba okpa ya sẹ ọvbehe.

Psalm 129:1

Izrẹl, tama mwa vbene avbe eghian zẹ uẹ kpokpo hẹ, ke ẹghẹ ọvbokhan ruẹn gha dee.

Psalm 129:2

“Ke ẹghẹ ọvbokhan mwẹ gha dee ọ re avbe eghian mwẹ ke rhie obọ dan yọmwẹ otọ, sokpan, obọ iran ma gba mwẹ.

Psalm 68:13

Amazẹ idu ne a ya esiliva rhu ne ifuẹn ọnrẹn fi wainwain ne igoru. (Vbọzẹ ne eso vbe uwu uwa na gha rre uwu aza ohuan vbe ẹdẹ igbinna yi?)

Psalm 81:6

“I mu ihẹ hin uwa uhunmwu rre, I sie uwa ihẹ ọghe ibiriki.

Ẹksọdọs 1:14

Iran keghi ya ẹdagbọn iran khian ọghe orriara vbe ne iran na ya iran gha mannọ obuẹ kevbe ibiriki, deba iwinna a gha wu a rrie ni ghi rre ugbo hia. Iran keghi ya ẹtin munọ iran gha miẹn ẹsọn ike ẹsọn ne ọ rhirhi gha khin. Iran ma vbe mwẹ itohan ghe ivbi Izrẹl.

Ẹksọdọs 2:11

Ọ ghi kpẹe fua kherhe vbe Mosis ghi wan nẹ, ọ keghi ladian ne ọ ya tue avbe emwa rẹn, ighẹ ivbi e Hibru, ọ ke do miẹn vbe a ya ẹtin ya iran miẹn ẹsọn. Ọ na miẹn vbe ovbi Igipt ọkpa gbe ovbi e Hibru, ọkpa vbe uwu avbe emwa irẹn rua.

Ẹksọdọs 3:7

Ẹre Nọyaẹnmwa na kha wẹẹ, “I miẹn obọ oya ne a ya mu emwa mwẹ vbe Igipt, I họn utumwẹ ne iran tu wẹ ne a miẹn iran fan vbe obọ avbe iran ni lo iran vbe eviẹn, I wa miẹn oya ne iran re.

Ẹksọdọs 5:10

Iran ni ye avbe eviẹn winna kevbe avbe ekaolotu iwinna avbe ivbi Izrẹl, keghi ladian ya khama iran wẹẹ, “Vbenian ọre ọba ọghe Igipt khare. I i ghi viọ irunmwu ne uwa ọvbehe.

Ẹksọdọs 5:15

Avbe ekaolotu iwinna keghi bu ọba Igipt gha khian ya gui ma rẹn wẹẹ, “Umogun, vbe u ghi na ru ima vbenian hẹ yi?

Ẹksọdọs 5:8

Sokpan wa ghi wẹ ne iran gha mannọ inu ibiriki ne iran na ka mannọ de yi, ghẹ fian hin rre hiehiere. Te iwinna ma kpọlọ sẹ, ọnii ọre ọ sii ẹe ne iran na ta ẹe wẹ ne a gie iran ya zọ ese ghe Osanobua iran.”

Itan 27:4

Emwi dan ne ọ rhia emwi ọ re ohu khin, sokpan a i zẹdẹ yae gie igbọvo hiehiere.

Nọmbas 20:15

vbene avbe erha mwa odede gha rrie Igipt hẹ, ehe ne ima na vbe gbe ukpo ni bun. Emwa Igipt ke ya obọ dan mu avbe erha mwa odede kevbe ima.

Diuteronomi 26:6

Ivbi Igipt kegha khọ mu ima, iran keghi ya ẹtin gha ya ima winna zẹ vbe eviẹn.