Ẹfisọs 6:9 - Edo Bible (E Baibol Ẹdo) Version 1996

⁹ Wa ne arowa, wa vbe gha yin ghe eviẹn uwa vberriọ, wa da obọ aro ne a zẹ mu iran yi. Wa yerre wẹ, ke uwa kevbe eviẹn uwa, arowa ọkpa ọre uwa mwẹ vbe ẹrinmwi, obọ ọkpa ọre irẹn ya mu emwa hia.

Ẹfisọs 6:9 ပူးပေါင်းရင်းမြစ်များ

Nehimaia 5:5

Ivbi agbọn ẹvbo ọkpa ọ re ima vbe avbe Ju ne ihomwa gba khin. Vbene ivbi iran maa sẹ ọ re ivbi ima vbe maa sẹ. Sokpan te ima ya ivbi ima ru ọviẹn. A khiẹnnẹ eso vbe uwu ivbi ima nikhuo eviẹn nẹ. Ọghe ima fo rhunmwuda, a miẹn ima ugbo kevbe ogba azara mwa.”

Job 34:19

Ẹ i ya egbe ba iran ne irriegie, ra ne ọ ye aro esi ghe iran ni fe sẹ ivbiogue, rhunmwuda rẹn ọ re ọ yi emwa hia.

Psalm 140:12

E Nọyaẹnmwa, mẹ rẹnrẹn wẹ, wẹ ọ re ọ mu ẹzọ ovbiogue gui, kevbe emwi ne ọ khẹke ne ẹ i mwẹ.

Asan-Ibo 5:8

Ghẹ giee yan uwe unu uan adeghẹ arriọba kpokpo ovbiogue, ighe ọ ma vbe gie a bu ohiẹn ẹmwata ne iran, ra ne a rhie emwi ne ọ khẹke iran ne iran. Dọmwadẹ ọmwa iwinna, ọmwa ne irẹn rre ototọ ẹre, ọ re ọ sinmwi ne ẹẹn, ọmwa ne ukpo ẹre ghi vbe yo sẹẹ ọ re ọ sinmwi ne iran eveva.

Aizaia 47:6

Te ohu emwa mwẹ te gha mu mwẹ, I keghi ru iran vbene a miẹn wẹ iran i ghi re emwa mwẹ ọvbehe. I keghi suaa iran fi obọ ruẹ, wẹ ma vbe tohan iran. U keghi ya obọ ne ọ wegbe mu avbe ọmaẹn.

Daniẹl 3:15

Banbanna nian, wa gha ghi wa họn urhu avbe okpe, ẹgogo, ighẹnghan, akpata, kevbe avbe emwi ne a kpee ọvbehe, wa ghughẹrre ne u wa ya uhunmwu rhanmwẹ otọ ne amazẹ nii. Adeghẹ wa ma ru vberriọ, a gha wa viọ uwa ku uwu erhẹn ọwarọkpa nii, wa yayi we ẹbọ ọkpa rrọ ne ọ gha sẹtin miẹn uwa fan ra?”

Daniẹl 3:6

Ọmwa ikọmwa ne ọ ma ghughẹrre ya uhunmwu rhanmwẹ otọ, a gha fiẹe fi uwu erhẹn vbe ọwarọkpa nii.”

Levitikọs 19:13

“Ghẹ gu ọmwa do ẹki a sẹ ọmwa, ra ne u gbe ẹe miẹn re emwi. Ghẹ da igho ne u hae ne ọmwa ne ọ winna nuẹn yi, ghẹ da ẹe yi la asọn ọkpa kẹkan.

Malakai 3:5

E Nọyaẹnmwa ne Oghodua khare wẹẹ, “I gha ladian vbe uwu ẹbu uwa ne I do bu ohiẹn. I gha wa sẹ osẹe gbe iran ni ru e emaziki awan, iran ni ghẹ, iran ni sẹ osẹe ohoghe, iran ni gbe igho emwa ne iran ya winna rhu, iran ni mu avbe ẹgbẹe ru kevbe emọ ne ẹ i mwẹ erha, kevbe avbe erhunmwuyẹn, kevbe iran hia ne ẹ i da mẹ.”

Matiu 22:10

Avbe eguọmwadia keghi la ore, iran na ya koko emwa hia ne iran miẹn ne ọ maa, kevbe ne ẹ i maa, owa irhiọha ni keghi vuọn ne ẹvbo.

Matiu 22:8

Ọ keghi tie avbe eguọmwadia ẹre, ọ tama iran wẹẹ, ‘A le evbare irhiọha mwẹ nẹ, sokpan emwa oya iran na a te tie do rri evbare wa khin.

Matiu 24:48

Sokpan, deghẹ ọguọmwadia dan nọ, rẹn ghi ye otọ ẹko ẹre kha wẹẹ, ‘Ọ gha kpee arowa mwẹ ke rre.’

Matiu 24:51

Arowa ẹre gha giagia ẹre ukhiọnmwẹ ukhiọnmwẹ, ọ ghi ru ẹre emwi ne ọ ma ẹwobi. Evba ọ ra na ya gha viẹ, ọ ghi vbe gha rri akọn.

Matiu 7:12

“Ru ne emwa ọvbehe egbe emwi ne uwẹ ho ne iran ru ne uwẹ. Emwi na ya Uhi Mosis kevbe avbe akhasẹ kha ọre ọnii khin.

Iyẹn ne ọ Maan Ọghe Luk 6:31

U ghi gha ru ne emwa ọvbehe vbene uwẹ ho ne iran vbe gha ru ne uwẹ.

Iyẹn ne ọ Maan Ọghe Jọn 13:13

Wa tie mwẹ Ọmamwaemwi kevbe Nọyaẹnmwa, ẹmwata nọ, erriọ ọre ọ gele ye.

Iwinna 10:34

Pita keghi suẹn gha guan ọ wẹẹ, “Mẹ miẹn wẹ vbe ẹmwata, aro ọkpa ọre Osanobua ya ghe emwa hia.

Ebe ne Pọl gbẹẹn gie emwa Rom 2:11

Rhunmwuda, aro ọkpa ọre Osanobua ya ghe emwa hia.

I Kọrinti 1:2

gie esọsi Osanobua ne ọ rre Kọrinti, gie emwa ne a tie re ne iran do gha re emwa ni huanrẹn Osanobua, emwa ni khian ọghọe rhunmwuda ighẹ iran ya egbe ba Kristi Jesu, deba emwa hia ni ghi na erhunmwu ghe Nọyaẹnmwa Jesu Kristi nẹ, zẹ vbe Nọyan iran kevbe ima.

I Kọrinti 7:22

Rhunmwuda, ọviẹn ne Osanobua tie nẹ, nọyan egbe ẹre ghi nọ vbe obọ Nọyaẹnmwa, erriọ vbe nọ zẹẹ, ọmwa ne ọ yan egbe ẹre ne Kristi tie re, ọviẹn ọnrẹn nọ.

Diuteronomi 10:17

E Nọyaẹnmwa Osanobua uwa kpọlọ sẹ ẹbọ hia kevbe ẹtin hia. Ọmwa ne ọ kpọlọ ne ọ mwẹ ẹtin rẹn khin, ọmwa ne ọ kere ne a gha mu ohan ẹnrẹn ẹsẹse. Ẹ i gbe ghe obọ okpa, ẹ i miẹn igho iyeke.

Kọlose 3:25

Ọmwa ne ọ zẹ iba, ọmwa ne ọ khọn rẹn wẹ ne ọ gha khin, a gha vbe ha ẹre osa iba ne ọ zẹe, rhunmwuda obọ ọkpa ọre Osanobua ya mu emwa hia.

Kọlose 4:1

Wa ne arowa, wa gha ya obọ ne ọ kere kevbe ne ọ maa mu avbe eviẹn uwa. Wa yerre ighẹ wa tobọ uwa vbe mwẹ Arowa vbe ẹrinmwi.

Jems 2:13

Rhunmwuda, ọmwa ne ọ ma mwẹ itohan, Osanobua i ra tohan rẹn vbe ọ a gha bu ohiẹn, sokpan itohan ọre ọ khọnmiotọ ibuohiẹn.

Jems 2:8

Deghẹ wa mu uhi Arriọba nii sẹ, zẹ vbene ọ rre uwu ebe wẹ, “Hoẹmwẹ ogieva ruẹ zẹ vbe egbe ruẹ,” emwi esi wa ru.

Jems 5:4

Wa ma he ha osa ne iran ne uwa ya gbe ugbo. Wa gha họn vbe ne iran gui hẹ! Eve ne iran ni rhọ emwiokọ uwa ne uwa viẹ, sẹ ehọ Osanobua nẹ, Nọyaẹnmwa ne Oghodua.

I Samuẹl 15:17

E Samuẹl keghi wanniẹn wẹẹ, “A gha rhe miẹn wẹ, wẹ ma ka egbe ruẹ ye emwi rhọkpa, wẹ ọrọre ọkaolotu ẹwae emwa Izrẹl. Nọyaẹnmwa ọ re ọ ya a ma ọba Izrẹl.