Ẹfisọs 6:6 - Edo Bible (E Baibol Ẹdo) Version 1996

⁶ Ẹ i re vbe iran a gha dẹghe uwa ọkpa, wa gha na gha ru vberriọ, ne iran miẹn ehe na tian uwa, sokpan, wa gha ya ekhọe uwa hia ru vbene Osanobua ho, zẹ vbe eviẹn Kristi.

Ẹfisọs 6:6 ပူးပေါင်းရင်းမြစ်များ

Jerimaia 24:7

I gha rhie ye iran ekhọe aho ne iran rẹn wẹ mẹ ọrọre Nọyaẹnmwa. Ẹghẹ nii iran ghi gha re emwa mwẹ, mẹ ghi vbe gha re Osanobua iran, rhunmwuda, iran gha werriegbe bu mwẹ rre, ekhọekekhọe iran hia.

Jerimaia 3:10

Vbe iyeke ena hia, e Juda ne okhuo ne ọ ma guobọ ọdọ ne ọtẹn Izrẹl keghi ye ọvọvo bu mwẹ gha dee, ọ ma sẹ ọ re otọ ẹko hiehiere. Mẹ ne Nọyaẹnmwa ọ re ọ tae.”

Matiu 12:50

Rhunmwuda ọmwa ne ọ rhirhi ru iho Erhamwẹ ne ọ rre ẹrinmwi ọrọre ọtẹn mwẹ nokpia, kevbe ọtẹn mwẹ nokhuo kevbe iye mwẹ.”

Matiu 7:21

“Ẹ i re emwa hia ni tie mwẹ ‘Nọyaẹnmwa, Nọyaẹnmwa’ ọre ọ gha la Arriọba Osanobua, sokpan emwa ni ru iho erha mwẹ ne ọ rre ẹrinmwi.

Iyẹn ne ọ Maan Ọghe Mak 3:35

Rhunmwuda, ọmwaikọmwa ne ọ ru emwi ne Osanobua ho ọrọre ọtẹn mwẹ nokpia, ọtẹn mwẹ nokhuo kevbe iye mwẹ.”

Ebe ne Pọl gbẹẹn gie emwa Rom 6:17

Rhunmwuda, vbe ẹghẹ ọkpa, eviẹn orukhọ ọre uwa te gha khin, sokpan vbe ne a ghi ye na nian, ekhọe uwa hia ọre uwa ghi ya ru zẹ vbene ẹmwata ne ọ rre uwu emwi ne a ma uwa ẹre khare.

I Kọrinti 7:22

Rhunmwuda, ọviẹn ne Osanobua tie nẹ, nọyan egbe ẹre ghi nọ vbe obọ Nọyaẹnmwa, erriọ vbe nọ zẹẹ, ọmwa ne ọ yan egbe ẹre ne Kristi tie re, ọviẹn ọnrẹn nọ.

Galatia 1:10

Te ọ ghi ye vbe wẹ, te I ho ne emwa ba gha tian mwẹ ma uwa ra? Hiehiere, Osanobua ọ re I ho ne ọ tian mwẹ! Te I ba ho ne emwa hia gha so eni mwẹ nọ ma ra? Akpawẹ vberriọ ọre I ru, I ghẹ ghi sẹtin gha re ọguọmwadia Kristi.

Ẹfisọs 5:17

Rhunmwuda ọnii, wa ghẹ gha re akpa sokpan, hia ne u gha gualọ otọ ẹre ighẹ emwi ne Nọyaẹnmwa ho ne u ru.

Filipai 2:12

Rhunmwuda ọnii, ọse mwẹ ni ghan, vbene uwa wa gha họn ẹmwẹ mẹ ẹghẹ ne I na rre ehe ne uwa ye, ẹghẹ na ọre ọ na mobọ ke nian ne uwa gha họn ẹmwẹ mẹ vbe ne a ghi na miẹn na ighẹ I i ghi rre ehe ne uwa ye. Wa gha ya ohan kevbe uguọmwẹ winna khian, ne uwa miẹn ehe na ru ẹmwẹ imiẹnfan uwa fo,

Kọlose 1:9

Ọna ọre ọ si ẹe ne a na miẹn wẹ ke ne ima ya họn ẹmwẹ uwa gha dee, ẹghẹ hia ọre ima ya na erhunmwu ne uwa. Ma rinmwian Osanobua ne ọ ya irẹnmwi emwi ne ọ ho vuọn uwa, deba ẹwaẹn kevbe irẹnmwi ne Orhiọn rẹn rhie ne ọmwa.

Kọlose 4:12

Ẹpafras ne ọ vbe re ọkpa vbe uwu uwa, kevbe ne ọ vbe re ọguọmwadia Jesu Kristi we uwa do. Ẹghẹ hia ọre ọ wa ya kakabọ na erhunmwu ne uwa, ọ ghi gha rinmwian Osanobua ne ọ gie uwa mudia gbain, ne uwa si uwan, ne ọ la uwa ekhọe fo, vbe uwu ne a na wa ru iho ẹre.

I Tẹsalonaika 2:4

Vberriọ, vbe ne Osanobua wẹ ne ima gha guan, ọre ima ya guan, rhunmwuda, Osanobua gba ẹko ima, ọre ọna mu ẹmwẹ Iyẹn Ne ọ maa ye ima obọ. Ẹ i re ne ọ gha yẹ emwa ne agbọn ma ru, vbe ẹ i re ne ọ gha yẹ Osanobua ọmwa nọ danmwẹ emwi ne ọ rre ima ekhọe ghe.

I Tẹsalonaika 4:3

Emwi ne Osanobua mwamwa ẹn ne uwa ọna khin, ọ ho ne uwa gha re ne ọ huanrẹn kevbe ne ẹ i mwẹ obọ vbe emwi alama oghẹ hiehiere.

Hibru 10:36

Te uwa gha mwẹ iziengbe, erriọ ọre uwa gha na sẹtin winna iwinna Osanobua, ne emwi ne ọ ve gha na sẹ uwa obọ.

Hibru 13:21

Osanobua ọfumwegbe ne ọ viọ emwi ni maa hia ne uwa ho ne uwa, vbe ne uwa gha na sẹtin ru vbene irẹn ho, kevbe ne ọ vbe la ekpa Jesu Kristi ru emwi ne ọ yẹ ọre vbe uwu ima. Jesu Kristi ọre uyi gha rrọọ na ẹdẹ kevbe ẹdẹdẹmwẹdẹ! Isẹ.

I Pita 2:15

Rhunmwuda, vbene Osanobua ho ẹre yi ọna khin: Ọ ho ne uwa ya uyinmwẹ esi uwa gbe ọta ye iran unu, ighẹ iran ni kọẹn ni guan ẹmwẹ ogboi.

I Pita 4:2

Rhunmwuda ọnii khekherriọ, ke ẹghẹ na kpao, wa ghi gha lo edẹ agbọn uwa vbe emwa na, vbe ne a gha na miẹn wẹ, iho Osanobua ọre ọ ta ne a gha ru ma rẹn ighẹ ẹ i re orriarria emwa ne agbọn.

I Jọn 2:17

Agbọn na, kevbe emwi ne agbọn gualọ ni rrọọ hia, te ehia rhie gberra khian, sokpan, ọmwa ne ọ ru vbene Evbavba ho ọ gha rrọọ ẹdẹdẹmwẹdẹ.