Ẹfisọs 6:3 - Edo Bible (E Baibol Ẹdo) Version 1996

³ “Ne u miẹn ehe na maa kevbe ne u vbe tọ vbe otọe nii.”

Ẹfisọs 6:3 ပူးပေါင်းရင်းမြစ်များ

Aizaia 3:10

Emwa ẹmwata gha ghọghọ, emwi ghi wa vbe gha dunna ne iran. Iran gha rriere ẹsọn ne iran miẹn.

Jerimaia 35:7

Ọ vbe tama ima wẹ ne ima ghẹ bọlọ owa ra ne a vbe mu ugbo ra ne a vbe mu ugbo azara, ra na a vbe dẹ. Ọ tama ima ne a gha di owa ukpọn ya ne ima miẹn ehe na gha rre ẹvbo ne ima ye na zẹ vbe erriọvbe.

Jerimaia 42:6

Adeghẹ ọ yẹ ima ra ọ ma yẹ ima, ma gha ru vbene Nọyaẹnmwa Osanobua mwa khare ọmwa ne ima wẹ ne u na erhunmwu ghe ne ima. Emwi hia gha ma ima, adeghẹ ma họn ẹmwẹ ne ẹẹn.”

Ẹfisọs 6:2

“Ye ọghọ ne erha a kevbe iye uẹ” ọrọre uhi ne okaro ne a rhie eyan te:

Ẹfisọs 6:4

Evbibiẹ emọ, wa ghẹ gha ru ivbi uwa emwi ne ọ gha ya ohu mu iran, sokpan wa dia iran ye odẹ, ne uwa vbe gha ma iran emwi zẹ vbe ọmwa ne ọ ya Kristi yi.

Diuteronomi 12:25

A deghẹ wa họn ẹmwẹ ne ẹn ẹko gha rhiẹnrhiẹn e Nọyaẹnmwa, agbọn ghi ma uwa kevbe avbe ivbi uwa.

Diuteronomi 12:28

Wa ya ẹkoata gha ru avbe emwi ne I tama uwa na, agbọn gha ma uwa ke ivbi uwa ẹdẹdẹmwẹdẹ rhunmwuda wa gha ru emwi ne o kere kevbe emwi ne ọ yẹ e Nọyaẹnmwa ne Osanobua rua.

Diuteronomi 22:7

U sẹtin viọ ivbi ahianmwẹ negiẹrẹ nii, sokpan, u ghi gie iye ahianmwẹ nii gha rrie, ne u miẹn ehe na tọọ ne agbọn vbe ma ruẹn.

Diuteronomi 4:40

Wa gha ya uhi ẹre hia ne I viọ ne uwa ẹre na ru emwi, ẹghẹ nii agbọn ghi gha ma uwa ma ivbi uwa. Wa ghi vbe gha yin otọe nii ne Nọyaẹnmwa Osanobua uwa mu ne uwa ne ọ gha re ọghe uwa ẹdẹdẹmwẹdẹ.”

Diuteronomi 5:16

“ ‘Gha ya ọghọ ne erha a kevbe iye uẹ zẹ vbene imẹ ne Nọyaẹnmwa Osanobua ruẹ tama ruẹn, ne agbọn miẹn ehe na ma ruẹn kevbe ne u vbe tọ vbe otọe ne imẹ ra mu nuẹn.

Diuteronomi 5:33

Gha ye ehia ru emwi, ne agbọn miẹn ehe na ma uwa, wa ghi miẹn ehe na gha rre otọ ne uwa ra ya yin khian rhinrin.

Diuteronomi 6:18

Wa gha ru ne Nọyaẹnmwa khare ighẹ ọgbae, ọ vbe kei, agbọn gha maa uwa. Wa gha sẹtin yan otọe ni ne ọ ma emwi okọ ne Nọyaẹnmwa ve avbe erha uwa odede re.

Diuteronomi 6:3

Wa rhie ehọ yọ wa ne ivbi Izrẹl, ne uwa vbe gha ya iran ruemwi! Ẹghẹ nii, agbọn gha ma uwa, wa ghi do khian okpẹvbo nọkhua, wa ghi vbe gha yin otọe esiesi ne ọ ma emwi okọ, zẹ vbene Nọyaẹnmwa ne Osanobua avbe erha mwa odede yan rẹn.

Ebe Rut 3:1

Ọ ghi kpee fua kherhe, e Naomi na tama e Rut wẹẹ, “Ovbi mwẹ, I gha gualọ ọdọ rhie ne uẹn ne u miẹn ehe na gbe ẹkun sẹ otọ vbe owa obọ ruẹ.