Ẹfisọs 6:23 - Edo Bible (E Baibol Ẹdo) Version 1996

²³ Te Osanobua ne Evbavba kevbe Nọyaẹnmwa Jesu Kristi, gha rhie ọfumwegbe kevbe aho ẹmwẹ ọmwa ne avbe etẹn hia, ba iyayi.

Ẹfisọs 6:23 ပူးပေါင်းရင်းမြစ်များ

Gẹnẹsis 43:23

Ọguọmwadia nii keghi khama iran wẹẹ, “Ghẹ zẹ yọ, ghẹ gie ohan muẹn, Osanobua uwa, Osanobua erha uwa ọre ọ viọ igho ni ye uwa ẹkpo. Igho ne uwa ka hae sọmwẹ obọ.” Ọ na ya rhie Simiọn gie iran.

Iyẹn ne ọ Maan Ọghe Jọn 14:27

“Ọfumwegbe ọre I ya we uwa, ọfumwegbe mwẹ ọre I ya we uwa, ẹ i re. Vbene agbọn ya we ọmwa ọre I ya we uwa. Wa ghẹ fian afianma, wa ghẹ gie ohan mu uwa.

Ebe ne Pọl gbẹẹn gie emwa Rom 1:7

Rhunmwuda ọnii, ọre I na gbẹn ebe gie uwa hia ni rre Rom ne Osanobua ho ẹmwẹ ọnrẹn, ọ na tie uwa ne uwa do gha re emwa irẹn. Te Osanobua ne Erha mwa kevbe Nọyaẹnmwa Jesu Kristi gha rhie ẹsọhẹ kevbe ọfumwegbe ne uwa.

Ebe ne Pọl gbẹẹn gie emwa Rom 15:33

Te Osanobua ne ọ re uhunmwu ẹzẹ ọfumwegbe mwa gha deba uwa. Isẹ.

I Kọrinti 1:3

Te Osanobua ne Erha mwa, kevbe Nọyaẹnmwa Jesu Kristi gha rhie ẹsọhẹ kevbe ọfumwegbe ne uwa.

II Kọrinti 13:11

Banbanna nian, etẹn mwẹ, wa ọ khian ẹdẹ ọkpa. Wa gha ru ẹe ne ọ gba ne uwa, wa gha rhie ẹmwẹ mwẹ ye ehọ wa gie ẹmwẹ uwa gha gue kugbe, wa gha rrọọ vbe uwu ọfumwegbe. Osanobua aho ẹmwẹ ọmwa kevbe ọfumwegbe gha vbe gu uwa gha rrọọ.

Galatia 5:6

Rhunmwuda, ma gha kugbe ba Kristi Jesu nẹ, a rhuẹ, ra ma rhuẹ, i ghi mwẹ esa ne ọ ye, emwi ne a kha ọrọre iyayi ne ọ winna vbe ekpa aho ẹmwẹ ọmwa.

Galatia 6:16

Iran ne ọ ya ọna ru emwi vbe ẹdẹ agbọn iran, ọfumwegbe kevbe itohan, ọre ọ gha gu iran rrọọ, iran kevbe emwa Osanobua hia.

Ẹfisọs 6:24

Te ẹsọhẹ Osanobua gha gu emwa hia ni mwẹ aho ẹmwẹ ọmwa ne ẹ i worua ghe Nọyaẹnmwa Jesu Kristi gha rrọọ.

I Tẹsalonaika 5:8

Sokpan ivbi uwanmwẹ ẹdẹ ma khin, ọ kere ne aro gbannọ ima vbe uhunmwu. Ọ kere ne ima gbalọ iyayi kevbe aho ẹmwẹ ọmwa ye egbe zẹ vbe uhanhan ẹwẹe, kevbe idaehọ ne ima mwẹ ye imiẹnfan, zẹ vbe ẹrhu ne uhunmwu.

II Tẹsalonaika 1:3

Te ima gha kpọnmwẹ Osanobua ne uwa vbe ẹghẹ hia etẹn mwẹ. Ọ kere ne ima gha ru vberriọ, rhunmwuda, iyayi uwa wa mobọ wan yọ, kevbe aho ẹmwẹ ọmwa ne uwa mwẹ ghe egbe, wa vbe mu otọ yọ.

II Tẹsalonaika 3:16

Nọyaẹnmwa tobọ ẹre, ne ọre isi ehe ne ọfumwegbe mwa ke rre, ne ọ rhie ọfumwegbe ne uwa vbe ẹghẹ hia kevbe odẹ hia, Nọyaẹnmwa ne ọ yaba uwa hia.

I Timoti 1:14

Nọyaẹnmwa keghi wa tue ẹsọhẹ ọre ọrhẹnrhẹn yan mwẹ, ọ keghi rhie mẹ ighẹ iyayi kevbe aho ẹmwẹ ọmwa ne ọre ogho mwa vbe uwu a ya egbe ba Kristi Jesu.

I Timoti 1:3

I ho ne u tota vbe Ẹfisọs, zẹ vbe ne I ka tama ruẹn ẹghẹ ne I na gha gberra rrie Masidonia. Emwa eso vbe evba ma emwa iruẹmwi ohoghe, u ghi wẹ ne iran da obọ ẹre yi.

I Timoti 5:8

Sokpan, a deghẹ ọmwaikọmwa ma gbe aro ghe emwa rẹn, kpataki iran ni re etẹn ọnrẹn, ọ fi iyeke gbe nene iyayi nẹ, ọ wa rhia sẹ ne ọ ma yayi.

I Pita 5:14

Wa ya isosunu aho ẹmwẹ ọmwa Eniyayi tuẹ egbe uwa. Te ẹsọhẹ gha gu uwa hia ni re ọghe Kristi gha rrọọ.

III Jọn 1:14

I mwẹ ọnrẹn vbe ekhọe ne I do miẹn ọẹn aro vbe ọ ma he kpẹe ban, ne ima miẹn ehe na guan vbe ghe aro mwẹ ghe aro ruẹ.

Arhie Maan 1:4

E Jọn ọre ọ gie uhunmwu na gie avbe esọsi ihinrọn ni rre otọ Esia. Ẹsọhẹ kevbe ọfumwegbe ọrọre ọghe uwa ke ehe ne Osanobua ye gha dee, Ọmwa ne ọ rrọọ banbanna, ọmwa ne ọ ka gha rrọọ yi ke ne ọ khian vbe gha rrọọ, kevbe ke ehe ne avbe orhiọn ihinrọn ni rre odaro ẹkete ẹre ye ghe dee.

I Samuẹl 25:6

Ọna tama iran wẹ ne iran tama e Nabal wẹẹ, “E Devid wẹ do, ọse mwẹ, ọ na erhunmwu guẹ ẹsẹse, kevbe ẹgbẹe ruẹ kevbe emwi ruẹn hia.