Ẹfisọs 6:20 - Edo Bible (E Baibol Ẹdo) Version 1996

²⁰ Iyẹn ne ọ maa na ọre I rhunmwuda ẹre re ukọ, a gha rhe miẹn ighẹ uwu eghan ọre I ye banbanna. Rhunmwuda ọnii, na erhunmwu, ne I gha guan vbe ne a i na fian afianma, zẹ vbe ne ọ kere ne I gha ru.

Ẹfisọs 6:20 ပူးပေါင်းရင်းမြစ်များ

Itan 13:17

Emwa ne a gie ẹre uhunmwu, otighi ọ re iran si rre vbe iran a gha re emwa ne ẹ i gie a mu ẹtin yan, sokpan, ọfumwegbe ọ re iran ni gie a mu ẹtin yan rhie rre.

Aizaia 33:7

Emwa ni din gha datu nọ iyobọ. Avbe ukọ ẹvbo ni te ho ne iran ho ọfurre ye ẹvbo, gha viẹ eve orriara.

Aizaia 58:1

E Nọyaẹnmwa khare wẹẹ, “Kakabọ go vbene ẹtin ruẹn sẹe! Tama Izrẹl ne emwa mwẹ, vbene orukhọ iran ye hẹ.

Jerimaia 1:17

Mu egbe, Jerimaia, ya talọ avbe ẹmwẹ hia ne I we ne u tama iran, ma iran. Ghẹ gie ohan iran mu ẹẹn nian, ne a ghẹ miẹn wẹ te I ghi gie ohan iran mu ẹẹn sayọ vbe u gha sẹ ehe ne iran ye ne.

Jerimaia 40:1

E Nebuzaradan ne arowa ivbiyokuo ghi fan mwẹ fua nẹ, vbe Rama, e Nọyaẹnmwa keghi gunmwẹ guan. Te a ya ọgiọrọ rro mwẹ mu gha rrie evba deba avbe emwa nekpa ne ivbi e Jerusalẹm kevbe Juda ne a viọ ẹre oghunmwu rrie Babilọn.

Iwinna 21:33

Ọkaokuo keghi bu e Pọl gha khian, ọ mu ẹn, ọ na wẹ ne a guọ eghan eva ye ọre obọ. Ọ keghi nọ iran wẹ, “Vbe okpia na ke rre yi? Vbe ọ ru?”

Iwinna 26:29

E Pọl keghi wanniẹn wẹ, “Ọre vbe ovbi ẹghẹ kherhe nọ ra ẹghẹ ne ọ taẹn nọ, erhunmwu ne I na ghe Osanobua ọrọre wẹ ne uwẹ kevbe emwa hia ni danmwehọ mwẹ ẹrẹna dọ khian vbene I mẹ yi, sokpan ẹ i re ọghe ọgiọrọ na I kha vbọ!”

Iwinna 28:20

Ọnii ọ siẹe ne I na wẹ I ho ne I miẹn uwa ne I vbe gu uwa guan, rhunmwuda wẹ, rhunmwuda omwa ne Izrẹl la ekpa re mwẹ idaehọ, ọre a na guọ eghan na yọ mwẹ obọ.”

Iwinna 28:31

Ọ kegha kpe orhu ẹmwẹ Arriọba Osanobua, ọ na gha ma emwa emwi vbekpa Nọyaẹnmwa Jesu Kristi, ọ kegha ye unu hia ta ẹe vbe ne a i na mwẹ khian se evba.

Iwinna 5:29

Pita kevbe avbe ukọ nekpa wanniẹn wẹẹ, “Ne Osa khare ọre ima ra ya ru emwi ighẹ ẹ i re ne emwi ne agbọn khare.

II Kọrinti 3:12

Rhunmwuda ighẹ ma mwẹ idanmwehọ na, ma keghi din ẹsẹse.

II Kọrinti 5:20

Eban nian, te ima ghi guan ne Kristi khekherriọ, vbene a miẹn wẹ Osanobua tobọ ẹre ọre ọ wa la uwu ima gha gu uwa guan ne Kristi. Ma rinmwian uwa, wa gie Osanobua fi uwa werriẹ hin eghian rre ghe ọse.

Ẹfisọs 3:1

Rhunmwuda ọnọna, mẹ ne Pọl ne oleghan Kristi Jesu rhunmwuda uwa ne ẹ i re Ju, na erhunmwu ghe Osanobua.

Ẹfisọs 4:1

Rhunmwuda ọnii, I mobọ yatua uwa, mẹ ne ọre oleghan rhunmwuda ighẹ I ga Nọyaẹnmwa, wa gha ru emwi zẹ vbene ọ sikẹ ukpo ne Osanobua mwa ne uwa, vbe ẹghẹ ne ọ na tie uwa.

Ẹfisọs 6:19

Vbe gha na erhunmwu ne imẹ, ne Osanobua gha rhie ẹmwẹ yọmwẹ unu, ya gie mwẹ uhunmwu, vbe i a khian guan, ne I miẹn ehe na gha guan vbe ne a i na mu ohan, ne i vbe rhie oro ne ọ rre iyẹn ne ọ maa ladian.

Filipai 1:20

Rhunmwuda, emwi ne I mobọ ho kevbe ne I danmwehọ ẹre, ọrọre ne a ghẹ miẹn ighẹ I ma ghi sẹtin winna iwinna mwẹ, sokpan ne a miẹn wẹ vbe ẹghẹ hia, kpataki vbe iwinna na, ne ẹtin gha rre iwu, vbe ne a gha na miẹn wẹ, egbe mwẹ hia ọre I ghi ya rhie uyi gie Kristi, te I rre agbọn ra te I wu.

Filipai 1:7

Ẹmwẹ uwa i lahin ekhọe mwẹ rre, rhunmwuda ọnii, emwi ne ọ kere nọ ne ẹmwẹ uwa gha ye rriọ vbe ekhọe mwẹ. Rhunmwuda, wa hia gun mwẹ ghae vbe emwi ne Osanobua ya mu ọghọ yọ mwẹ egbe na, kevbe ẹghẹ ne I na rre uwu eghan na, kevbe ẹghẹ ne idobo i na rrọọ mẹ, vbe i a gha mu ẹmwẹ iyẹn ne ọ maa gui, kevbe I a vbe gha ya ẹre igiẹ mu otọ.

Kọlose 4:3

Vbe uwu ẹre nii, wa. vbe gha na erhunmwu ne ima, wẹ ne Osanobua rhie ẹkpotọ ne ọ maa ne ima ya kpe orhu iyẹn ne ọ maa ọghọe, ne a miẹn ehe na ta oro ẹmwẹ Kristi, rhunmwuda, ọnii ọ zẹe ne I na rre uwu eghan na.

Kọlose 4:4

Rhunmwuda ọnii nian, wa gha na erhunmwu wẹ ne I gha kpe orhu nii, ne ọ gha la ehọ vbene ọ kere ne I gha ruẹe.

I Tẹsalonaika 2:2

Wa rẹn vbene a ru ima emwi oya hẹ, ne a na vbe fa ima uan vbe Filipai, ma keghi kpao bu uwa gha die Tẹsalonaika. Ọ rhe ye rriọ, Osanobua keghi ye rhie orhiọn ye ima iwu, ne ima ya kpe orhu iyẹn nii ma uwa, a gha rhe miẹn wẹ, vbe adesẹ igbodan nọkhua nọ.

II Timoti 1:16

Nọyaẹnmwa ne ọ tohan igiowa Onisiforọs, rhunmwuda, ẹghẹ hia ọre ọ do ya gha mu mwẹ aro ze. Ekhue eghan ni ye ma mu ẹn.

II Timoti 2:9

Rhunmwuda ighẹ I kpe orhu nene Iyẹn Ne ọ maa, oya i ghi re, u hin ighẹ te a ghi guọ eghan yọ mwẹ obọ, zẹ vbe izigan. Sokpan a ma ya eghan mu ẹmwẹ Nọyaẹnmwa gba.

Failimọn 1:10

Rhunmwuda ọnii, I ra nọ ruẹn emwi ọkpa, rhunmwuda Onisimọs ne ovbi mwẹ vbe uwu Kristi, rhunmwuda, ehe ne I na rre uwu eghan vbe emwa na, ọre I na khian erhae vbe ekpa ọghe orhiọn.

Failimọn 1:9

Sokpan aho ẹmwẹ ọmwa ọre ọ ghi ya mwẹ wẹ, te I gha rinmwian. Erriọ I gha ru ẹe, a gha rhie miẹn wẹ, mẹ ne Pọl nọ, ọmwa ne ọ re ukọ ne Kristi ya zẹ ihe egbe, kevbe zẹ vbene ọ ye banbanna, I keghi vbe rhunmwuda ẹre gha re oleghan.

I Jọn 3:16

Vbene ima ya rẹn emwi ne aho ẹmwẹ ọmwa khin ọre ọ na khin: Kristi ya ẹdẹ agbọn rẹn fi ohan ne ima. Rhunmwuda ọnii, ọ te vbe kei khekherriọ ne ima gha ya ẹdẹ agbọn mwa fi ohan ne etẹn mwa.

Ebe ne Jud gbẹẹn 1:3

Wa ne ọse mwẹ ni ghan, ẹghẹ ne I na wa gha hia ne I gbẹn ebe gie uwa, vbe ekpa imiẹnfan ne ọre ọghe ima hia, ọre ọ na wa do la mwẹ ekhọe ne I gbẹn ebe gie ua, ne I ya rhie igiẹdu ne uwa, ne uwa gha gbinna nẹẹn khian ighẹ iyayi ni ne Osanobua rhie ne emwa rẹn hia uhukpa nii.