Ẹfisọs 6:2 - Edo Bible (E Baibol Ẹdo) Version 1996

² “Ye ọghọ ne erha a kevbe iye uẹ” ọrọre uhi ne okaro ne a rhie eyan te:

Ẹfisọs 6:2 ပူးပေါင်းရင်းမြစ်များ

Ẹksọdọs 20:12

“Ya ọghọ ne erha a kevbe iye uẹ ne u miẹn ehe na tọ vbe otọ ne imẹ ya nuẹn.

Itan 20:20

U gha tie ihẹn ne avbe evbibiọ, te ẹdagbọn ruẹn ra wa fo zẹvbe ukpa ne ọ dọyọ vbe ebiebi.

Jerimaia 35:18

Ẹghẹ nii ọ re I na tama ivbi uniẹn e Rekab wẹ e Nọyaẹnmwa ne Oghodua ne Osanobua Izrẹl khare wẹẹ, “Wa gele ru vbene Jonadab ne erha uwa odede tama uwa, igiodẹ ne ọ ru ma uwa, ọ re uwa wa lele, wa keghi vbe ru avbe emwi hia ne ọ wẹ ne uwa ru.

Jerimaia 35:7

Ọ vbe tama ima wẹ ne ima ghẹ bọlọ owa ra ne a vbe mu ugbo ra ne a vbe mu ugbo azara, ra na a vbe dẹ. Ọ tama ima ne a gha di owa ukpọn ya ne ima miẹn ehe na gha rre ẹvbo ne ima ye na zẹ vbe erriọvbe.

Ezikiẹl 22:7

“Emwa ni rre avbe okpẹvbo, ne ọ ghi ya ọghọ ne avbe evbibiẹ iran i ghi rrọọ. Wa gbe avbe orhunmwuyẹn rhu, wa keghi mu avbe ẹgbẹe kevbe emọ ne ẹ i mwẹ erha vbuẹvbuẹ.

Malakai 1:6

E Nọyaẹnmwa ne Oghodua tama avbe ohẹn wẹẹ, “Te ọmọ ya ọghọ ne erha ẹe, ọviẹn vbe ya ọghọ ne arowa ẹre. Mẹ ọrọre erha uwa, vbọzẹ ne uwa i na ya ọghọ mẹ? Mẹ ọrọre arowa uwa, vbọzẹ ne uwa i na lohan mwẹ? Wa zan mwẹ wa ghi ye vbe gha nọ wẹẹ, ‘Vbe ima ya zan ruẹn hẹ?’

Ebe ne Pọl gbẹẹn gie emwa Rom 13:7

Rhunmwuda ọnii wa ha osa kevbe igho ne a fian ye emwi ne uwa mwẹ ne iran, wa ghi vbe gha ye ọghọ vbe ute da ne iran.

Ẹfisọs 6:3

“Ne u miẹn ehe na maa kevbe ne u vbe tọ vbe otọe nii.”

Diuteronomi 27:16

“ ‘Ihẹn Osanobua rre uhunmwu ọmwa ne ọ ma ya ọghọ ne erha ẹe ra iye ẹe.’ “Emwa ni hia ghi kha wẹ, ‘Isẹ!’

Diuteronomi 5:16

“ ‘Gha ya ọghọ ne erha a kevbe iye uẹ zẹ vbene imẹ ne Nọyaẹnmwa Osanobua ruẹ tama ruẹn, ne agbọn miẹn ehe na ma ruẹn kevbe ne u vbe tọ vbe otọe ne imẹ ra mu nuẹn.

I Timoti 5:4

Sokpan, a deghẹ ẹgbẹ mwẹ emọ iwu ra eyẹ, gie iran ka ruẹ ne iran gha yin uyinmwẹ emwa ni yayi ghe emwa iran nẹ, odẹ vberriọ ọre iran gha ya san evbibiẹ iran ke evbibiẹ iran ẹse, rhunmwuda, ọnii ọrọre emwi ne ọ yẹ Osanobua.