Ẹfisọs 6:18 - Edo Bible (E Baibol Ẹdo) Version 1996

¹⁸ Erhunmwu ọre u gha ya ru emwi na hia, u ghi rinmwian wẹ ne Osanobua yi uẹ obọ. Gha na erhunmwu vbe ẹghẹ hia, zẹ vbene nene Orhiọn rhie yi uẹ ekhọe. Rhunmwuda ọnọna, rhie vbẹẹ, ghẹ zẹ obọ vbọ, gha na erhunmwu ne emwa Osanobua vbe ẹghẹ hia.

Ẹfisọs 6:18 ပူးပေါင်းရင်းမြစ်များ

I Ọba 8:52

“E Nọyaẹnmwa Osanobua ghẹ mwẹ u ma gha ye aro esi ghe ivbi Izrẹl ne emwa ruẹn kevbe ọba iran, ne u vbe gha họn erhunmwu iran ẹghẹ ne iran na rhirhi ya tu tie ruẹ ne u ye iran obọ.

I Ọba 8:54

E Solomọn ghi na erhunmwu ghe e Nọyaẹnmwa fo nẹ, ọ keghi mudia vbe odaro Ogiukpo, ehe ne ọ na diguẹ viọ obọ da odukhunmwu usin.

I Ọba 8:59

Te Nọyaẹnmwa Osanobua mwa gha yerre ẹghẹ hia, erinmwian kevbe erhunmwu mwẹ ne I na ghe ẹre. Te ọ gha tohan ivbi Izrẹl kevbe ọba iran ẹghẹ hia, emwi ne iran rhirhi gha ho ẹdẹgbegbe.

I Ọba 9:3

E Nọyaẹnmwa keghi tama rẹn wẹẹ, “I họn erhunmwu ruẹn ne, I ya Ọgua Osa ne u bọ ẹe khian ne ọ huanrẹn zẹ vbe ehe ne a gha na gha ga mwẹ rhinrin ẹdẹ. I gha gbe aro ghe ẹre, I gha vbe degue ẹre rhinrin ẹdẹ.

Ẹsta 4:8

Ọ keghi rhie ọkpa ne Hatak vbe ebe ne a gbennẹ mu ladian vbe Susa wẹ ne wa fuẹn avbe Ju hia a. E Modekai na tama rẹn wẹ ne ọ rhie ebe ni ne Ẹsta, ne ọ vbe rhan otọ vbene emwi hia ye hẹ ma rẹn, ne ọ tama rẹn wẹ ne ọ bu ọba gha khian, ne ọ ya rinmwian wẹ ne ọ tohan emwa rẹn.

Job 27:10

Oghogho ne ọ rhie rre gha te gha yẹ iran. Te iran gha na erhunmwu gha ere vbe ẹghẹ hia.

Psalm 4:1

Họn urhu mwẹ vbe i a gha na erhunmwu Osanobua ne ọ gbinna mẹ. Ẹghẹ ne I na gha rre uwu ukpokpo, wẹ ọ re ọ yọmwẹ obọ. Tohan mwẹ nian, ne u vbe họn erhunmwu mwẹ.

Psalm 6:9

Ọ danmwehọ eve ne I viọ nọ iyobọ, ọ gha vbe họn erhunmwu mwẹ.

Aizaia 26:16

Nọyaẹnmwa, wẹ rri avbe emwa ruẹn oya, ugbẹn vbe obọ ghi da iran, iran keghi na erhunmwu ghe ruẹ.

Daniẹl 6:10

E Daniẹl ghi họn ighe a rhie obọ ye ebe nii nẹ, ọ kegha rrie owa. Vbe owa egedege ne ọ ye, avbe ewindo eso ni viọ aro da e Jerusalẹm keghi rrọọ. Zẹ vbene ọ ka ru ẹe de yi, evba nii ọ re ọ na gha diguẹ vbe ewindo ne a kiere nii, ọ na gha na erhunmwu ghe Osanobua igbaeha vbe ẹdẹ.

Daniẹl 9:20

I keghi ye gha na erhunmwu nii khian, I keghi miẹn orukhọ mwẹ kẹe kevbe orukhọ ọghe Izrẹl ne emwa mwẹ, I na gha rinmwian e Nọyaẹnmwa Osanobua mwẹ ne ọ dọlọ rhie Ọgua Osa ẹre nọhuanrẹn ye ihe.

Hozia 12:4

Ọ gu odibosa khọn, obọ ẹre keghi ke ukhunmwu. Ọ keghi viẹ, ọ na nọ afiangbe. Osanobua keghi bu erha ima odede ighe Jekọb rre vbe Bẹtẹl, ọ na do gu ẹe guan.

Zẹkaraia 12:10

“I gha ye orhiọn itohan kevbe orhiọn erhunmwu vuọn ivbi uniẹn e Devid ni rre Jerusalẹm kevbe ivbi Jerusalẹm ọvbehe. Iran gha ghe ọmwa ne a ya agbada bi gbe ua, iran gha vbe khiẹ ọre vbe ọmwa ne ọ khiẹ ukpọmọkpa ne ọ mwẹ. Iran gha viẹ eve orriara zẹ vbe ọmwa ne ọmọdiọn rẹn nokpia wu.

Matiu 17:21

Sokpan erhunmwu kevbe aguẹ ọkpa ọre ọ sẹtin khu egbe ọna ladian, emwi ọvbehe i rrọọ ne ọ gha sẹtin.]”

Matiu 26:41

Wa gha ba odẹ, wa gha na erhunmwu ne uwa ghẹ miẹn edanmwẹ, orhiọn wa ho sokpan egbe khuẹrhẹ.”

Iyẹn ne ọ Maan Ọghe Mak 13:33

Wa gha ba egbe, wa khẹ ye egbe, rhunmwuda wa ma rẹn ẹdẹ ne ọ gha khin.

Iyẹn ne ọ Maan Ọghe Mak 14:38

Ọ tama iran wẹẹ, “Wa gha ba odẹ, wa gha na erhunmwu, ne uwa ghẹ miẹn ehe na de fi edanmwẹ. Orhiọn te wa ho sokpan ikinnegbe khuẹrhẹ.”

Iyẹn ne ọ Maan Ọghe Luk 21:36

Wa gha begbe, wa gha na erhunmwu ne uwa miẹn orhiọn ya ye egbe miẹn emwi na hia ni ra sunu, ne uwa vbe mudia vbe odaro Ovbi Ọmwa.”

Iyẹn ne ọ Maan Ọghe Luk 22:46

Ọ keghi tama iran wẹẹ, “Vbọzẹ ne uwa na vbiẹ yi? Wa kpaegbe ne uwa na erhunmwu ne uwa ghẹ de fi edanmwẹ.”

Iyẹn ne ọ Maan Ọghe Luk 3:26

Ne ovbi e Maat, ne ovbi e Matatias, ne ovbi e Semẹin, ne ovbi e Josẹk, ne ovbi e Joda.

Iyẹn ne ọ Maan Ọghe Luk 3:37

Ne ovbi e Mẹtusẹla, ne ovbi Inọk, ne ovbi e Harẹd ne ovbi e Mahalale, ne ovbi e Kaina.

Iwinna 1:14

Iran keghi kugbe zẹẹ vbe otu ọkpa, ne iran gha na erhunmwu vbe ẹghẹ hia, deba okhuo nọkpa nii, kevbe Meri ne iye Jesu, kevbe etiọnrẹn ne ikpia.

Iwinna 10:2

Rẹn keghi re ọmwa ne ọ mwẹ ekhọe iyayi. Osanobua ọre irẹn kevbe ẹgbẹe ọre hia wa gaa. Ọ wa vbe hia vbe odẹ hia ne ọ gha ru iyobọ ne avbe Ju ni re ivbiogue.

Iwinna 12:5

Iran keghi rhunmwuda ọnii khui e Pita ye uwu ẹwẹdọ sokpan ivbi e esọsi keghi wa kakabọ gha na erhunmwu ghe Osanobua nẹẹn.

Iwinna 6:4

Ẹghẹ nii, ma tobọ ima ghi wa mu aro ye ẹmwẹ erhunmwu ne a ka ke ikporhu, vbe ne a i ghi na ru emwi ọvbehe ba ẹre.”

Ebe ne Pọl gbẹẹn gie emwa Rom 12:12

Wa gie idaehọ ne uwa mwẹ gha ye ọyẹnmwẹ sẹ uwa vbe ẹghẹ hia, wa gha ziengbe vbe ẹghẹ ọlọghọmwa, wa ghi vbe gha na erhunmwu vbe ẹghẹ hia.

Ebe ne Pọl gbẹẹn gie emwa Rom 8:15

Rhunmwuda Orhiọn ne Osanobua rhie ne uwa, ma ya uwa khian ọviẹn, ne ọ gha ya uwa gha fian afianma, sokpan, te Orhiọn ni ya uwa khian ivbi Osanobua, vbe ekpa ẹtin nene Orhiọn ne a gha da tie Osanobua wẹẹ, “Evbavba! Erha mwẹ!”

Galatia 4:6

Ne ọ miẹn ehe na rhie maa ighẹ ivbi irẹn wa khin, Osanobua keghi gie Orhiọn Ovbi ẹre ye uwu ekhọe mwa, Orhiọn ne ọ datu wẹẹ, “Evbavba ne Evbavba.”

Ẹfisọs 1:16

I ma he da obọ yi vbe ekpọnmwẹ ne I rhie ne Osanobua ne uwa. I ye uwa rre vbe uwu erhunmwu mwẹ.

Ẹfisọs 2:22

Vbene a na ku egbe kugbe ba irẹn, wa tobọ uwa vbe khian ne a ghi bọ deba iran nekpa hia nian, ne ọ do khian owa ne Osanobua gha la ekpa Orhiọn irẹn gha dia.

Ẹfisọs 3:18

Ne uwa kevbe emwa Osanobua hia, sẹtin rẹn vbe ne ọ ye hẹ ighẹ uvbẹmwẹ, utanmwẹ, uyomwẹ kevbe udinmwimwẹ ọghe aho ẹmwẹ ọmwa Kristi.

Ẹfisọs 3:8

Mẹ kanmwa sẹ ne ọ ghi kanmwa sẹẹ vbe uwu avbe emwa Osanobua, sevba, Osanobua keghi ya ọna ru mwẹ ẹse wẹ, ne I rhie Iyẹn Ne ọ maa ọghe ẹfe Kristi ne ẹ i mwẹ okhiẹ bu iran ne ẹ i re Ju gha khian.

Ẹfisọs 6:19

Vbe gha na erhunmwu ne imẹ, ne Osanobua gha rhie ẹmwẹ yọmwẹ unu, ya gie mwẹ uhunmwu, vbe i a khian guan, ne I miẹn ehe na gha guan vbe ne a i na mu ohan, ne i vbe rhie oro ne ọ rre iyẹn ne ọ maa ladian.

Filipai 1:4

Ẹghẹikẹghẹ ne I rhirhi a ya na erhunmwu ne uwa, ẹko ọyẹnmwẹ ọre I ya na ẹn.

Filipai 4:6

Ghẹ si osi ye emwi rhọkpa, sokpan gha ya erhunmwu ne a na, nọ emwi ne u ho hia vbe obọ Osanobua, u ghi gha ye ekhọe ọkpọnmwẹ ẹse nọ rẹn vbe ẹghẹ hia.

Kọlose 1:3

Ẹghẹ hia ọre ima ya kpọnmwẹ Osanobua ne Erha Nọyaẹnmwa vbe ima a gha na erhunmwu ne uwa.

Kọlose 1:4

Rhunmwuda, ma họn ẹmwẹ iyayi uwa vbe uwu Kristi Jesu kevbe aho ẹmwẹ ọmwa ne uwa mwẹ ghe emwa Osanobua hia.

Kọlose 4:2

Wa mu aro ye erhunmwu ne a na, wa sikhua vbe uwa a gha na erhunmwu, ne uwa gha kpọnmwẹ Osanobua.

I Tẹsalonaika 5:17

Wa gha na erhunmwu vbe ẹghẹ hia.

I Timoti 2:1

Ke odaro ehia, I tua unu mu ẹn ta ẹe wẹ, ne a gha rinmwian, ne a gha na erhunmwu, ne a gha vbu vbe obọ ẹre, kevbe ne a gha rhie ekpọnmwẹ ne Osanobua ne emwa hia.

II Timoti 1:3

I kpọnmwẹ Osanobua, ọmwa ne I ya ekhọe sẹẹnrẹn ga, zẹ vbe ne avbe erha mwa odede vbe ru. I ghi gha kpọnmwẹ ọẹn vbe ẹghẹ hia ne I ya ye ruẹ rre vbe erhunmwu mwẹ, asọn kevbe avan.

Failimọn 1:5

Rhunmwuda I họn ẹmwẹ aho ẹmwẹ ọmwa ne u mwẹ ghe emwa Osanobua hia, kevbe iyayi ne u mwẹ vbe uwu Nọyaẹnmwa Jesu.

Hibru 5:7

Vbe ẹghẹ ne Jesu na gha rre agbọn na, utumwẹ nọkhua kevbe ameve ọre ọ ya gha nọ emwi vbe obọ Osanobua ne ọ gha sẹtin fan irẹn ye otọ vbe obọ uwu. Rhunmwuda ighẹ ọ mu egbe rri otọ ọ keghi vbe mu aro yọ. Osanobua keghi họn erhunmwu ẹnrẹn.

I Pita 4:7

Ufomwẹ emwi hia sẹ otọ fo nẹ. Wa gha ziengbe emwi, wa ghi vbe khẹ yegbe, ne uwa sẹtin gha na erhunmwu.

Ebe ne Jud gbẹẹn 1:20

Sokpan zẹ vbe ọghe uwa, wa ne ọse mwẹ, wa gha wo ye egbe vbe emwi iyayi uwa ne ọ huan sẹ. Wa gha na erhunmwu vbe ẹtin Orhiọn Ne Ọ Huanrẹn.

I Samuẹl 1:12

E Hanna keghi wa ya ẹghẹ ne ọ taẹn gha na erhunmwu ghe Nọyaẹnmwa. Elai kegha ghe akhuarhamwunu ẹnrẹn.