Ẹfisọs 6:14 - Edo Bible (E Baibol Ẹdo) Version 1996

¹⁴ Rhunmwuda ọnii, khẹ ye egbe, ya ẹmwata ru ugbẹkun rhie gba, ya aruemwiata ru uhanhan ẹwẹe.

Ẹfisọs 6:14 ပူးပေါင်းရင်းမြစ်များ

II Ọba 3:21

Ugbẹn vbe emwa e Moab ghi họn ighẹ avbe ọba eha nii dee do gu iran gbinna, ikpia hia ne obọ ẹre ghi guẹ emwi igbinna nẹ, ke egbe ne ọ khian ọmaẹn sẹẹ, yasẹ egbe ne ọ ghi ru ọvbokhan sẹẹ, a keghi wa tie iran ladian ya mudia ye ehe ne otọ iran lae.

Job 29:14

Uhẹn uhẹn ọ re I hẹko gha ru emwi re.

Aizaia 11:5

Ẹmwata kevbe uhunmwu ẹmwẹ ọ re ọ ra ya gha khaemwisẹ yan emwa rẹn.

Aizaia 59:17

Ọ gha mu ẹmwata yọ zẹ vbe ẹwu ematọn okuo, kevbe akhọnmiotọ zẹvbe ẹrhu ẹgere. Ọ gha ye amuegbe ne a ya dọlọ emwi hia yi yọ egbe ẹre ẹwu kevbe ne a ya rri emwa oya ne a ya rria ikhi ye emwi dan ne a ru emwa ẹre.

Iyẹn ne ọ Maan Ọghe Luk 12:35

“Wa rra ukpọn mu ẹkun, wa gie ukpa uwa gha baa, ne uwa mu egbe ye otọ khẹ emwi ne ọrhirhi a gha khin.

Ebe ne Pọl gbẹẹn gie emwa Rom 13:12

Asọn ye egbe khian buan nẹ, te ẹdẹ ghi ra gbe. Wa gie ima viọ emwi igbinna ne a ya gbinna vbe uwu uwanmwẹ mwẹ obọ.

II Kọrinti 6:7

Vbe ekpa ikpe orhu ẹmwata, vbe ekpa ẹtin Osanobua. Uyinmwẹ ẹmwata ọrọre emwi gbinna ne a ya gu emwa gbinna, kevbe ne a ya sinmwi egbe mwa.

Ẹfisọs 5:9

Rhunmwuda, uwanmwẹ ọre ọ rhie otọ ne avbe emwi esi, vbene umamwẹ, emwi ne ọ gbae kevbe ẹmwata ye, ne a mọ ọmọ wọrhọwọrhọ.

Ẹfisọs 6:13

Rhunmwuda ọnii, wa viọ ẹwu igbinna Osanobua ye egbe nian. Ẹghẹ nii, ogha ghi sẹ ẹdẹ ukpọba, wẹ ghi sẹtin khẹ emwi ne oghian ni fi, u gha ghi gbinna ya sẹ ufomwẹ nẹ, u ghi ye gha re ne ọ ya ika tua otọ.

I Tẹsalonaika 5:8

Sokpan ivbi uwanmwẹ ẹdẹ ma khin, ọ kere ne aro gbannọ ima vbe uhunmwu. Ọ kere ne ima gbalọ iyayi kevbe aho ẹmwẹ ọmwa ye egbe zẹ vbe uhanhan ẹwẹe, kevbe idaehọ ne ima mwẹ ye imiẹnfan, zẹ vbe ẹrhu ne uhunmwu.

I Pita 1:13

Rhunmwuda ọnii khekherriọ, wa mu ekhọe uwa egbe ye otọ ne a ya fian emwi gbua. Wa rhie vbẹ ne uwa vbe rhie ekhọe uwa aro ye odẹ fẹẹrẹ gha khẹ afiangbe ne a gha rhie ne uwa vbe ẹdẹ ne Jesu Kristi gha ya egbe ladian.

Arhie Maan 9:17

Vbe uwu umian na, I keghi bẹghe nene avbe ẹsin kevbe iran ni hin ẹnrẹn. Iran kegha mwẹ uhanhan ẹwẹe ne ọ baa, vbe erhẹn, ọ ye raghoragho vbe safaia, ọ keghi vbe gha baa rriẹrriẹ vbe ugbofi. Uhunmwu avbe nene ẹsin kegha ye vbe ọghe oduma.

Arhie Maan 9:9

Ẹwẹe iran, a keghi ya emwi ne ọ ye vbe uhanhan ẹwẹe ematọn gue ẹre. Owogho ọghe ifuẹn iran keghi ye vbe ọghe ikẹkẹ okuo ne a vbe ẹsin si khian vbe iran rrie okuo.