Ẹfisọs 6:12 - Edo Bible (E Baibol Ẹdo) Version 1996

¹² Rhunmwuda ẹ i re emwa ne agbọn kẹkan ma gu vẹn, sokpan iran nọ ighẹ avbe ẹtin ni wo ni re avbe ẹrinmwi, avbe ọdakha, avbe enikhaemwisẹ, avbe eniwanrẹn asọn, ọ ghe orre ne ọ so ebiebi na.

Ẹfisọs 6:12 ပူးပေါင်းရင်းမြစ်များ

Job 2:2

E Nọyaẹnmwa keghi nọ rẹn wẹẹ, “Vbe uwẹ a ke dee vbọ?” Esu keghi wanniẹn wẹẹ, “I gha hẹ yo hẹ rre, zozo lele otọe agbọn khian.”

Matiu 16:17

Jesu wanniẹn wẹẹ, “Saimọn ne ovbi Jona, ọ ma nuẹn ẹsẹse rhunmwuda ẹ i re ọmwa kẹkan ọre ọ rhie ẹmwata na ma ruẹn, obọ Erha mwẹ ne ọ rre ẹrinmwi taara ọre ọ ke bu ruẹ gha dee.

Iyẹn ne ọ Maan Ọghe Mak 4:19

Sokpan orhikhan ẹmwẹ agbọn na, ẹmwẹ ẹfe, kevbe emwi ni ghi viẹn ye emwa aro hia, keghi hihiẹ rre, iran keghi khuakhua ẹmwẹ ni gbua, ọ ma ghi mọ.

Iyẹn ne ọ Maan Ọghe Luk 13:24

“Jesu wanniẹn tama iran wẹẹ, ziga ne u la onurho ne wẹnrẹn la owa, ne I khama ruẹn wẹẹ, emwa ni bun ọre ọ gha hia ne iran la owa sokpan iran i sẹtin.

Iyẹn ne ọ Maan Ọghe Luk 22:53

Mẹ vbe uwa ọre ọ gba gha rre Ọgua Osa ẹdẹgbegbe, wa ma kha ighẹ uwa gha mu mwẹ, sokpan ẹghẹ ọghe uwa ọre ọ na khin kevbe ẹtin ebiebi.”

Iyẹn ne ọ Maan Ọghe Jọn 12:31

Eban ọre ọse ẹghẹ ne a gha ya bu ohiẹn agbọn na nian, eban nian, a ra ya ọre owẹ ye otọ ighe nọkhaemwisẹ yan agbọn na.

Iyẹn ne ọ Maan Ọghe Jọn 14:30

Mẹ i ra ghi gu uwa guan kpẹe sẹ ọna, rhunmwuda, ne ọ kha yan agbọn na dee.

Iyẹn ne ọ Maan Ọghe Jọn 16:11

Vbekpa ọghe ibuohiẹn, rhunmwuda a bu ohiẹn ne ọ khaemwisẹ yan agbọn na nẹ.

Iwinna 26:18

U ghi rhan iran aro ne u gban iran uhunmwu hin ebiebi rre la uwu uwanmwẹ, kevbe hin ẹtin Setan rre ghe Osanobua. Vbene a gha na miẹn wẹ vbekpa ne iran na mu ẹtin yan mwẹ, a ghi ye orukhọ iran bọ iran, iran ghi rhie ihe iran vbe uwu ẹbu emwa ne Osanobua hannọ zẹ.’

Ebe ne Pọl gbẹẹn gie emwa Rom 8:38

Rhunmwuda, mẹ miẹn ọẹn nẹ wẹẹ emwi ọkpa i rrọọ ne ọ gha sẹtin wannọ ima hin ahoẹmwọmwa rẹn rre, ọre uwu nọ, ra ẹfe, avbe odibosa, ra iran ni rre ọdakha vbe ẹrinmwi, ra avbe iran ni wo ẹghẹ na ra ẹghẹ ne ọ dee.

I Kọrinti 15:50

Emwi ne I yae kha ọre ọna khin etẹn mwẹ, wẹ emwi ne a ya efun kevbe esagiẹn ma, i sẹtin mwẹ oghae vbe Arriọba Osanobua, erriọ vbe nọ, emwi ne ọ re ne ọ sẹtin wu i sẹtin ya a i wu ẹde khian ọghọe.

II Kọrinti 11:14

Ọsughe i re emwa hiehiere, uhin ighẹ Setan tobọ ẹre sẹtin fi egbe werriẹ do gha ye vbe odibosa uwanmwẹ.

II Kọrinti 4:4

Iran ma yayi, rhunmwuda ẹbọ dan ọghe agbọn na mu ekhọe iran dee ye uwu ebiebi nẹ. Ọ ma gie iran bẹghe uwanmwẹ ne ọ wan mu iran, uwanmwẹ ne ọ ke Iyẹn Ne ọ maa vbe ekpa uyi Kristi rre, ọmwa ne ọ re ama ne a ya gie Osanobua dandaandan.

Galatia 1:16

Ọ ghi vbe wẹ rẹn ra rhie ovbi ẹre ma mwẹ ne I miẹn ehe na ya gha kpe orhu Iyẹn Ne ọ maa vbe ekpa ẹre ma iran ne ẹ i re Ju, I ma vbe bu ọmwa rhọkpa wẹ ne ọ bu mwẹ ude,

Ẹfisọs 1:21

Evba nii ọre Kristi na dakha yan avbe ọdakha ni rre ẹrinmwi hia, kevbe asẹ kevbe ẹtin kevbe iran nekhua, rẹn yo sẹẹ eni ne a rhie asẹ na hia, ni rre agbọn na kevbe agbọn ne ọ dee.

Ẹfisọs 1:3

Wa gie ima rhie ekpọnmwẹ ne Osanobua kevbe Erha Nọyaẹnmwa Jesu Kristi! Rhunmwuda, rẹn fiangbe mwa nẹ vbe uwu akugbe ba Kristi vbe ekpa ne ọ na rhie ọhẹ emwi orhiọn ne ima ke ẹrinmwi gha dee.

Ẹfisọs 2:2

Ẹghẹ nii, wa kegha lele ukpowẹ emwi dan ọghe agbọn na, wa kegha ru vbene ọ khare ighẹ ọmwa ne ọ rre ọdakha yan ẹtin avbe orhiọn ni rre ideghedeghe, orhiọn ne ọ sua iran nian ighẹ iran ne ẹ họn ẹmwẹ ne Osanobua.

Ẹfisọs 3:10

Ne a miẹn ehe na miẹn wẹ, ọ gha ghi sẹ ẹghẹ na, avbe ọdakha, odibosa, kevbe avbe ẹtin ni rre ẹrinmwi, ghi la ekpa esọsi do rẹn ẹwaẹn Osanobua vbe dọmwadẹ ihe ne ọ wa egbe yi.

Kọlose 1:13

Rhunmwuda te irẹn miẹn ima fan hin obọ ẹtin ebiebi rre, ọ na viọ ima gha die arriọba ovbi ẹre ne ọ ghan vbe egbe hẹnnẹdẹn.

Kọlose 2:15

Vbe uhunmwu ugbugbe nii, ọre Kristi na rhan egbe ẹre hin obọ ẹtin avbe orhiọn ẹrinmwi ni khaemwisẹ kevbe ni dakha. Ọ keghi ya iran khian agbọn wa do ghee, vbekpa ne ọ na tẹn iran ye uviẹn silo gha rrie, zẹ vbe avbe oghunmwu ne ọ munọ ẹn vbe okuo.

II Timoti 2:5

Ọmọ ne egbe sasa, ne ọ vbe deba emwa rhulẹ ne a ya sinmwi emwi, ẹ i sẹtin miẹn emwi rhọkpa, vbe ẹ i re te ọ gha ru vbene uhi iku ni khare.

Hibru 12:1

Zẹ vbe ọ ghe ima, ma mwẹ osẹe ọkhọngborrie ni lẹga mwa, rhunmwuda ọnii wa gie ima bannọ idobo hia kua, kevbe orukhọ ne ọ rhikhan obọ mu ọmwa, wa gie ima mu aro ye ẹmwẹ ulẹ ne ọ rre ima otọ.

Hibru 12:4

Rhunmwuda, vbe uwu igbinna ne uwa gu orukhọ gbinna, ọ ma he sẹ egbe ne a ghi na te ra gbele uwa a.

I Pita 3:22

Ọmwa ne ọ kpao gha rrie ẹrinmwi nẹ, ọ kevbe rre obọ erha ọmwa Osanobua, ehe ne ọ na khaemwisẹ yan avbe odibo Osa hia kevbe avbe ọdakha ni rre ẹrinmwi kevbe avbe ẹtin.