Ẹfisọs 6:1 - Edo Bible (E Baibol Ẹdo) Version 1996

¹ Wa ne emọ, iwinna uwa nọ, zẹ vbe ivbi iyayi Kristi, ne uwa gha họn ẹmwẹ ne evbibiẹ uwa, rhunmwuda, ọna ọre emwi ne ọ kere ne uwa ru.

Ẹfisọs 6:1 ပူးပေါင်းရင်းမြစ်များ

Gẹnẹsis 28:7

Ọ kevbe họn wẹ Jekọb ru vbene erhae ke iyẹẹ khare, ighẹ ọ kpao gha rrie Mẹsopotamia.

Gẹnẹsis 37:13

E Jekọb keghi tama e Josẹf wẹẹ, “Etuẹn gha gbearoghe avbe oghẹn ohuan vbe Siẹkẹm. Mu egbe, I ra do giọ bu iran.” E Josẹf keghi wanniẹn wẹẹ, “I mu egbe.”

Gẹnẹsis 48:12

Ẹre Josẹf na tọn iran mu hin ekuawẹ e Jekọb rre, ọ na mu ẹko rhu otọ vbe odaro ẹre.

Gẹnẹsis 50:12

Erriọ ọ re ivbi Jekọb ru zẹ vbene ọ tama iran.

Nehimaia 9:13

Vbe Oke Sainai, u ke ẹrinmwi tuorre u gu emwa ruẹn guan u keghi rhie uhi esi ne iran kevbe iruemwi ne ọ gbae. U keghi rhie Uhi ruẹ ne Mosis ne ọguọmwadia ruẹ, ne ọ viọ gie iran. Amẹ ke uwu okuta ladian vbe ohanmwẹ amẹ gbe iran.

Ẹsta 2:20

Ẹsta tobọ ẹre ma he ye gie ọmwarhọkpa rẹn wẹ e Ju ọ re irẹn khin. e Modekai tama rẹn wẹ ne ọ ghẹ tama ọmwa rhọkpa. Ọ keghi ye vbe họn ẹmwẹ ne ẹẹn vbe ọnọna zẹ vbene ọ ka họn ẹmwẹ nẹẹn yi vbe ẹghẹ ne ọ na re ọvbokhan okhuo ne ọ gue ẹe.

Job 33:27

Ọ ghi ta ẹe ne agbọn họn wẹẹ, ‘I rukhọ. I ma ru vbene ọ kere, sokpan, Osanobua ye miẹn mwẹ fan.

Psalm 119:128

Rhunmwuda ọnii, mẹ lele igiodẹ ruẹ hia; I keghi vbe sọnnọ odẹ ne ọ ma gba hia.

Psalm 119:75

Mẹ rẹnrẹn wẹ, ẹmwata ọ re avbe ibuohiẹn ruẹn khin Nọyaẹnmwa, kevbe wẹ, te u gia mu ẹtin yan, ọ re u na gbe mwẹ hin ọkhọ rre.

Psalm 19:8

Emwi ne ọ kere ọre uhi e Nọyaẹnmwa khin, te ọyẹnmwẹ sẹ iran ni ya ẹe ru emwi. Emwi ne ọ kere ọre iyi e Nọyaẹnmwa khin te ọ ya ekhọe rẹn emwi.

Itan 1:8

Ovbi mwẹ, u ghi gha danmwehọ ẹmwẹ ne erhaa kevbe iyuẹ tama ruẹn.

Itan 23:22

Danmwehọ ẹmwẹ ne erhaa tama ruẹn, adeghẹ ẹ i re irẹn, u ghẹ i gha rre agbọn na. Iyuẹ gha vbe khian ọmaẹn nẹ, ya obọ enọrẹn ẹse mu ẹẹn.

Itan 30:11

Emwa eso rrọ ni tie ẹbọ ne erha iran, iran i vbe rẹn ẹse ne iye ru ne iran.

Itan 30:17

Ọmwaikọmwa ne ọ ya erha ẹe gbogiẹ ra ne ọ zan iye ẹe vbe ọ ghi khian ọmaẹn nẹ, ugu ọ re ọ kere ne ọ rri ọe, ra ne ahianmwẹ oha wọlọ ẹre aro kua.

Itan 6:20

Ovbi mwẹ, gha ru vbene erha a tama an, ghẹ mianmian emwi ne iye uẹ ma ruẹn re.

Jerimaia 35:14

Ivbi e Jonadab wa ru vbene ọ tama iran ne iran wẹ ghẹ da ayọn, ye do sẹ ẹdẹ nẹrẹ na, ne ọ da i rre uwu iran. Sokpan, vbe ne I yan gu uwa guaan sẹ, wa ma họn ẹmwẹ mẹ.

Jerimaia 35:18

Ẹghẹ nii ọ re I na tama ivbi uniẹn e Rekab wẹ e Nọyaẹnmwa ne Oghodua ne Osanobua Izrẹl khare wẹẹ, “Wa gele ru vbene Jonadab ne erha uwa odede tama uwa, igiodẹ ne ọ ru ma uwa, ọ re uwa wa lele, wa keghi vbe ru avbe emwi hia ne ọ wẹ ne uwa ru.

Jerimaia 35:8

Te ima wa ru zẹ vbene Jonadab tama ima. Ma tobọ ima i da ayọn, avbe amwẹ ima i vbe da kevbe ivbi ima nikpia kevbe nikhuo.

Hozia 14:9

Te emwa ne ẹwaẹn gba na gha rẹn otọ ẹmwẹ ne a gbẹnnẹ ye emwana, ọ ghi vbe la iran ekhọe. Odẹ ne ọ kere ọ re odẹ e Nọyaẹnmwa khin, evba nii ọ re emwa ẹmwata vbe la khian vbe ẹdagbọn iran. Sokpan, emwa orukhọ rrua owẹ, iran keghi dele rhunmwuda, iran ma ka ẹe yọ.

Levitikọs 19:3

Dọmwadẹ ọghọe ghi gha ya ọghọ ne erha ẹe kevbe iye ẹe, wa ghi vbe gha ru avbe ugamwẹ Ẹdẹ Ikẹtin zẹ vbene I khare. Mẹ ọre Nọyaẹnmwa Osanobua uwa.

Iyẹn ne ọ Maan Ọghe Luk 2:51

Jesu keghi lele iran dọlegbe gha rrie Nazarẹt, ọ kegha họn ẹmwẹ ne iran. Iye ẹe keghi ye emwi na hia ẹro.

Ebe ne Pọl gbẹẹn gie emwa Rom 12:2

Wa ghẹ ya egbe ba emwi ne agbọn na ru, sokpan wa gie Osanobua fi uwa werriẹ vbe uwu egbe vbe ekpa ne ọ gha na fi ekhọe uwa werriẹ. Ẹghẹ nii wa gha na sẹtin rẹn emwi ne Osanobua ho emwi ne ọ maa, ne ọ yẹ ọre kevbe ne ọ gbae.

Ebe ne Pọl gbẹẹn gie emwa Rom 16:2

Wa ghi rhan obọ miẹn rẹn vbe eni Nọyaẹnmwa zẹ vbene ọ khẹ ke emwa Osanobua, wa ghi ru iyobọ ne ọ rhirhi nọ uwa re nẹẹn, rhunmwuda rẹn tobọ ẹre, ọse emwa ni bun rẹn wa khin dee, erriọ ọre ọ vbe ye ne imẹ.

Ebe ne Pọl gbẹẹn gie emwa Rom 7:12

Nene Uhi tobọ ẹre, emwi ne ọ huanrẹn nọ, emwi ne ọ huanrẹn ọre iyi ne a yi vbe khin, ọ vbe kei, ọ vbe maa.

I Kọrinti 15:58

Rhunmwuda ọnii nian, wa ne etẹn mwẹ, wa mudia gbain vbe ne a i na vbọ owẹ. Wa tua obọ ye iwinna ne uwa winna ne Nọyaẹnmwa, ugbẹn vbe uwa rẹn nẹ nian wẹ, iwinna ne uwa winna vbe uwu ugamwẹ Nọyaẹnmwa, ọkpa ne ẹ i mwẹ esa, ẹ i rrọọ.

Diuteronomi 21:18

“Ọ gha re te ọmwa ghi mwẹ ọmọ ne ọ ze vbe udu kevbe ne ẹ i họn ẹmwẹ, ọmọ ne ẹ i họn ẹmwẹ ne evbibiẹ ọe, vbene ọ khọn iran ne iran a yan rri ọ re oya sẹ,

I Timoti 5:4

Sokpan, a deghẹ ẹgbẹ mwẹ emọ iwu ra eyẹ, gie iran ka ruẹ ne iran gha yin uyinmwẹ emwa ni yayi ghe emwa iran nẹ, odẹ vberriọ ọre iran gha ya san evbibiẹ iran ke evbibiẹ iran ẹse, rhunmwuda, ọnii ọrọre emwi ne ọ yẹ Osanobua.

I Pita 2:13

Wa rhunmwuda Nọyaẹnmwa, gha gbe uhunmwu ke otọ ne asẹ ke asẹ ọghe emwa ne agbọn na, ne Nọgbaisi ne ọre ogie ne ọ khaemwisẹ yan ehia.

Ebe Rut 3:5

E Rut keghi wanniẹn wẹẹ, “I gha ru emwi hia zẹ vbene u khare.”

I Samuẹl 17:20

Ẹdẹ ghi gbe vbe owiẹ ne ọ lele ẹe, e Devid keghi guakpao vbe owiẹ vbirrivbirri, ọ keghi sẹ avbe ohuan rae ne ọmwa ọvbehe, ọ na viọ evbare ọ na gha khian zẹ vbene Jese tama rẹn. Ẹghẹ ne ọ ya sẹ evba kegha re vbe ivbi Izrẹl so ihuan okuo rrie ehe ne iran ghae yi vbe uhunmwu oke.