Ẹfisọs 5:6 - Edo Bible (E Baibol Ẹdo) Version 1996

⁶ Wa ghẹ gie ọmwa rhọkpa ya ẹmwẹ ọzuọ mu uwa rẹrẹ, usun emwi ne ọ si ẹe ne izohu Osanobua gha na rhurhẹ yan iran ne ẹ i họn ẹmwẹ nẹẹn, ọre ena khin.

Ẹfisọs 5:6 ပူးပေါင်းရင်းမြစ်များ

II Ọba 18:20

Ọ keghi nọ wẹẹ, “Wa yayi wẹ unu ọ re ẹwaẹn kevbe ẹtin ne a ya khọn okuo ye ra? De ọmwa ne uwẹ yayi wẹ ọ gha yi uẹ obọ ya sọtẹ ghe Asiria yi?

Psalm 78:31

Ẹghẹ nii, ohu iran mu Osanobua, ọ keghi gbele emwa iran ni mwẹ ẹtin sẹẹ, avbe igbama ni maa sẹẹ vbe Izrẹl.

Jerimaia 27:9

Wa ghẹ zẹ ye avbe akhasẹ uwa ẹre, ra ọmwaikọmwa ne ọ wẹ rẹn sẹtin rẹn emwi ne ọ gha sunu akhuẹ yotọ vbekpa imina na nọ ra vbekpa ne iran tie orhiọn ọmwa ne ọ wu ke idin ladian ra vbekpa ẹbo awan. Ehia gha tama uwa wẹ ne uwa ghẹ zẹ ye ọba e Babilọn re.

Jerimaia 29:31

Ne I gie ne a tama avbe oghunmwu vbe Babilọn vbekpa Siemaia wẹẹ: “Mẹ ne Nọyaẹnmwa gha rri e Siemaia oya kevbe ivbi uniẹn ọnrẹn hia. I ma gie ẹe sokpan, ọ kegha gu uwa guan vbene a miẹn wẹ akhasẹ nọ, ọ na gie uwa gha ya ohoghe yi. Rẹn i khian gha mwẹ ivbi uniẹn ọnrẹn vbe ehe ne uwa ye. Ẹ i ra tọ ne aro ẹre sẹ emwi esi ne I ra ru ne emwa mwẹ, rhunmwuda, ọ tama iran ne iran sọtẹ mwẹ. Mẹ ne Nọyaẹnmwa taa ẹe nẹ.”

Jerimaia 37:9

Mẹ ne Nọyaẹnmwa ọ re ọ tama uwa nian ne uwa ghẹ ya gha rẹrẹ egbe uwa, ne uwa gha ro ighe avbe ivbi e Babilọn i ghi dọlegbe dee rhunmwuda, iran gha rre.

Maika 3:5

Emwa mwẹ khian ne avbe akhasẹ mu rẹrẹ, iran ghi bọ ọmọma ne iran ni rhie igho ne iran, sokpan ne ọ ma rhie igho ne iran, iran ghi wẹ re mu egbe khẹ okuo. E Nọyaẹnmwa tama avbe akhasẹ na nian wẹẹ,

Matiu 24:24

Rhunmwuda, avbe akhasẹ kevbe Mẹzaia ohoghe gha rre. Iran gha winna iwinna ama kevbe iwinna ọyunnuan ni bun ne iran ya rẹrẹ emwa ne Osanobua hannọ zẹ re deghẹ ẹtin iran sọe.

Matiu 24:4

Jesu wanniẹn tama iran wẹẹ, “Wa ghi yegbe ne ọmwaikọmwa ghẹ mu uwa rẹrẹ.

Iyẹn ne ọ Maan Ọghe Mak 13:22

Rhunmwuda Mẹzaia ohoghe kevbe akhasẹ ohoghe ni bun gha rre. Iran gha winna iwinna ọyunnuan, a deghẹ ọ gie iran ru ne iran ya hiẹ emwa ne Osanobua hannọ zẹ mu ru.

Iyẹn ne ọ Maan Ọghe Mak 13:5

Jesu keghi suẹn gha ma iran emwi, “Wa khẹ ye egbe ne ọmwaikọmwa ghẹ hiẹ uwa mu ru.

Ebe ne Pọl gbẹẹn gie emwa Rom 1:18

Aro da ẹe wẹ izohu Osanobua hihiẹ ke odukhunmwu dee do siẹn yan uyinmwẹ dan kevbe orukhọ emwa dan, emwa ne iba dan ne iran zẹ I gia rẹn ẹmwata ne ọ rrọ.

Kọlose 2:18

Ghẹ gie ọmwaikọmwa ne ọ wẹ irẹn sẹ ruẹ, rhunmwuda ighẹ rẹn miẹn umian suẹ gọọ, ne ọ gba ẹmwẹ imuegberriotọ ọghe abawẹ mu unu, deba avbe odibosa ne a ghoo. Egbe ọre ọ mu emwa vberriọ, vbe. ne ẹ i na vbe mwẹ emwi ne ọ si ẹe, rhunmwuda, erriọ iro ekhọe ẹre la ghe, zẹ vbe ọmwa kẹkan.

Kọlose 2:4

Rhunmwuda ọnii, I tama uwa khekherriọ, wa ghẹ gie ọmwaikọmwa do ya gbe agbanmwẹ ohoghe rhọkpa do uwa ọzuọ, vbene ọ khọn rẹn wẹ ne iran rhiẹnrhiẹn sẹ.

Kọlose 2:8

Wa ghẹ gie ọmwaikọmwa ya ẹwaẹn akuọkan ne agbọn ya rẹrẹ ọmwa mu uwa oghunmwu, iruẹmwi la obọ dinna obọ, ọghe emwa, ọre ọ ke rre, kevbe obọ avbe eniwanrẹn asọn ni da kha vbe avbe ideghedeghe agbọn vbe ẹrinmwi, ighẹ ẹ i re obọ Kristi.

Kọlose 3:6

Rhunmwuda, egbe emwi vberriọ, izohu Osanobua gha hihiẹ yan iran ne ẹ i họn ẹmwẹ nẹẹn.

II Tẹsalonaika 2:3

Wa ghẹ gie ọmwa rhọkpa la odẹikodẹ do uwa ọzuọ. Rhunmwuda Ẹdẹ ni i khian rre vbe ẹ i re te Isọtẹ ne okiekie sunu nẹ, ne Ọmwa Dan nii ya egbe ladian, ọmwa ne a khare ighẹ ẹrinmwi erhẹn ọrọre ọghọe.

Hibru 13:9

Wa ghẹ gie iruẹmwi ughughan ne a ma he ka rẹn, bi uwa hin urodẹ ẹmwata rre. Ọ kere ne a ya ẹsọhẹ Osanobua ye orhiọn ima khian ni wo vbe egbe, i ghẹ ẹ i re a ru emwi ne uhi kha re vbe ekpa evbare, iran ni ka ru vbene avbe uhi nii khare yi, ma miẹn emwi ọkpa ne iran miẹn vbọ.

Hibru 3:19

Ma miẹn ọẹn nian wẹ iran ma sẹtin la owa rhunmwuda iran ma yayi.

I Pita 2:8

Ebe ọvbehe keghi vbe kha wẹ: “Ọna ọ re okuta ne emwa gha na gha rrua owẹ, okuta ne ọ gha munọ iran gbe otọ.” Iran rrua owẹ rhunmwuda iran ma ya nene ẹmwẹ yi, ehe ne Osanobua mwamwa iran yi ọre ọnii khin.

I Jọn 4:1

Wa ne ọse mwẹ ni ghaan, wa ghẹ gha ya iran hia ni kha ighẹ iran mwẹ nene Orhiọn yi, sokpan wa ghi ka danmwẹ ọẹn ghe nẹ ne uwa miẹn ehe na rẹn a deghẹ obọ Osanobua ọre nene orhiọn ne iran mwẹ ke rre. Rhunmwuda avbe akhasẹ ohoghe ni bun wa vẹ gba ehe hia.