Ẹfisọs 5:5 - Edo Bible (E Baibol Ẹdo) Version 1996

⁵ Wa kakabọ rhie ọna ye ekhọe, ọmwaikọmwa ne ọ gbe alama oghẹ ra ne ọ họhọ ra ne ọ zuan (rhunmwuda ozuan, esa ẹbọ ne a ga nọ) ne ọ gha mwẹ oghae vbe Arriọba Kristi kevbe ọghe Osanobua, ẹ i rrọọ.

Ẹfisọs 5:5 ပူးပေါင်းရင်းမြစ်များ

Ẹksọdọs 20:17

“Ghẹ yaro ye owa ẹrrẹe, ghẹ yaro ye amwẹ ẹrrẹe ra eviẹn ọnrẹn ra ẹmila re ra ekẹtẹkẹtẹ ọre ra emwikemwi nii re ọghọe.”

Iwinna 20:32

“Wanwanna, I viọ uwa ne Osanobua gha su deba ẹmwẹ ẹsọhẹ ọghọe. Rẹn gha sẹtin ye uwa digiẹ, ọ ghi vbe rhie afiangbe ne ọ viọ khẹ emwa rẹn hia ne uwa.

Iwinna 8:21

Iwinna mwa ma kan ruẹn, u i vbe mwẹ oghae vbọ, rhunmwuda ekhọe ruẹ ma mudia ẹse vbẹ odaro Osanobua.

Galatia 5:19

Ọwarọkpa ọre a ya rẹn emwi ne egbe ru, ehe ne a na miẹn ọẹn ọrọre uyinmwẹ alama oghẹ, iruẹn kevbe osọnnọ,

Galatia 5:21

Iran ghi gha gbe ọvo egbe, iran ghi gha da ayọn gbe egbe, iran ghi gha gbe izabọbọ ẹwia kevbe avbe emwi ni khọ vberriọ. I vbe gie uwa rẹn nian, zẹ vbene I ka vbe ta ẹe yi wẹ, iran ni ru avbe emwi na, iran i sẹtin rhan obọ miẹn Arriọba Osanobua.

Ẹfisọs 5:3

Vbene a na miẹn wẹ emwa Osanobua wa khin, ẹ i re emwi ne ọ gbae ne a zẹdẹ gha họn ẹmwẹ alama oghẹ, ra ohọhọ ra uzuanmwẹ, vbe ehe ne uwa ye.

Kọlose 1:13

Rhunmwuda te irẹn miẹn ima fan hin obọ ẹtin ebiebi rre, ọ na viọ ima gha die arriọba ovbi ẹre ne ọ ghan vbe egbe hẹnnẹdẹn.

Kọlose 3:5

Rhunmwuda ọnii, wa ghi gbe ẹe ua ighẹ orriarria emwi agbọn na ne ọ rre uwu uwa, avbe oghẹ, ohọhọ, ufifimwẹ, aro ne ọ viẹn ye emwi kevbe arovbẹmwẹ (rhunmwuda, te arovbẹmwẹ vbe ye vbe ẹbọ ne a gho.)

I Timoti 6:10

Rhunmwuda aho ẹmwẹ igho ọre emwi dan ughughan ke zọ ladian. Ẹmwẹ ne a gha mwẹ ọnrẹn mu emwa eso sẹrriọ wẹ, te iran ghi fi iyeke gbe iyayi, iran keghi ya akhiẹ ni bun guọghọ ekhọe iran uan.

I Timoti 6:17

Tama iran ni fe vbe emwi agbọn na wẹ, ne iran ghẹ tọn egbe mu, kevbe wẹ, ne iran ghẹ mu ẹtin yan egbe emwi ne ọ mu yo mu rre vbe ne ẹfe ye, sokpan ne iran mu ẹtin yan Osanobua, ọmwa ne ọ viọ emwi hia ne ima wọrhọwọrhọ ne a ya gha zọmọ.

Hibru 13:4

Ọ kere ne emwa hia gha ye ọghọ ne orọnmwẹ, ọdọ vbe amwẹ ghi gha re emwa ne ẹ i fi owẹ ye oha, Osanobua gha bu ohiẹn iran ni gbe alama kevbe ni ru oghẹ.

Jọsua 7:21

Vbe uwu emwi ne ima khọn mu, I keghi miẹn agbada ẹwu e Babilọn ọkpa ne ọ kakabọ mose ne ọ gha sẹ uwan esiliva isẹn, kevbe ẹgba igoru ọkpa ne ọ gha gberra uwan ọkpa. Iran keghi wa viẹn yọ mwẹ aro, ọ re I na viọ iran, wa gha miẹn iran vbe ehe ne I na tọnnọ iran ye uwu otọ vbe owa ukpọn mwẹ, esiliva ne ọ rrọ ọ re ọ ke otọ.”

Arhie Maan 21:8

Sokpan avbe avbiẹrẹ, ọgueva, iran ni rhiaraa, avbe izigha kevbe igbalama, iran ni ru ẹbọ edunna, iran ni ga amazẹ, kevbe iran ni ta ohoghe hia, ehe ne ọre ọghe iran ọrọre odighi erhẹn ne ọ giẹn ugbofi ladian, ọnii ọre uwu ne ogieva.”

Arhie Maan 22:15

Sokpan, iyeke ẹvbo nii, ọrọre ọghe avbe ni rhiaraa, iran ni ru ebo edunna, iran ni gbe alama oghẹ, avbe izigha, iran ni ga ẹbọ, iran ni ta ohoghe, vbe ẹmwẹ ne a guan kevbe emwi ne a ru.