Ẹfisọs 5:4 - Edo Bible (E Baibol Ẹdo) Version 1996

⁴ Erriọ ọre ọ ma vbe zẹdẹ ma ne uwa ne uwa gha ta ẹmwẹ ihi, ẹmwẹ akpa, ra ẹmwẹ iruẹn. Sokpan te ọ kere ne uwa gha rhie ekpọnmwẹ ne Osanobua.

Ẹfisọs 5:4 ပူးပေါင်းရင်းမြစ်များ

Psalm 33:1

Wa hia ni re ẹmwata, wa gha we ne oghọghọ ye iwinna ne Nọyaẹnmwa winna ẹn. Wa rho ẹre, wa hia ni họn ẹmwẹ ne ẹẹn.

Psalm 92:1

U miẹn vbene ọ maa hẹ ne a rhie ekpọnmwẹ ne uẹn Nọyaẹnmwa ne a so ihuan uyi ruẹ, Osanobua ne ọ yo sẹẹ Ehia.

Itan 12:23

Adazẹ i ta emwi ne ọ rẹnrẹn ladian, sokpan avbe akpa ghi mu ukọnmwẹ iran ye ahẹn gha bọnmwẹ khian.

Itan 15:2

Avbe umẹwaẹn gha guan, iran ghi gha ya irẹnmwi yẹ ọmwa; sokpan, avbe akpa, te iran kpa ẹmwẹ oya ladian.

Asan-Ibo 10:13

Ẹmwẹ oya ọre ọ ya suẹn, ọ ghi ya emwẹmwẹ mu ẹẹn yotọ.

Daniẹl 6:10

E Daniẹl ghi họn ighe a rhie obọ ye ebe nii nẹ, ọ kegha rrie owa. Vbe owa egedege ne ọ ye, avbe ewindo eso ni viọ aro da e Jerusalẹm keghi rrọọ. Zẹ vbene ọ ka ru ẹe de yi, evba nii ọ re ọ na gha diguẹ vbe ewindo ne a kiere nii, ọ na gha na erhunmwu ghe Osanobua igbaeha vbe ẹdẹ.

Iyẹn ne ọ Maan Ọghe Mak 7:22

Oghẹ, arovbẹmwẹ, uyinmwẹ ẹrhia hia, erẹrẹ, ohoghe, igbọvo, ọtakhọ, itengbemu kevbe ukọnmwẹ.

Iyẹn ne ọ Maan Ọghe Jọn 6:23

Okọ ọvbehe eso vbe ke Taiberias gha die ọkpẹn ẹzẹ vbe ehe ne iran na rri eka vbe Nọyaẹnmwa kpọnmwẹ nẹ.

Ebe ne Pọl gbẹẹn gie emwa Rom 1:28

Rhunmwuda ighẹ emwa ne agbọn ma giẹ irẹnmwẹ Osanobua ẹmwata di iran uhunmwu ya, Osanobua keghi he iran ye ẹmwẹ ekhọe iran ne ọ kulo, sẹrriọ wẹ, a ghẹ ru ọre iran ghi ru.

II Kọrinti 1:11

Vbene uwa na ya erhunmwu uwa ye ima obọ, ọ re a gha na miẹn wẹ, a gha họn erhunmwu ni bun ne a na ne ima, Osanobua gha vbe fiangbe ima, emwa ni bun ghi tọn urhu mu ya kpọnmwẹ ọẹn ne ima.

II Kọrinti 9:15

Wa gie a kpọnmwẹ Osanobua ye ẹse ẹre ne a i sẹtin fian ive yi.

Ẹfisọs 1:16

I ma he da obọ yi vbe ekpọnmwẹ ne I rhie ne Osanobua ne uwa. I ye uwa rre vbe uwu erhunmwu mwẹ.

Ẹfisọs 4:29

Wa ghẹ gha fi obi unu gie egbe, wa gha ta ẹmwẹ ne ọ yi ọmwa obọ, egbe ne ọ rhie ẹtin ye ọmwa iwu, ọ ghi vbe rhie emwi ne ẹ i te rrọ rre, vbene a gha na miẹn wẹ, ẹmwẹ ne u ye unu ruẹn ta, ghi gha ru ọ maa ne iran ni ya ehọ họn ẹn.

Filipai 4:6

Ghẹ si osi ye emwi rhọkpa, sokpan gha ya erhunmwu ne a na, nọ emwi ne u ho hia vbe obọ Osanobua, u ghi gha ye ekhọe ọkpọnmwẹ ẹse nọ rẹn vbe ẹghẹ hia.

Kọlose 3:8

Banbanna nian, te uwa gha sẹ avbe emwi na hia rae, ohu orriarria kevbe ẹko ọmwa khọ ọmwa. Ghẹ tie ihẹn ra ne u gha ta ẹmwẹ ihin ladian vbe unu.

I Tẹsalonaika 3:9

Vbe ọghe banbanna, ma sẹtin kpọnmwẹ Osanobua ne uwa. Ma ghi kpọnmwẹ ọẹn ye ọyẹnmwẹ ne ọ sẹ mwa vbe odaro Osanobua mwa, rhunmwuda uwa.

I Tẹsalonaika 5:18

Gha kpọnmwẹ ye emwi ne ọ rhirhi sunu. Erriọ ọre Osanobua ho ne uwa gha ru vbe ẹdẹ agbọn uwa vbe uwu Kristi Jesu.

Failimọn 1:8

Rhunmwuda ọ na, I sẹtin wa si agbada vbe unu tae, zẹ vbe ọtuẹn vbe uwu Kristi, wẹ, ghe emwi ne u gha ru, ne ọ kere ne u ru.

Hibru 13:15

Rhunmwuda ọnii, wa gie ima gha rhie urhomwẹ ne Osanobua vbe ẹghẹ hia, zẹ vbe ese ne a zọ la obọ Jesu, ọnii nọ wẹ, wa gie ima gha ya urhu mwa rhie ekpọnmwẹ ne eni ẹnrẹn.

II Pita 2:18

Iran ghi gha ya unu ta ẹmwẹ itengbemu akpa, iran ghi gha ya emwi orriarria egbe alama, khuẹn ifi munọ avbe emwa ni he da lẹfe hin uwu ẹbu emwa ni rre uwu abakuru rre.

II Pita 2:7

Ọ keghi miẹn Lọt ne ọmwata fan, ọmwa ne iran ya uyinmwẹ alama iran gha kpokpo ighẹ emwa ne ẹ i lele uhi rhọkpa ruemwi.

Ebe ne Jud gbẹẹn 1:10

Sokpan, iran na ghi gha ya unu salọ emwi ne iran ma rẹn otọ ẹre, avbe emwi nii ne egbe ma iran ẹre, zẹ vbe aranmwẹ oha, ọrọre emwi ne ọ vbe fuẹn iran uan.

Ebe ne Jud gbẹẹn 1:13

Iran ye vbe ogbigbi amẹ a kuọkan, ọghe okun, vbene uyinmwẹ efa iran na rhiegbe ma zẹ vbe ihu. Iran ye vbe orhọnmwẹ ni hẹ yo hẹ rre, emwa ne Osanobua rhie ihe ye otọ khẹ nẹ, vbe uwu ebiebi ne ọ dinmwi sẹẹ.