Ẹfisọs 5:32 - Edo Bible (E Baibol Ẹdo) Version 1996

³² Ẹmwata nọkhua ọre a rhie maa vbe ebe na, mẹ vbe rẹn wẹ Kristi kevbe esọsi ọre a ta ẹe gie.

Ẹfisọs 5:32 ပူးပေါင်းရင်းမြစ်များ

Aizaia 54:5

Te Ayi ne ọ yii uẹ ra yevbe ọdafọn ọn, e Nọyaẹnmwa ne Oghodua ọre a tie ẹre. Osanobua nọhuanrẹn ọghe Izrẹl gha miẹn ruẹn fan, rẹn ọ re ọ khaemwisẹ yan otọ agbọn hia.

Iyẹn ne ọ Maan Ọghe Jọn 3:29

Ọdafẹn ọha ọre ọ yan ovbiọha. Ọse ọdafẹn ọha ghi mudia gha danmwehọ, ẹko ghi gha rhiẹnrhiẹn ọẹn vbe ọ gha họn urhu ọdafẹn ọha. Erriọ zẹẹ ọre a ya ye ọyẹnmwẹ ne ọ sẹmwẹ khian ne ọ gbae.

II Kọrinti 11:2

Ẹmwẹ uwa ọre ọ da mwẹ zẹ vbene ẹmwẹ uwa vbe da Osanobua, rhunmwuda te uwa ye vbe uvbi ne ọ ma he sakan ne imẹ ya ne okpia ọkpa kẹkan, ọnii nọ wẹ Kristi tobọ ẹre.

Ẹfisọs 5:31

Zẹ vbe ne ebe tae, “Rhunmwuda ọnii ọre okpia gha na sẹ erha ẹe kevbe iye ẹe rae, ọ ghi rhie egbe mu amwẹ ọnrẹn, iran eva ghi khian ọkpa.”

Ẹfisọs 5:33

Sokpan avbe ta ẹe gie uwa, ọ kere ne dọmwadẹ ọdọ gha ho ẹmwẹ amwẹ ọnrẹn, zẹ vbe egbe ẹre, dọmwadẹ amwẹ ghi vbe gha ye ọghọ ne ọdọ ẹre.

Ẹfisọs 6:19

Vbe gha na erhunmwu ne imẹ, ne Osanobua gha rhie ẹmwẹ yọmwẹ unu, ya gie mwẹ uhunmwu, vbe i a khian guan, ne I miẹn ehe na gha guan vbe ne a i na mu ohan, ne i vbe rhie oro ne ọ rre iyẹn ne ọ maa ladian.

Kọlose 2:2

Te I ru vberriọ ne a miẹn ehe na rhie igiẹudu vuọn iran iwu, kevbe ne a vbe ya aho ẹmwẹ ọmwa silo iran koko, kevbe ne iran vbe gha mwẹ ọnrẹn ne ọ vuọẹn, ighẹ a i ghi biro eva ne egbe irẹnmwi vberriọ rhie gie ọmwa. Ẹghẹ nii iran ghi do rẹn oro Osanobua ne ọre Kristi tobọ ẹre.

I Timoti 3:16

Ọmwa ne ọ gha sẹtin muan rẹn ẹ i rrọọ ighẹ ẹmwẹ oro nọkhua ọghe iyayi mwa: Rẹn rhie egbe ma zẹ vbe ọmwa kẹkan, a miẹn ọẹn vbe ọghe Orhiọn wẹ ọmwata nọ, avbe odibo Osa vbe miẹn ọẹn. A kpe orhu ẹre vbe avbe uhunmwu ẹvbo, a ya ẹe yi vbe otọ agbọn hia, a keghi tọn ẹn mu gha rrie ẹrinmwi.

I Timoti 3:8

Iran ni ru iyobọ vbe esọsi, ọ kere ne iran vbe gha mwẹ uyinmwẹ esi kevbe ne ọre ọ ghe ẹmwata, ọ ma kei ne iran gha da ayọn gbe, ra ne iran gha zuan.

Arhie Maan 21:2

I keghi bẹghe Ẹvbo Ne Ọ Huanrẹn nii, Jerusalẹm ne ọgbọn, ọ tuorre ke ehe ne Osanobua ye vbe ẹrinmwi dee, a wa mu ẹre egbe ye otọ zẹ vbe ọha ne a rhie gie ọdọ ẹre.