Ẹfisọs 5:3 - Edo Bible (E Baibol Ẹdo) Version 1996

³ Vbene a na miẹn wẹ emwa Osanobua wa khin, ẹ i re emwi ne ọ gbae ne a zẹdẹ gha họn ẹmwẹ alama oghẹ, ra ohọhọ ra uzuanmwẹ, vbe ehe ne uwa ye.

Ẹfisọs 5:3 ပူးပေါင်းရင်းမြစ်များ

Psalm 10:3

Ọmwa dan ya emwi dan ne ọ khọnrẹn ghagha. Ọmwa uzuanmwẹ kpa unu ghe Osanobua, ọ keghi vbe he ẹe ye otọ.

Psalm 119:36

Gie ekhọe mwẹ gha ho ne ọ mu uhi ruẹn sẹ, sẹẹ ne I do gha re ne ọ fee.

Ẹksọdọs 18:21

Sokpan, deba ọnii, zẹlẹ emwa nii sẹ vbe uwu iran, ne u ya iran ru ekaolotu emwa na ẹ ọkaolotu arriaisẹn, iyisẹn, ekigbesiyeha kevbe igbe. Ọ kere ne iran gha re emwa nii muohan Osanobua kevbe ne ọ gie a mu ẹtin yan, kevbe ne a i sẹtin rhie oko odieke na.

Ẹksọdọs 20:17

“Ghẹ yaro ye owa ẹrrẹe, ghẹ yaro ye amwẹ ẹrrẹe ra eviẹn ọnrẹn ra ẹmila re ra ekẹtẹkẹtẹ ọre ra emwikemwi nii re ọghọe.”

Ẹksọdọs 23:13

Wa rhie ehọ ye ẹmwẹ ne I tama uwa, wa ghẹ na erhunmwu ghe osa ọvbehe, wa ghẹ kue so eni iran.”

Itan 28:16

Enọkhaemwisẹ ne ẹ i wan, ọmwa ne ọ rre asẹ ne ekhọe azẹn khian gha nọ. Ọmwa ne uyinmwẹ ero i yẹ, gha tọ vbe egie.

Jerimaia 22:17

Sokpan, emwi ne ọ re ọghe ne egbe uẹ okpa ọ re u bẹghe; u gbe ọmwa ne ọ ma rukhọ, u kegha ye ọkhọ wọ emwa ruẹn uhunmwu. E Nọyaẹnmwa guaan nẹ.

Jerimaia 6:13

Emwa hia fẹẹrẹ, ọkpọlọ kevbe ọ kanmwa, wa la odẹ ne ọ ma khuia gualọ igho. Uhin ighẹ te avbe akhasẹ kevbe avbe ohẹn ghi mu emwa ni ru.

Jerimaia 8:10

Rhunmwuda ọnii, I gha munọ ugbo iran ne emwa ọgbọn ọvbehe, I ghi vbe viọ amwẹ iran ne ikpia ọvbehe. Emwa hia fẹẹrẹ, ke ọ kpọlọ kevbe ọkanmwa, wa ni gha hia ne iran gha la odẹ ne ọ ma khuia khuan igho. Uhin ighe te avbe akhasẹ kevbe avbe ohẹn ghi mu emwa ni ru.

Ezikiẹl 33:31

Rhunmwuda ọnii, emwa ghi vẹ rre do danmwehọ uhunmwu ne u gie rre; sokpan, iran i ru emwi ne u tama iran ne iran ru. Iran ka ẹmwẹ ruẹn ye akiyẹyẹ, iran ghi gha yin uyinmwẹ orriarria iran khian.

Levitikọs 15:18

Ọmwa gha gu okhuo ru emwi nẹ, ke irẹn kevbe nene okhuo ghi ya khuẹ, iran ghi gha re ne awua gue yasẹ ota.

Maika 2:2

Iran gha gualọ ako oha, iran ghi ya ẹtin vbe iwegbe mu ẹẹn, iran gha gualọ owa, iran ghi mu ẹẹn. Ẹgbẹe ọmwa ra ẹfe ọmwa ne egbe rọkhọ ẹe ẹ i ghi rrọọ.

Nọmbas 25:1

Ivbi Izrẹl ghi bu agọ ye Ehanhan Akesia, ikpia ni rrọ kegha gu avbe ikhuo e Moab ni rre evba ru emwi.

Matiu 15:19

Uwu ekhọe ọre iro nọ ya ọmwa ru emwi hia ke rre: izigha, oghẹ, uyinmwẹ ohọhọ hia, oyi, ohoghe, ọtakhọ.

Iyẹn ne ọ Maan Ọghe Luk 12:15

Rẹn keghi tama iran hia wẹẹ, “Wa mwẹ ẹwaẹn ne uwa vbe gha ba egbe vbe egbe arovbẹmwẹ. Rhunmwuda, vbene ọmwa arhirhi yan fe sẹ, ẹ i re emwi ne ọ mwẹ ọrọre Orhiọn rẹn.”

Iyẹn ne ọ Maan Ọghe Luk 16:14

Avbe Farisi eso ni họn avbe ẹmwẹ na kegha vin ihue ye Jesu akhọe, rhunmwuda iran ho ẹmwẹ igho ẹsẹse.

Iwinna 15:20

Emwi ne a gha ru ọrọre wẹ ne a gbẹn ebe gie iran we ne iran ghẹ rri evbare ne ọ ma huan, rhunmwuda ighẹ a yae ru ẹbọ, ne iran gha bi egbe ne alama oghẹ, ne iran ghẹ rrie aranmwẹ ne a ye obobọ kuẹn gbe ua ra esagiẹn.

Iwinna 20:33

I ma ye aro ye ẹrọnmwọ, oze ra ukpọn ọmwaikọmwa.

Ebe ne Pọl gbẹẹn gie emwa Rom 1:29

Uyinmwẹ dan hia wa gua iran obọ ro, ọkhọ, orriarria, iba, uwu igbọvo iran wa ye, izigha, igbinna, erẹrẹ, kevbe irriakhuẹ.

Ebe ne Pọl gbẹẹn gie emwa Rom 16:2

Wa ghi rhan obọ miẹn rẹn vbe eni Nọyaẹnmwa zẹ vbene ọ khẹ ke emwa Osanobua, wa ghi ru iyobọ ne ọ rhirhi nọ uwa re nẹẹn, rhunmwuda rẹn tobọ ẹre, ọse emwa ni bun rẹn wa khin dee, erriọ ọre ọ vbe ye ne imẹ.

Ebe ne Pọl gbẹẹn gie emwa Rom 6:13

Ra ne uwa vbe fan obọ egbe uwa rhọkpa ne orukhọ, ne a gha lo ẹre ye odẹ ọkhọ, sokpan wa fan obọ egbe uwa ne Osanobua zẹ vbe emwa ne a viọ ke uwu ladian la ẹfe nẹ, wa ghi zẹ egbe uwa hia obọ nẹẹn, ne ọ gha lo ẹre ye odẹ ẹmwata.

I Kọrinti 10:8

Ne ima ghẹ ru awua oghẹ, vbene eso vbe uwu iran ru ne iran arriaisẹn eha yan ugie na wulo edẹ ọkpa.

I Kọrinti 5:1

I họn ẹmwẹ uyinmwẹ alama oghẹ vbe obọ uwa, egbe ne ohan i gie avbe enigẹbọ danmwẹ ghe, rhunmwuda, a tama mwẹ wẹ arhin ọkpa rhie amwẹ erha ẹe rọnmwẹ.

I Kọrinti 6:13

Ọmwa ọvbehe sẹtin kha wẹẹ, “Ẹko ọ yan evbare, evbare ọ yan ẹko.” Ẹmwata nọ, sokpan Osanobua gha rhie ufomwẹ ye e eva. A ma rhie egbe ne ọmwa ne ọ yagha gbe alama oghẹ, sokpan ne ọ gha ga Nọyaẹnmwa. Nọyaẹnmwa vbe kpehe ne egbe.

I Kọrinti 6:18

Wa gha lẹ ne oghẹ, orukhọ ke orukhọ ọvbehe ne ọmwa a rhirhi ru, ẹ i mwẹ emwi ne ọ ru ikinnegbe re, sokpan ọmwa ne ọ ru oghẹ, ikinnegbe ẹre ọre ọ ru khọ.

II Kọrinti 12:21

Afianma fian mwẹ I gha ghi dọlegbe rre, Osanobua mwẹ gha wa sirra uwa hia fa mwẹ uan, I ghi gha viẹ egbe ba ẹmwẹ emwa ni bun ni ru orukhọ vbe ẹghẹ ne ọ gberra, ne ọma he ye ro iro fi uyinmwẹ werriẹ, vbe uyinmwẹ osọnnọ ne iran yin, alama oghẹ kevbe orriarria.

Ẹfisọs 5:12

Ekhue i gia sunu ye emwi ne iran ru vbe uwu ebiebi.)

Ẹfisọs 5:5

Wa kakabọ rhie ọna ye ekhọe, ọmwaikọmwa ne ọ gbe alama oghẹ ra ne ọ họhọ ra ne ọ zuan (rhunmwuda ozuan, esa ẹbọ ne a ga nọ) ne ọ gha mwẹ oghae vbe Arriọba Kristi kevbe ọghe Osanobua, ẹ i rrọọ.

Filipai 1:27

Banbanna nian, emwi ne a mobọ kha ọrọre ne uyinmwẹ uwa gha re vbene iyẹn ne ọ maa ho ne ọ gha ye, vbene a gha na miẹn wẹ, te I ghi sẹtin rre do miẹn uwa ra I ma sẹtin rre, I ghi gha họn wẹ, wa mudia vbene ekhọe uwa na kugbe vbe ọghe emwi ne uwa ru, wa ghi ku obọ gbe gha gbinna khian ne iyayi, kevbe iyẹn ne ọ maa.

Kọlose 3:5

Rhunmwuda ọnii, wa ghi gbe ẹe ua ighẹ orriarria emwi agbọn na ne ọ rre uwu uwa, avbe oghẹ, ohọhọ, ufifimwẹ, aro ne ọ viẹn ye emwi kevbe arovbẹmwẹ (rhunmwuda, te arovbẹmwẹ vbe ye vbe ẹbọ ne a gho.)

I Tẹsalonaika 4:3

Emwi ne Osanobua mwamwa ẹn ne uwa ọna khin, ọ ho ne uwa gha re ne ọ huanrẹn kevbe ne ẹ i mwẹ obọ vbe emwi alama oghẹ hiehiere.

I Tẹsalonaika 4:7

Osanobua ma tie ima ne a do gha yin uyinmwẹ alama oghẹ, sokpan ne a do gha re ne ọ mwẹ uyinmwẹ ne ọ huanrẹn.

I Timoti 2:10

Sokpan, ọ ghe uyinmwẹ ne ọ maa zẹ vbe ne ọkere ne ikhuo ni khare ighẹ emwa iyayi ọre iran khin.

I Timoti 3:3

Ọ ma kei ne ọ gha re ọdayọn ra ne ọ fian ọkpannike, sokpan, ọ ghi gha re ọmẹhẹ kevbe ne ẹ i ho ẹmwẹ, ọ ma ke ne ọ gha ho ẹmwẹ igho.

I Timoti 6:10

Rhunmwuda aho ẹmwẹ igho ọre emwi dan ughughan ke zọ ladian. Ẹmwẹ ne a gha mwẹ ọnrẹn mu emwa eso sẹrriọ wẹ, te iran ghi fi iyeke gbe iyayi, iran keghi ya akhiẹ ni bun guọghọ ekhọe iran uan.

II Timoti 3:2

Rhunmwuda, emwa ghi khian ni rẹn enegbe iran ọkpa, iran ghi gha zuan, kevbe orhuọ, a ghi gha ya obọ so udu, iran ghi gha filo unu, iran i ghi họn ẹmwẹ evbibiẹ iran, emwa ẹse oghodan, iran i ghi ga Osanobua.

Taitọs 1:11

Ọ kere ne a da iran obọ ẹmwẹ ne iran guan yi, rhunmwuda, igiowa ni bun ọre iran ye emwi ne ọ ma te kei ne iran ma emwa ẹre, gbe sẹ otọ, ba ẹmwẹ emwiekhue wẹ, te iran gualọ igho.

Taitọs 1:7

Rhunmwuda, ugbẹn vbe a miẹn wẹ, rẹn ọrọre ne ọ gbe aro ghe iwinna Osanobua, ọ kere ne ọkaolotu esọsi gha re ne ẹ i mwẹ abaku ru. Ọma kei ne ọ gha re ọmwa ne ọ tọn egbe mu, ra ne egbe balọ, ra ne ọ da ayọn gbe egbe, ra ọmwa ne ọ khọọ ra ne ọ zuan.

Taitọs 2:3

Erriọ vbe nọ, vbe tama avbe edede wẹ, ne iran gha ru emwi ọmwa ne ọ yin uyinmwẹ ne ọ huanrẹn. Ọ ma kei ne iran gha ta ọtakhọ ra ne ẹmwẹ ayọn i gi ẹe ya rẹn enegbe. Iran ghi gha ma emwa emwi esi.

Hibru 12:16

Wa mwẹ ẹwaẹn, ne ọmwaikọmwa ghẹ ya khian ne ọ gbe alama ra ne ẹ i zẹ ye ẹmwẹ orhiọn, zẹ vbe ne Isọ gha ye, ne ọ na rhunmwuda ekan unu ọkpa mu ukpo ọmọ ọdiọn ne ọ ye khiẹn.

Jọsua 7:21

Vbe uwu emwi ne ima khọn mu, I keghi miẹn agbada ẹwu e Babilọn ọkpa ne ọ kakabọ mose ne ọ gha sẹ uwan esiliva isẹn, kevbe ẹgba igoru ọkpa ne ọ gha gberra uwan ọkpa. Iran keghi wa viẹn yọ mwẹ aro, ọ re I na viọ iran, wa gha miẹn iran vbe ehe ne I na tọnnọ iran ye uwu otọ vbe owa ukpọn mwẹ, esiliva ne ọ rrọ ọ re ọ ke otọ.”

I Pita 5:2

Wa gha re Ọsuohuan avbe oghẹn ohuan ne Osanobua viọ ne uwa, wa gha ye aho ne ọ ke uwu ekhọe rre gbe aro ghe iran, vbene Osanobua ho ne uwa gha ru ẹe, ẹ i re ne a gbe omaro omaro ru. U ghi gha winna iwinna ruẹn, ẹ i re rhunmwuda ne a miẹn ehe na ha ruẹ osa kẹkan, sokpan aho ne a winna ne ọ ke ekhọe rre.

II Pita 2:10

Ibiba avbe emwa ni lele orriarria emwi ohọhọ egbe iran, iran na vbe yagha ẹtin Osanobua. Avbe emamwaemwi ohoghe na keghi re emwa itengbemu, ni vbe ze vbe udu. Iran i ya ọghọ ne emwi ni rrọ ni mwẹ uyi, ni rre odukhunmwu, sokpan, iran ghi gha ya ukpẹ sakan iran.

II Pita 2:14

Iran i ho ne iran bẹghe emwi ọvbehe gberra ikhuo ni ku ogboi, ẹko i sẹtin vuọn ohanmwẹ orukhọ iran ẹdẹ. Iran ghi gha sua ọmwa ne ọ ma wo vbe egbe fi ifi. Te a wa ma ekhọe iran ẹre ne iran gha zuan. Te Osanobua fi iran unu.

II Pita 2:3

Vbe uwu uzuanmwẹ iran, avbe emamwaemwi ohoghe na ghi gha ya okha ne iran tobọ iran ya rre, miẹn uwa emwi. Ọ kpẹre ne Ne ọ bu ohiẹn iran ghi mu egbe ye otọ. Ne ọ ra fuẹn iran uan i vbe vbiẹ hiehiere.

Arhie Maan 2:14

Sokpan, ghe ibozẹghẹ vbe uwu emwi ne I gui ẹzọ ruẹ baa, eso vbe uwu emwa ni lele iruẹmwi Balam wa guẹ rre evba, ọmwa nọ ma Balak vbene a gha ya ye ivbi izrẹl ru orukhọ hẹ, vbe ekpa ne iran na rri evbare ne a ya ru ẹbọ, kevbe ne iran na gha gbe alama oghẹ.

Arhie Maan 2:21

I rhie ẹghẹ nẹẹn ne ọ ya fiwerriẹ vbe orukhọ ne ọ ru, sokpan ọ ma ho ne ọ fiwerriẹ hin uyinmwẹ alama oghẹ ne ọ ye rre.

Arhie Maan 21:8

Sokpan avbe avbiẹrẹ, ọgueva, iran ni rhiaraa, avbe izigha kevbe igbalama, iran ni ru ẹbọ edunna, iran ni ga amazẹ, kevbe iran ni ta ohoghe hia, ehe ne ọre ọghe iran ọrọre odighi erhẹn ne ọ giẹn ugbofi ladian, ọnii ọre uwu ne ogieva.”

Arhie Maan 22:15

Sokpan, iyeke ẹvbo nii, ọrọre ọghe avbe ni rhiaraa, iran ni ru ebo edunna, iran ni gbe alama oghẹ, avbe izigha, iran ni ga ẹbọ, iran ni ta ohoghe, vbe ẹmwẹ ne a guan kevbe emwi ne a ru.

Arhie Maan 9:21

Ra ne emwa ni vbe fiwerriẹ vbe uwu ne iran na de izigha, ẹbo edunna, alama oghẹ, ra oyi ne iran rhaa.

I Samuẹl 8:3

Sokpan, iran ma lele ukpowẹ erha iran. Igho ne a khuan ọkpa ọ re aro iran wa gha ye. Rhunmwuda ọnii, iran kegha rri igho odieke, iran na gha khiẹn ohiẹn bu.