Ẹfisọs 5:28 - Edo Bible (E Baibol Ẹdo) Version 1996

²⁸ Te ọ kere ne ikpia gha ho ẹmwẹ amwẹ iran, zẹ vbene iran ho ẹmwẹ ikinnegbe iran. Okpia ne ọ ho ẹmwẹ amwẹ ọnrẹn, egbe ẹre ọ re ọ ho ẹmwẹ ọnrẹn. (

Ẹfisọs 5:28 ပူးပေါင်းရင်းမြစ်များ

Matiu 19:5

Ọna ọre ọ siẹ ne okpia gha na sẹ erha ẹe kevbe iye ẹe rae, ọ ghi zẹ obọ lele amwẹ ọnrẹn, iran eva ghi do khian ọkpa.’

Ẹfisọs 5:25

Wa ne avbe ọdọ, wa gha ho ẹmwẹ amwẹ uwa, zẹ vbene Kristi ho ẹmwẹ esọsi, ne ọ na ya ẹdẹ agbọn rẹn fi ohan nẹẹn.

Ẹfisọs 5:29

A i miẹn ọmwa ne ọ khọ ẹko ikinnegbe ẹre, sokpan te ọ koko ẹe, ọ ghi gha gbe aro ghe ẹre zẹ vbene Kristi gbe aro ghe esọsi.

Ẹfisọs 5:31

Zẹ vbe ne ebe tae, “Rhunmwuda ọnii ọre okpia gha na sẹ erha ẹe kevbe iye ẹe rae, ọ ghi rhie egbe mu amwẹ ọnrẹn, iran eva ghi khian ọkpa.”

Ẹfisọs 5:33

Sokpan avbe ta ẹe gie uwa, ọ kere ne dọmwadẹ ọdọ gha ho ẹmwẹ amwẹ ọnrẹn, zẹ vbe egbe ẹre, dọmwadẹ amwẹ ghi vbe gha ye ọghọ ne ọdọ ẹre.

I Pita 3:7

Kevbe uwa ne avbe ọdọ, vbe obọ ne uwa ya mu avbe amwẹ uwa, wa ghi gha ye rre wẹ, emwa ni ma wo vbe egbe iran khin, wa ghi gha mu iran tetete, rhunmwuda iran tobọ iran gha vbe deba uwa ghae vbe arrọọ ne Osanobua ra ghae ne emwa. Wa ghi gha ru vberriọ ne emwi rhọkpa ghẹ mu idobo ye uwa erhunmwu ne uwa na.