Ẹfisọs 5:26 - Edo Bible (E Baibol Ẹdo) Version 1996

²⁶ Te irẹn ru ọna, ne ọ miẹn ehe na ya ẹmwẹ ọnrẹn ya esọsi fi ohan ne Osanobua, vbe iyeke vbe ọ ghi ye amẹ kpe ẹe huan nẹ.

Ẹfisọs 5:26 ပူးပေါင်းရင်းမြစ်များ

Ezikiẹl 16:9

“Vbe iyekọnii, I keghi mu amẹ I na kpe esagiẹn ni hin ruẹn egbe rre. I keghi ya ofigbọn oliv wo ruẹ egbe.

Ezikiẹl 36:25

I gha miẹn amẹ afọ yan uwa, awua ẹbọ ghi lahin uwa egbe rre, deba avbe emwi ọvbehe hia ne ọ te mu awua ye uwa egbe.

Levitikọs 14:11

Ohẹn ghi rhie ọmwa na, ke ẹe kevbe emwi izẹọhẹ na, gha rrie onurho Owa Ukpọn Ile.

Levitikọs 16:30

Vbe ẹdẹ nẹdẹrriọ, a ghi ru iruemwi na ne a ya khuẹ iran hia hin orukhọ rre, ne iran miẹn ehe na gha re ne ẹ i ghi mwẹ awua.

Levitikọs 8:6

E Mosis keghi viọ Errọn ke ẹe kevbe ivbi ẹre rri odaro ne iran do khuẹ akhuẹ iruemwi.

Zẹkaraia 13:1

E Nọyaẹnmwa ne Oghodua khare wẹẹ, “Ọ gha sẹ ẹghẹ ne a kha na, a gha kie uhunmwu ẹzẹ ọkpa a, nẹ ọ khue ivbi uniẹn e Devid kevbe ivbi e Jerusalẹm huan hin orukhọ iran kevbe ẹbọ ne a gho rre.

Iyẹn ne ọ Maan Ọghe Jọn 13:10

Jesu wanniẹn wẹẹ, “Ọmwa nọkhuẹ nẹ, egbe ẹre huanrẹn, emwi ne ọ ho ọvbehe i ghi vbe rrọọ gberra ne ọ rria owẹ. Wanwan na nian, wa hia ọre egbe ẹre huanrẹn, vbe ne ọ na kẹe arhiọnkpa kẹkan.” (

Iyẹn ne ọ Maan Ọghe Jọn 15:3

Ẹmwẹ ne I do tama uwa ya uwa hia khian ni huanrẹn nẹ.

Iyẹn ne ọ Maan Ọghe Jọn 15:8

Odẹ vberriọ ọre a ya rhie uyi Erha mwẹ maa, wa ghi kakabọ mọ, wa ghi do gha re erhuanegbe mwẹ.

Iyẹn ne ọ Maan Ọghe Jọn 17:7

Wanwanna nian, iran rẹn nẹ wẹ, emwi ne uwẹ viọ mẹ, ọghuẹ iran ke rre.

Iyẹn ne ọ Maan Ọghe Jọn 3:5

Jesu wanniẹn tama rẹn wẹẹ, “Ẹmwata ne ẹmwata ọre I tama ruẹn wẹ ọmwa ọkpa ne ọ gha sẹtin la Arriọba Osanobua ẹ i rrọọ vbe i re te a ye amẹ kevbe Orhiọn biẹ ọe.

Iwinna 22:16

Wanwanna nian, de emwi ne u ghi ye mudia khẹ? Kpaegbe ne a sa amẹ nuẹn ne a miẹn ehe na kpe orukhọ ruẹ kua vbe ekpa ne u na datie eni ẹnrẹn.’

Iwinna 26:18

U ghi rhan iran aro ne u gban iran uhunmwu hin ebiebi rre la uwu uwanmwẹ, kevbe hin ẹtin Setan rre ghe Osanobua. Vbene a gha na miẹn wẹ vbekpa ne iran na mu ẹtin yan mwẹ, a ghi ye orukhọ iran bọ iran, iran ghi rhie ihe iran vbe uwu ẹbu emwa ne Osanobua hannọ zẹ.’

Ebe ne Pọl gbẹẹn gie emwa Rom 10:8

Vbene ọ khare ọre ọna khin: “Uhunmwu ne Osanobua gie sikẹ ruẹ, ọ rre aranmwẹ kevbe ekhọe ruẹ” ọnii ọrọre ẹmwẹ iyayi ne ima kpe orhu ẹre.

I Kọrinti 6:11

Erriọ eso vbe uwu uwa te ye, sokpan, akhuẹ uwa hin oru khọ rre nẹ, a ya uwa fi ohan ne Osanobua nẹ, a dọlọ uwa kugbe ba Osanobua vbe ekpa eni Jesu Kristi Nọyaẹnmwa kevbe vbe ekpa Orhiọn Osanobua mwa.

II Kọrinti 11:2

Ẹmwẹ uwa ọre ọ da mwẹ zẹ vbene ẹmwẹ uwa vbe da Osanobua, rhunmwuda te uwa ye vbe uvbi ne ọ ma he sakan ne imẹ ya ne okpia ọkpa kẹkan, ọnii nọ wẹ Kristi tobọ ẹre.

Ẹfisọs 6:17

U ghi rhan obọ miẹn imiẹnfan ya ru ẹrhu ematọn, kevbe ẹmwẹ Osanobua zẹ vbe umozo ne nene Orhiọn rhie nuẹn.

Kọlose 3:16

Wa gie ikporhu Kristi ke ẹe kevbe uvuọnmwẹ ọnrẹn gha rre ekhọe uwa. Wa gha ye ẹwaẹn ma egbe emwi, ne uwa vbe gha ya ẹe bu egbe ude. Wa gha ye Psalm so ihuan, wa gha so ihuan kevbe ihuan ni huanrẹn, wa gha ye ekhọe oghọghọ so ihuan ghe Osanobua uwa.

Taitọs 2:14

Rẹn keghi rhie egbe ẹre ne ima, khian emwa ne ẹ i mwẹ iruẹn, ne ọ re ọghe irẹn ọkpa, kevbe ne ho ne iran gha ru emwi esi.

Hibru 10:10

Rhunmwuda wẹ Kristi ru zẹ vbene Osanobua ho ne ọ ru, ma keghi khian ne a khuẹ hin orukhọ ima ne, rhunmwuda ese ne ọ ya egbe ẹre zọ uhukpa ne ọ fo vbe otọ.

Hibru 10:14

Ọ keghi ye ese ne ọ zọ re uhukpa kẹkan ya iran khian ni huanrẹn ighẹ avbe iran ni huan hin orukhọ rre.

Hibru 10:22

Rhunmwuda ọnii, wa gie ima ye ẹkoata sikẹ Osanobua, ba iyayi ne aro dae, ke ẹe kevbe orhiọn ne a kpe huan hin ekhọe ne ọ rri abe rre nẹ, kevbe egbe ne a ye amẹ ne ọ hianrẹn khuẹ.

Hibru 10:29

Inuinu ghi nọ khekherriọ, ne ọmwa ne ọ zan Ovbi Osanobua? Ne ọ ye aro tila ẹe ua, ighẹ esagiẹn ile Osanobua ne ọ yae khian ne ẹ i mwẹ iruẹn, ne ọ ye ukpẹ sakan Orhiọn ẹsọhẹ. Wa tobọ uwa roro ẹe vbene oya ne a gha rri ọre re gha kpọlọ sẹẹ ọnii hẹẹ.

Hibru 13:12

Ọna ọ si ẹẹ ne Jesu na vbe wu ye vbe a lahin onurho ẹvbo rre nẹ, ne ọ miẹn ehe na ye esagiẹn ọnrẹn, khuẹ orukhọ emwa kua.

Hibru 4:12

Rhunmwuda, ekpakpasusu ọre ẹmwẹ Osanobua khin. Ọ mu sẹ agbadakagba ne ọ mwẹ unu eva, te ọ fiaẹn la ehia fo, ya sẹ ehe ne orhiọn kevbe ekhọe na sikan mu egbe, kevbe ehe ne akhuẹn kevbe efun ne ọ rre uwu ugboloko na vba egbe. Rẹn ọre ọ ta vbene iziro kevbe aho ekhọe emwa ne agbọn ye hẹ.

Hibru 9:14

Ugbẹn vbe a ghi miẹn wẹ ẹmwata ọna khin, Inuinu ọre ne esagiẹn Kristi gha ru ya kpọlọ sẹẹ! Ọ la ekpa Orhiọn etẹbitẹ nii ya egbe ẹre zọ ese ne ọ gbae ghe Osanobua. Esagiẹn ọnrẹn ọre ọ gha khuẹ ekhọe orhiọn mwa huan hin obọ iwinna ọrhiae rre, ne ima miẹn ehe na gha ga Osanobua ne ọ rrọọ.

Jems 1:18

Ekhọe obọ ẹre ọre ọ ya la ekpa ẹmwẹ ẹmwata yi ima, ne ima miẹn ehe na gha rre ukpo ne okaro vbe uwu ẹbu avbe emwi ne ọ yi hia.

I Pita 1:2

Te a hannọ uwa zẹ vbe emwamwa ekhọe ọghe Osanobua ne Erha, ne Orhiọn rẹn ye uwa khian emwa ni huanrẹn, ne uwa gha họn ẹmwẹ ne Jesu Kristi, ne esagiẹn ọnrẹn kpe uwa iruẹn kua. Ẹsọhẹ kevbe ọfumwegbe gha re ọghe uwa vbene ọ vuọn sẹ omwa fo.

I Pita 3:21

Amẹ na keghi re emwikemwi ne a ya gie isamẹ ne ọ miẹn uwa fan banbanna nian, ẹ i re vbe ekpa ne ọ na kpe iruẹn ne ọ rre ikinnegbe kua, sokpan vbe ekpa eyan ne a ya ekhọe ne ọ ma bu abe gbe ọmwa yan ma Osanobua. Te isamẹ la ekpa arhiọkpaegbe Jesu Kristi miẹn uwa fan.

II Pita 1:9

Sokpan ọmwa ne ẹ i mwẹ enena, ẹ i ro iro dinmwi, sẹrriọ wẹ, ẹ i vbe bẹghe emwi ọ kevbe mianmian wẹ, a kpe orukhọ ẹre ni gberra kua nẹ.

I Jọn 5:6

Jesu Kristi ọrọre ọmwa ne ọ rre, ọ rre ke irẹn kevbe amẹ ọghẹ isamẹ ọnrẹn kevbe esagiẹn ọghe uwu ẹre. Ẹ i re rẹn vbe amẹ ọkpa ọre ọ rre, sokpan ke irẹn kevbe amẹ kevbe esagiẹn. Nene Orhiọn tobọ ẹre vbe se osẹe wẹ ẹmwata ọ na khin, rhunmwuda, ẹmwata ọre nene Orhiọn khin.

Ebe ne Jud gbẹẹn 1:1

E Jud ne ọguọmwadia Jesu Kristi kevbe ọtẹn Jems ne okpia, ọre ọ gbẹn ebe na gie emwa hia ne Osanobua tie re, emwa ni rrọọ vbe uwu aho ẹmwẹ ọmwa ọghe Osanobua ne erha kevbe iran ne Jesu Kristi gbe aro ghe.