Ẹfisọs 5:24 - Edo Bible (E Baibol Ẹdo) Version 1996

²⁴ Rhunmwuda ọnii, ọ kere ne avbe amwẹ gha gbe uhunmwu ke otọ ne avbe ọdafẹn iran fẹẹrẹ, zẹ vbene esọsi vbe gbe uhunmwu ke otọ ne Kristi.

Ẹfisọs 5:24 ပူးပေါင်းရင်းမြစ်များ

Ẹksọdọs 23:13

Wa rhie ehọ ye ẹmwẹ ne I tama uwa, wa ghẹ na erhunmwu ghe osa ọvbehe, wa ghẹ kue so eni iran.”

Ẹksọdọs 29:35

“Emwi ne I tama ruẹn na zẹẹ ọre u ra ru ne Errọn kevbe avbe ivbi ẹre. Ikpẹdẹ ihinrọn ọre u ra do ugie ne a ya ma iran ohẹn la.

Iyẹn ne ọ Maan Ọghe Luk 10:17

Iran eva yan ekigbesiyenẹ nii keghi ye oghọghọ gha die owa. Iran wẹẹ, “Nọyaẹnmwa, avbe orhiọn esu wa họn ẹmwẹ ima vbe ima ye eni ruẹn gu iran guan!”

Ẹfisọs 5:23

Ọdọ mwẹ ẹtin vbe uhunmwu amwẹ ọnrẹn, zẹ vbene Kristi mwẹ ẹtin vbe uhunmwu esọsi, Kristi tobọ ẹre ọrọre Ọmiọnmwafan esọsi ne ọre egbe ẹre.

Ẹfisọs 5:25

Wa ne avbe ọdọ, wa gha ho ẹmwẹ amwẹ uwa, zẹ vbene Kristi ho ẹmwẹ esọsi, ne ọ na ya ẹdẹ agbọn rẹn fi ohan nẹẹn.

Ẹfisọs 5:33

Sokpan avbe ta ẹe gie uwa, ọ kere ne dọmwadẹ ọdọ gha ho ẹmwẹ amwẹ ọnrẹn, zẹ vbe egbe ẹre, dọmwadẹ amwẹ ghi vbe gha ye ọghọ ne ọdọ ẹre.

Kọlose 3:20

Wa ne emọ, te ọ khẹke uwa, zẹ vbe emwa ni ya Kristi yi, ne uwa gha họn ẹmwẹ ne avbe evbibiẹ uwa ẹghẹ hia, rhunmwuda, ọnii ọre ọ yẹ Osanobua.

Kọlose 3:22

Wa ne eviẹn, wa gha họn ẹmwẹ ne arowa uwa ne agbọn na, vbe emwi hia, wa gha ru vberriọ, ẹ i re vbe iran a gha bẹghe uwa ọkpa, ne iran ba miẹn ehe na gha ye aro esi ghe uwa, sokpan wa gha ye ẹkoata ru ẹe, rhunmwuda ọghọ, ne uwa rhie ne Nọyaẹnmwa.

Taitọs 2:7

Wẹ tobọ ruẹ gha re igiemwi vbe uwu iwinna esi hia. U ghi mu aro yọ ne u vbe gha ta ẹmwata vbe u a gha ma emwa emwi.

Taitọs 2:9

Te ọ kere ne avbe eviẹn gha họn ẹmwẹ ne arowa iran, ne iran vbe gha ru vbene ọ gha yẹ iran vbe emwi hia. Iran ghẹ gha zẹ ẹmwẹ wanniẹn iran.