Ẹfisọs 5:21 - Edo Bible (E Baibol Ẹdo) Version 1996

²¹ Wa gha gbe uhunmwu ke otọ ne egbe, rhunmwuda ọghọ ne uwa ya ne Jesu.

Ẹfisọs 5:21 ပူးပေါင်းရင်းမြစ်များ

Gẹnẹsis 16:9

Rẹn keghi kha wẹẹ, “Dọlegbe bu ẹre gha khian ne u ya gha re ọviẹn ọnrẹn.”

I Krọnikol 29:24

Iran ni rre asẹ hia kevbe avbe ivbiyokuo, uhin ya sẹ egbe ivbi e Devid nekpa, keghi yan wẹ iran gha ye ekhọe ga e Solomọn zẹ vbe ọba.

II Krọnikol 19:7

Wa gha mu ohan e Nọyaẹnmwa ne uwa vbe gha ru emwi hẹnnẹhẹnnẹ, rhunmwuda, e Nọyaẹnmwa Osanobua mwa i zẹdẹ ho ne ọ họn ẹmwẹ ebikhuikhui, ra ohiẹn ikpanro ra igho odieke.”

Nehimaia 5:15

Iran hia ni gha re ne ọkhaemwisẹ ọ te do sẹ mwẹ egbe, ihẹ ọ re iran gha khin ne emwa nii, iran kegha miẹn iran igho esiliva iyeva vbe ẹdẹ zẹ vbe igho evbare kevbe ọghe ayọn. Uhin ighẹ te eguọmwadia iran gha sẹ emwa ni usẹ. Sokpan, I ma ru vberriọ, rhunmwuda, te I ya ọghọ ne Osanobua.

Nehimaia 5:9

Ẹre imẹ ghi na kha wẹẹ, “Emwi ne uwa ru na i maa. Ọ te kei ne uwa yọghọ ne Osanobua, ne uwa ru emwi ne ọ kere. Ẹghẹ nii, wa ghẹ i rhie otọ ne avbe eghian mwa, iran ne ẹ i re Ju, ne iran ya gha zan mwa.

Itan 24:21

Gha ya ọghọ ne Nọyaẹnmwa, ovbi mwẹ, vbe gha da ne ọba. Ghẹ gu avbe emwa ni sọtẹ iran muobọ. Egbe emwa vberriọ sẹtin wa fuan vbe udomwurri.

I Kọrinti 16:16

wa gha lele igiemwi emwa vberriọ deba emwa ọvbehe ni vbe deba iran winna ne iran na vbe ga.

II Kọrinti 5:11

Ma rẹn emwi ne a yae kha wẹ, ne a gha mu ohan Nọyaẹnmwa, ma keghi rhunmwuda ọnii ho ne a gha bọ emwa yọ. Osanobua rẹn ima fo fẹẹrẹ, mẹ vbe yayi wẹ, vbe uwu ekhọe uwa, wa vbe rẹn mwẹ.

II Kọrinti 7:1

Emwi na hia ọre a ve ima ẹre, wa ne ọse mwẹ ni ghan. Rhunmwuda ọnii, wa gie ima khuẹ egbe mwa huan hin emwi ne ọ sẹtin ye egbe ra orhiọn khian ne ọ ma huan, wa gie ima hia ne ima gha re ne ọ huanrẹn fẹẹrẹ, vbe ekpa ne ima gha na gha rrọọ vbe a mu ohan Osanobua.

Galatia 5:13

Zẹ vbe ọghe uwa, etẹn mwẹ, te a tie uwa la hin uwu ọviẹn rre, sokpan wa ghẹ gie ẹmwẹ egbe mwẹ I gue na, gha re ne uwa gha mu zẹ asa ne emwi ne egbe uwa guẹe, gha na maghan uwa. Sokpan wa gie aho ẹmwẹ ọmwa gha ya uwa ga egbe.

Ẹfisọs 5:22

Avbe amwẹ, wa gha gbe uhunmwu ke otọ ne avbe ọdafẹn uwa zẹ vbe ọghe Nọyaẹnmwa.

Ẹfisọs 5:24

Rhunmwuda ọnii, ọ kere ne avbe amwẹ gha gbe uhunmwu ke otọ ne avbe ọdafẹn iran fẹẹrẹ, zẹ vbene esọsi vbe gbe uhunmwu ke otọ ne Kristi.

Filipai 2:3

Wa ghẹ ya ekhọe a gua ye ẹgẹn ọmwa ọkpa ru emwi rhọkpa, ra ekhọe a ba wẹ, sokpan wa gba gha daa ne egbe, vbene u i na ro ighẹ wẹ maa sẹ ọmwa ọvbehe.

I Timoti 2:11

Ọ kere ne ikhuo gha ya a hunwan kevbe a mu egbe rri otọ ruẹ emwi.

I Timoti 3:4

Ọ ghi sẹtin gha gbe aro ghe owa ẹre ẹse, ọ ghi ye avbe ivbi ẹre gha ya ọghọ họn ẹmwẹ nẹẹn.

Hibru 13:17

Wa gha họn ẹmwẹ ne avbe ọkaolotu uwa, wa gha ru vbene iran kha re. Iran ọre ọ gbe aro ghe orhiọn uwa vbe ne a i na hẹwẹ, rhunmwuda ighẹ iran na iyẹn iwinna iran ma Osanobua. Wa ghẹ ghi gha họn ẹmwẹ ne iran nẹ, iran ghi gha ya ọyẹnmwẹ winna iwinna iran, a deghẹ ẹ i ghi ye rriọ, iran ghi gha ye ẹkorriaramwẹ winnaẹn, iyobọ ọkpa i rrọọ ne ọnii gha ru ne uwa.

I Pita 2:13

Wa rhunmwuda Nọyaẹnmwa, gha gbe uhunmwu ke otọ ne asẹ ke asẹ ọghe emwa ne agbọn na, ne Nọgbaisi ne ọre ogie ne ọ khaemwisẹ yan ehia.

I Pita 2:17

Wa gha daa ne emwa hia, wa gha hoẹmwẹ ivbi iyayi ne iho uwa, wa gha mu ohan Osanobua, wa gha gbe uhunmwu ke otọ ne Enọgbaisi.

I Pita 5:5

Erriọ vbe nọ zẹẹ, wa ne igbama, wa gha gbe uhunmwu ke otọ ne avbe eniwanrẹn. Wa hia fẹẹrẹ ghi rhie ukugba imuegberriotọ gba, ne uwa ya gha ru ne egbe rhunmwuda ebe khare wẹẹ, “Osanobua mu aro igbinna da e nọ tọn egbe mu, sokpan ọ ghi gha rhie ẹsọhẹ ne ne ọ mu egbe rri otọ.”