Ẹfisọs 5:18 - Edo Bible (E Baibol Ẹdo) Version 1996

¹⁸ Ghẹ da ayọn gbe egbe, rhunmwuda te ọ ra miẹn ruẹn uhunmwu, sokpan gha re ne ọ vuọẹn ne Orhiọn.

Ẹfisọs 5:18 ပူးပေါင်းရင်းမြစ်များ

Gẹnẹsis 9:21

Ọ ghi da vbe ayọn rẹn nẹ, ayọn kegha gbẹe, ọ keghi bannọ ukpọn ẹnrẹn kua, ọ keghi ya irhunmwirhun lovbiẹ ye uwe owa ukpọn ọghọe.

Psalm 69:12

Ẹmwẹ mwẹ iran ta khian vbe odẹ, mẹ ọ re avbe ọdayọn ghi ya so ihuan.

Itan 20:1

U gha da ayọn gbe u ghi gha vannọ ọghe ọzuọ. Ukọnmwẹ wa nọ ne ọmwa da ayọn gbe egbe.

Ihuan Ne Ọ Sọọ Ihuan Hia 1:4

Rhie mwẹ ba egbe, ne ima lẹ kpao, gha re ọba mwẹ ne u rhie mwẹ la ughugha ruẹ. Ọyẹnmwẹ gha gba sẹ mwa, ma ghi da, a ghi gha maẹn rhan ruan vbe aho ẹmwẹ ọmwa. Ẹkhabe ne ikhuo hia na ho ẹmwẹ ruẹn.

Ihuan Ne Ọ Sọọ Ihuan Hia 7:9

Unu ruẹn zẹ vbe ayọn ne ọ maa sẹẹ. Wa gie nene ayọn gha lẹ bu enida mwẹ yo. Ne ọ gha lẹ ye ọ re akhuarhamwunu kevbe akọn.

Aizaia 25:6

Vbe emwamwa, vbe Oke Zaiọn, e Nọyaẹnmwa gha kpehe evbare nọkhua ne agbọn ẹvbo otọ agbọn hia, evbare nọkhua ọghe evbare ni maa sẹẹ ehia kevbe ayọn ni maa sẹe hia.

Aizaia 5:22

Ọghe uwa fo nẹ! Wa ni re asukpekhae vbe egbe ọgọ ayọn. Emwa ni din kevbe ne ohan i mu vbe ọ gha sẹ egbe ayọn ne a gua.

Aizaia 55:1

E Nọyaẹnmwa khare wẹẹ, “Wa larre, emwa hia ne ovbamẹ gbe, wa ghe amẹ wa ne ẹ i mwẹ igho, wa larre, wa do dẹ ọka ne uwa re. Wa larre, wa do dẹ ọka kevbe ewẹn ẹmila, vbene a i na ha igho yọ!

Levitikọs 10:9

“Wa gha da ayọn ra ebiẹ nẹ, wẹ kevbe avbe ivbi uẹ, wa ghẹ ghi la uwu Owa Ukpọn Ile, wa gha danmwẹ ọẹn, wa gha wulo. Uhi ne avbe ivbi uniẹn ruẹn hia gha rhie mwẹ ọre ọna khin.

Matiu 23:25

“U miẹn agbọn ne uwa ye enimaemwa Uhi kevbe Farisi ayunukpaegbe! Wa ghi kpe iyeke ukpu kevbe ọkpan uwa huan, vberriọ emwi ne uwa ye iwo vbe egbe aro kevbe arovbẹmwẹ miẹn emwa re ọre ọ vuọn uwa ẹre.

Matiu 24:49

Ọ ghi suẹn gha gbele eguọmwadia nekpa, ọ ghi ya gu avbe Ọdayọn gha re gha da.

Iyẹn ne ọ Maan Ọghe Luk 1:15

Rhunmwuda okpọmwa rẹn khian gha khin vbe odaro Osanobua. A ghẹ giee ye unu kan ayọn, a ma ghi wẹ ayọn ne ọ wo vbe egbe. Orhiọn Ne ọ huanrẹn gha hin yan rẹn wa ke ẹghẹ ne a ya biẹ ọe kpao.

Iyẹn ne ọ Maan Ọghe Luk 11:13

Vbene uwa ghi vbe rhia sẹ, wa rẹn ya gha viọ emwi esi ne ivbi uwa. Vbe uwa ghi ye Erha uwa ne ọ rre ẹrinmwi khẹ, ẹ i re te ọ gha rhie Orhiọn Ne Ọ Huanrẹn ne iran hia ne ọ vbu vbe obọ ẹre!”

Iyẹn ne ọ Maan Ọghe Luk 12:45

Sokpan a deghẹ ọguọmwadia nii ghi kha wẹẹ, ‘Te arowa mwẹ ghi kpẹe,’ ọ na suẹn gha gbele eguọmwadia nekpa, ke ikpia kevbe ikhuo, ọ na gha re, ọ na gha da, a da gbe egbe.

Iyẹn ne ọ Maan Ọghe Luk 21:34

“Wa gha begbe! Wa ghẹ gie iwinna evbare ne a re, ayọn ne ọ wegbe ra osi ẹmwẹ agbọn na mu uwa, ne Ẹdẹ nẹdẹrriọ ghẹ do hẹ rhu uwa vbe udomwirri.

Iyẹn ne ọ Maan Ọghe Jọn 2:10

Ọ tama rẹn wẹẹ, “Ayọn ne ọ maa sẹ ọre emwa nia ka mu rre ne a gha da, emwa ne a tiere ghẹ ghi da nẹ ẹsẹse, ọ ke do mu ayọn kẹkan ye otọ. Sokpan wẹ keghi ya mu ayọn ne ọ maa na hinrre usin.”

Iwinna 11:24

Banabas keghi re ọmwa esi ne ọ vuọn ne Orhiọn Ne Ọ Huanrẹn kevbe iyayi. A keghi viọ emwa ni bun bu Nọyaẹnmwa gha dee.

Ebe ne Pọl gbẹẹn gie emwa Rom 13:13

Wa gie ima gha ru emwi ọmwa ne ọ rẹn enegbe, zẹ vbe ivbi uwanmwẹ ẹdẹ, ẹ i re vbe uwu oyanghan, ra ayọn ne a da gbe egbe, ẹ i re uwu alama oghẹ ra u sakanmwẹ, ẹ i re vbe uwu igbinna ra oya ọmwa da ọmwa.

I Kọrinti 11:21

Rhunmwuda, wa gha rri evbare, dọmwadẹ ọghọe ghi wa deyan evbare ọghọe gha re, sẹrriọ wẹ, ehe ne ohanmwẹ na gbe eso, ayọn ghi gha gbe eso.

I Kọrinti 5:11

Emwi ne i kha ọrọre wẹ, wa gha miẹn ọmwa ne ọ tie egbe ẹre ọtẹn, ne ọ yayi, ọ na gha gbe alama, ọ zuan, ọ ga ẹbọ, ọ ta ọtakhọ, ọ da ayọ gbe egbe, ra ọ gbe olighi, wa ghẹ gu ẹe mu obọ, wa ghẹ kue gu ọmwa vberriọ rri evbare.

I Kọrinti 6:10

Iran ni rhaa, iran ni zuan, iran ni da ayọn gbe egbe, iran ni ta ẹrrẹe ọtakhọ, ra iran ni gbe olighi, ne Arriọba Osanobua gha sẹ ọre obọ, ẹ i rrọọ.

Diuteronomi 21:20

Iran ghi tama iran wẹẹ, ‘Ovbi ima ne okpia na ze vbe udu gbe, ẹ i vbe họn ẹmwẹ ne ima, ọdayọn nọ, ọ vbe mu ima igho rhia.’

I Tẹsalonaika 5:7

Asọn ọre emwa ya vbiẹ, asọn ọre emwa ya da ayọn ghe egbe.

Taitọs 1:6

ọ kere ne ọmwa ne ọre ọdiọn gha re ne ẹ i mwẹ abaku ru, okhuo ọkpa ọre ọ kere ne ọ gha mwẹ, ivbiẹre ghi vbe gha re emwa ni yayi, ẹ i re ne a ta ẹmwẹ ọnrẹn khian wẹ iran wa kan ye ẹvbo ra ne ẹ i họn ẹmwẹ.