Ẹfisọs 5:14 - Edo Bible (E Baibol Ẹdo) Version 1996

¹⁴ Rhunmwuda emwi ne a ghi rhie ladian ne aro gba nẹ, uwanmwẹ ghi nọ, ọnii ọ si ẹe ne a na tae wẹẹ, “Rhiọrre, olovbe. Rhiọrre vbe orinmwi, Kristi gha wan uwanmwẹ muẹn.”

Ẹfisọs 5:14 ပူးပေါင်းရင်းမြစ်များ

Aizaia 26:19

Iran ni wulo nẹ vbe emwa ima, gha dọlegbe gha rre agbọn! Ikun iran gha dọlegbe rhiọrre. Iran hia ni vbiẹ vbe uwu idin iran, gha kpaegbe so ihuan oghọghọ. Zẹ vbene evbu ni fi wainwain ye otọ agbọn rọkhọ, erriọ Nọyaẹnmwa gha huẹn iran ni wulo arria nẹ usin kpaegbe.

Aizaia 51:17

E Jerusalẹm, rhiọrre vbe ovbe! Huẹn egbe ruẹ ne u kpaegbe! U wọọn ukpu irrioya nẹ ne Nọyaẹnmwa mu nuẹn wọn vbe ohu mu irẹn u sii ẹe wọn kan otọ ukpu, u na ghi gha kpigogo.

Aizaia 52:1

Jerusalẹm, wegbe ne u vbe dọlegbe gha kpolo! Ẹvbo nọhuanrẹn ọghe Osanobua, ya ose yọ egbe ruẹ ẹwu. Avbe ni ma yayi i ghi dọlegbe fi owẹ la onurho ruẹ ọvbehe.

Aizaia 60:1

Kpaegbe Jerusalẹm ne u viọ asan ladian vbe owẹn, uyi e Nọyaẹnmwa ọ re ọ viọ asan yan ruẹn.

Iyẹn ne ọ Maan Ọghe Luk 1:78

Rhunmwuda ọmẹhẹ ne ọmwa itohan ọre Osanobua mwa khin. Rẹn gha gie uwanmwẹ imiẹnfan wan mu ima hia.

Iyẹn ne ọ Maan Ọghe Luk 15:24

Rhunmwuda, ovbi mwẹ na te wu, ghe ighẹ ọ ye rre agbọn, ọ te wii, a miẹn ọẹn nian.’ Iran keghi gele suẹn gha rrie evbare.

Iyẹn ne ọ Maan Ọghe Jọn 8:12

Jesu keghi dọlegbe gu avbe emwa guan wẹẹ, “Mẹ ọrọre uwanmwẹ agbọn, Ọmwaikọmwa ne ọ lele mwẹ, ọ gha mwẹ uwanmwẹ ẹfe, ẹ i ra vbe khian vbe ebiebi.”

Iyẹn ne ọ Maan Ọghe Jọn 9:5

Avbe ẹghẹ ne I ya rre agbọn, mẹ ọrọre uwanmwẹ agbọn.”

Iwinna 13:47

Rhunmwuda erriọ Nọyaẹnmwa yi ẹre iyi ne ima wẹẹ, “ ‘Mẹ viọ uwa mudia zẹ vbe uwanmwẹ iran ni i re Ju, ne uwa gha re odẹ imiẹnfan ne otọ agbọn hia.’ ”

Ebe ne Pọl gbẹẹn gie emwa Rom 6:13

Ra ne uwa vbe fan obọ egbe uwa rhọkpa ne orukhọ, ne a gha lo ẹre ye odẹ ọkhọ, sokpan wa fan obọ egbe uwa ne Osanobua zẹ vbe emwa ne a viọ ke uwu ladian la ẹfe nẹ, wa ghi zẹ egbe uwa hia obọ nẹẹn, ne ọ gha lo ẹre ye odẹ ẹmwata.

I Kọrinti 15:34

Wa dọlegbe rhie ẹwaẹn ye uhunmwu, ne uwa zobọ vbe orukhọ ne uwa ru. Te I ta ẹmwẹ na ne emwi ekhue uwa, eso vbe uwu uwa ma rẹn Osanobua.

II Kọrinti 4:6

Osanobua ne ọ kha re wẹẹ, “Uwanmwẹ gha wan ke uwu ebiebi ladian,” ọre ọ vbe wan uwanmwẹ ọnrẹn ye ima ekhọe, ne ọ rhie uwanmwẹ ọghe a rẹn uyi Osanobua ne ima, zẹ vbe ne ọ wan ladian vbe ugbaro Kristi.

Ẹfisọs 2:1

Vbe ẹghẹ ne ọ gberra, wa kegha re ne ọ wulo vbe orhiọn, rhunmwuda a i họn ẹmwẹ kevbe orukhọ uwa.

Ẹfisọs 2:5

Wẹ ẹghẹ ne ima na re emwa ni wulo vbe ekpa ọghe orhiọn, vbe uwu iyin ehọ mwa, ọ keghi huẹn ima ye agbọn ba Kristi, ẹsọhẹ Osanobua ọre a ya miẹn uwa fan.

Kọlose 3:1

A huẹn uwa kpaegbe ba Kristi nẹ. Wa gha rhie aro uwa ye emwi ni rre ẹrinmwi khekherriọ, ehe ne Kristi na tota ye uhunmwu ẹkete vbe obọ erha ọmwa Osanobua.

I Tẹsalonaika 5:6

Rhunmwuda ọnii, ọ ma kei ne ima gha vbiẹ zẹ vbe iran nekpa, ọ kere ne ima rhiọrre, ne aro gbannọ ima vbe uhunmwu.

II Timoti 1:10

Sokpan banbanna nian, te a ghi do rhie ẹre ma ima, vbe uwu urremwẹ Kristi Jesu, ne Ọmiọnmwafan mwa. Rhunmwuda, Kristi khuọn ẹtin uwu ua nẹ, ọ keghi vbe la ekpa nene iyẹn ne ọ maa rhie agbọn a i wu ẹdẹ ma emwa.

II Timoti 2:26

Ẹghẹ nii aro ghi do hian iran, iran ghi lẹfe vbe obọ ifi ne Esu rhuẹre, ọmwa ne ọ te ka mu iran yi ọ na ya iran gha ru enegbe ẹre.