Ẹfisọs 5:11 - Edo Bible (E Baibol Ẹdo) Version 1996

¹¹ Wa ghẹ gu iran ni ru emwi oya ne a ru vbe uwu ebiebi mu obọ. Sokpan wa gha viọ iran ladian la idagbo. (

Ẹfisọs 5:11 ပူးပေါင်းရင်းမြစ်များ

Gẹnẹsis 20:16

Ọ keghi tama Sera wẹẹ, “I ra rhie agiẹghẹ esiliva arriaigbe ne ọtuẹn nokpia ne a ya rhie ma iran hia ne uwa gba khian wẹẹ, u ma ru awua. Emwa hia gha rẹn wẹẹ, u ma ba emwi ku ru.”

Psalm 141:5

Ọmwa esi sẹtin gbe mwẹ hin ọkhọ rre, kevbe ne ọ vbe gunmwẹ gui vbe itohan, sokpan, mẹ i ra rhan obọ miẹn emwi ne emwa dan ya mu ọghọ yọmwẹ egbe, rhunmwuda, ekhọe hia mẹ ya mu erhunmwu kọ emwi dan ne iran ru.

Itan 1:10

Ovbi mwẹ, avbe emwa orukhọ gha rẹrẹ uẹ, ghẹ kue yọ.

Itan 1:31

Rhunmwuda ọnii nian, wa miẹn emwi ne ọ ke ne uwa, uyinmwẹ uwa ọ re ọ ra si emianmwẹ ye uwa egbe.

Itan 13:18

Ọmwa ne ẹ i ho ne ọ ruẹ emwi gha khian ovbiogue, ọ ghi vbe fa egbe ua. Ọmwaikọmwa ne ọ danmwehọ vbe a gha gu ẹe gui, te a ya ọghọ ne ẹẹn.

Itan 15:12

Emwa ni ghe ẹwẹe iran okpa i ho ne a ta emwi ne iran baku ru ma iran, iran i nọ wẹ ne ọmwa ne ọ wan sẹ iran bu iran ude ẹdẹdẹmwẹdẹ.

Itan 19:25

Ọ kere ne a rri ọmwa oya ye itengbemu, ne avbe iran ni ma vbe rẹn emwi gberra ọnii, sẹtin miẹn ọnii ya wan. Adeghẹ ọmọ ne ọ wan ọ re uwẹ khin, a gha guẹ gui, u ghi miẹn emwi ruẹ vbọ.

Itan 25:12

Ude ne ọmwa ne ọ kpẹ agbọn rhie ne ọmwa ne ọ mu egbe ne ọ ya danmwehọ, ọ re ọ maa sẹẹ avbe oroka igoru emwitegbe ne a ye igoru ne ọ maa sẹẹ ru.

Itan 28:4

Adeghẹ wẹ i zẹye vbene uhi khare, avbe emwa dan ọ re uwẹ ye egbe baa, sokpan, u gha ya ẹe ru emwi, te u gu iran gbinna.

Itan 29:1

Adeghẹ te u wa dọlegbe zevbudu yọ ẹghẹikẹghẹ ne a ya guẹ gui ne a dia ruẹ ye odẹ, ẹdẹ ọkpa, emwi gha degbe uẹ, u i ra vbe miẹn uhunmwu vbọ.

Aizaia 29:21

Osanobua gha fuẹn iran an ighe avbe emwa ni ta ẹrrẹe ọtakhọ, iran ne ẹ i gia rri emwa dan oya, iran ni ta ohoghe ne a ghẹ miẹn ehe na bu ohiẹn ẹmwata ne emwa esi.

Jerimaia 15:17

I ma lo ẹghẹ mwẹ ya tota ke emwa ọvbehe, ne a gba gha giẹ ra ne avbe gha zọmọ. Zẹ vbene u tama mwẹ, I keghi hẹko tota, mẹ ọkpa vbe ẹhi mwẹ, ohu keghi gba mwẹ ẹko.

Levitikọs 19:17

“Ghẹ mwẹ irhiaẹko ghe ọmwarhọkpa, sokpan guẹe dọlọ kugbe ne u ghẹ ya la ekpa ẹre mu orukhọ.

Matiu 18:15

“Ọtuẹn gha ru uẹ emwi khọ, bu ẹre gha khian, ya rhie ma rẹn. Sokpan wẹ vbe ọre ọkpa ghi gba ta ẹre ọ ghe uwu owa. a deghẹ ọ rhie ehọ nuẹn ta yi, te usi atua ye ẹmwẹ iku uwẹ vbe ọre.

Iyẹn ne ọ Maan Ọghe Luk 3:19

Sokpan Jọn keghi ta ku e Hẹrọd ne Ne ọ khaemwisẹ rhunmwuda ne ọ na rhie Hẹrodias ne amwẹ ọtiọnrẹn rọnmwẹ, kevbe rhunmwuda emwi dan ọvbehe hia ne ọ ghaa ru.

Iwinna 26:18

U ghi rhan iran aro ne u gban iran uhunmwu hin ebiebi rre la uwu uwanmwẹ, kevbe hin ẹtin Setan rre ghe Osanobua. Vbene a gha na miẹn wẹ vbekpa ne iran na mu ẹtin yan mwẹ, a ghi ye orukhọ iran bọ iran, iran ghi rhie ihe iran vbe uwu ẹbu emwa ne Osanobua hannọ zẹ.’

Ebe ne Pọl gbẹẹn gie emwa Rom 13:12

Asọn ye egbe khian buan nẹ, te ẹdẹ ghi ra gbe. Wa gie ima viọ emwi igbinna ne a ya gbinna vbe uwu uwanmwẹ mwẹ obọ.

Ebe ne Pọl gbẹẹn gie emwa Rom 16:17

Gun mwẹ tama uwa etẹn mwẹ, wa gha baba iran ni si iwannegbe rre ne iran na vbe mu iyayi emwa eso rhia ye iran obọ, iran ni ghe odan ye iruẹmwi ne uwa ka rhan obọ miẹn nẹ, wa gha lẹ ne iran.

Ebe ne Pọl gbẹẹn gie emwa Rom 6:21

Sokpan, de ere ne uwa ghi miẹn re vbe ne uwa na gha ru avbe emwi ni ne ekhue ẹre ghi mu uwa ẹghẹ na? Uwu ọre ọ ke avbe emwi ni ikian.

Galatia 6:8

Ọ gha kọ emwi ne egbe ho ye ugbo, evba ọre ọ ra na ya rhọ emwiorhọ uwu, a deghẹ ọ vbe kọ emwi ne ọre ọghe Orhiọn, ke uwu Orhiọn ni rre, ọre ọ gha na rhọ emwiorhọ ẹfe ne ẹ i mwẹ ọfo.

Ẹfisọs 4:22

Rhunmwuda ọnii wa muẹn fua ighẹ emwi ne uwa guẹe nẹdẹ, ne ọ ye uwa gha ru emwi ne uwa te ka ru nẹdẹ nii, ne emwi erẹrẹ ne ọ ho te ya rrie.

Ẹfisọs 5:12

Ekhue i gia sunu ye emwi ne iran ru vbe uwu ebiebi.)

Ẹfisọs 5:7

Rhunmwuda ọnii, wa ghẹ gu emwa vberriọ mu obọ hiehiere.

Kọlose 1:12

Wa vbe ye oghọghọ gha rhie ekpọnmwẹ ne Evbavba, ne ọ ye uwa khian ne ọ kere ne ọ gha mwẹ oghae vbe uwu avbe emwi ne Osanobua viọ hinrre khẹ emwa vbe arriọba uwanmwẹ.

I Tẹsalonaika 5:7

Asọn ọre emwa ya vbiẹ, asọn ọre emwa ya da ayọn ghe egbe.

II Tẹsalonaika 3:14

Emwa eso sẹtin gha rre evba ne ẹ i ra zẹ ye ẹmwẹ ne ima gbẹnnẹ ye ebe na. A deghẹ ọ ye rriọ, wa ye ẹre ẹro ne uwa ghẹ gu ẹe mu obọ hiehie, ne ekhue miẹn ehe na muẹn.

II Tẹsalonaika 3:6

Ma ya eni Nọyaẹnmwa Jesu Kristi yi iyi ma uwa etẹn mwa, wa gha bi egbe ne avbe etẹn ni lo ẹdẹ iran hia ye oroho ne a si, iran ne ẹ i ya ẹmwẹ ne ima tama iran ru emwi.

I Timoti 5:20

Gu ọmwa ne ọ ru khọ gui vbe sirra emwa hia ne emwa nekpa miẹn ehe na gha mwẹ imuohan.

I Timoti 5:22

Ghẹ tua viọ obọ yan ọmwaikọmwa uhunmwu, ye iwinna Nọyaẹnmwa, ghẹ mwẹ obọ vbe orukhọ ẹrrẹe, da egbe ruẹ yi vbe ne a i na mwẹ iruẹn.

I Timoti 6:5

Igbeagbanmwẹ ne iran muhẹn ighẹ emwa ne ekhọe ẹre sohie nẹ, ẹmwata i ghi vbe rre iran unu. Iran ro ighẹ iyayi, emwi ne a ya gualọ igho ọre nọ.

II Timoti 3:5

Iran de obọ mu avbe emwi ne a ru ne agbọn miẹn, ni rre iyayi mwa, iran ghi he ẹtin ne ọ rrọọ. Wa bi egbe ne avbe emwa na.

II Timoti 4:2

Gha kpe orhu nene ẹmwẹ, mu yan rẹn wẹ, ne a gha ta ẹe, deghẹ ẹghẹ ke yọ, ra ọ ma ke yọ ne u gha yae la emwa ekhọe, ne u gha gu ọmwa gui, ne u gha rhie igiẹdu ne emwa, kevbe ne u gha ye i ziengbe ma emwa emwi.

Taitọs 2:15

Gha ma emwa avbe emwi na hia, vbe gha lo asẹ hia ne ọ gu ẹe vbe uwu ẹghẹ ne u na rhie igiẹdu ne iran, kevbe ne u na vbe gu iran gui hin ọkhọ rre, ighẹ iran ni danmwehọ ruẹ. Ghẹ gie ọmwa rhọkpa vbe uwu iran ye aro gue uẹ re.

Arhie Maan 18:4

I keghi vbe dọlegbe họn vbe urhu ọvbehe vbe guan ke ẹrinmwi rre wẹẹ, “Wa ke evba ladian, wa ne emwa mwẹ, wa ke uwu ẹre ladian, wa ghẹ gu ẹe mwẹ obọ vbe orukhọ ne ọ ru, wa ghẹ gu ẹe ghae vbe oya ne a ra rri ẹre re.