Ẹfisọs 4:32 - Edo Bible (E Baibol Ẹdo) Version 1996

³² Sokpan, wa gha mwẹ itohan kevbe ekhọe agiẹngiẹn da egbe, wa vbe gha ya bọ egbe, zẹ vbene Osanobua vbe la ekpa Kristi yabọ uwa.

Ẹfisọs 4:32 ပူးပေါင်းရင်းမြစ်များ

II Samuẹl 7:21

I ho ruẹ kevbe iziro ekhọe ruẹ nọ ne u ru ọna, te u ru avbe emwi ọrhẹnrhẹn na, ne u ya rhie irẹnmwi mẹ.

Psalm 112:9

Ọ gha rhie ne ne ẹ i mwẹ wọrhọwọrhọ itohan rẹn i vbe baku ọ gha mwẹ ẹtin, a ghi vbe gha ya ọghọ ne ẹẹn.

Psalm 145:9

Te irẹn wa maa ne emwa hia, ọ vbe tohan emwi hia ne irẹn yi.

Itan 12:10

Ọmwa esi ghi gha gbearoghe emwi irri ẹre, sokpan, emwa dan ghi gha ru ọghe iran khọ.

Itan 19:11

U gha re ọmọ ne ọ wan, u gha ziengbe vbe ohu a gha mu ẹn. Ọmwa gha ruẹ emwi ne ọ ma kei, uyinmwẹ ọmẹguae nọ adeghẹ u yangbe ẹe.

Itan 19:22

Ifaegbua nọ ne a gha zuan, ivbiogue ọ re ọ maa sẹ avbe ọhọn ohoghe.

Aizaia 57:1

Emwa esi ghi wulo, ai miẹn ọmwa ne ọ rẹn otọ ẹre ra ne ọ vbe zẹyọ. Sokpan iran gha wulo, ọkhọ ọhanabe i sẹtin kuan iran.

Jerimaia 38:12

Ọ keghi tama mwẹ wẹ ne I viọ avbe osẹ mwẹ ukpọn nii ye ototọ irere ne i rri ghẹ bolo mwẹ egbe. I keghi ru vberriọ.

Matiu 6:12

Ya orukhọ mwa hia bọ mwa, vbe ne ima ya bọ enirumwakhọ.

Iyẹn ne ọ Maan Ọghe Mak 11:25

U gha mudia ne u na erhunmwu, yabọ emwi ne emwa a rhirhi ru uẹ re, ne Erha a ne ọ rre ẹrinmwi miẹn ehe na ye orukhọ ruẹ bọọ.

Iyẹn ne ọ Maan Ọghe Luk 1:78

Rhunmwuda ọmẹhẹ ne ọmwa itohan ọre Osanobua mwa khin. Rẹn gha gie uwanmwẹ imiẹnfan wan mu ima hia.

Iyẹn ne ọ Maan Ọghe Luk 11:4

ye orukhọ mwa bọ mwa, rhunmwuda ma vbe yabọ emwa ni ru ima khọ. Ghẹ ye emwi ne ọ wo vbe egbe danmwẹ mwa ghe.’ ”

Iyẹn ne ọ Maan Ọghe Luk 17:4

Ọ gha ru emwi khọ igba ihi-nrọn vbe ẹdẹ, ọ na vbe rre igba ihinrọn ni do rinmwian, ghẹ mwẹ u ma ya bọ ẹe.”

Iyẹn ne ọ Maan Ọghe Luk 6:35

Ẹ i re rriọ! Gha ho ẹmwẹ eghian ruẹn, vbe gha ru iran ẹse, rhie ne emwa mọmọ, ghẹ ghi vbe rhie aro ye odẹ khẹ emwi rhọkpa. A gha san ruẹn ẹse nọkhua, u ghi vbe gha re ovbi Osanobua Ne Ọ Yo Sẹ, rhunmwuda te irẹn maa ne emwa ẹse oghodan kevbe emwa dan.

Iyẹn ne ọ Maan Ọghe Luk 6:37

“Wa ghẹ bu ohiẹn ẹrrẹe, Osanobua i ra vbe bu ọghe uwa, ghẹ bu abe gbe ẹrrẹe, Osanobua i ra vbe bu gbe uwa, yabọ emwa ọvbehe, Osanobua gha vbe yabọ uwa.

Iwinna 28:2

Emwa ni rre ẹvbo nii keghi wa ya obọ esi mu ima. Rhunmwuda ne amẹ na gha rhọ nii, oni kegha fi, iran keghi koko erhẹn ya gbe ọbokhian ne ima.

Ebe ne Pọl gbẹẹn gie emwa Rom 12:10

Wa kakabọ gha ho ẹmwẹ egbe zẹ vbe etẹn vbe uwu Kristi, wa gie ẹe gha bọbọ uwa egbe ighẹ ẹmwẹ ọghọ na rhie ne egbe.

I Kọrinti 13:4

Te aho ẹmwẹ ọmwa ziengbe emwi, ọ vbe mwẹ itohan, oya ọmwa i da ẹe, aho ẹmwẹ ọmwa, ẹ i ye obọ rra ẹwẹe ra ne ọ gha tọn egbe mu.

II Kọrinti 2:10

Wa gha ya emwi ne ọmwa ọkpa baku ru bọ ẹe, mẹ vbe ya bọ ẹe. Rhunmwuda, I gha ya bọ ọmwa, adeghẹ abaku ru ọkpa gele rrọọ ne I ya bọ ọmwa, rhunmwuda uwa ọre I na ru ẹe vbe sirra Kristi.

II Kọrinti 2:7

Vbene ọ rhirhi gha ye hẹ, wa ya bọ ẹe, wa ghi vbe gha bu ẹre ude iwo vbe egbe ne ekhọe ẹre ghẹ ya rhia sẹrriọ ne ọ gha na ghi wa zobọ fẹẹrẹ.

II Kọrinti 6:6

Vbe ekpa a i mwẹ iruẹn, irẹnmwi, iziengbe, kevbe itohan, ma keghi rhie egbe maa zẹ vbe eguọmwadia Osanobua, vbe ekpa Orhiọn Ne ọ huanrẹn, vbẹ ekpa aho ẹmwẹ ọmwa ẹmwata ne ima mwẹ.

Ẹfisọs 5:1

Vbene a na miẹn ighẹ ivbi Osanobua ne ọ ghan wa khin, te uwa gha hia ne uwa gha ye vbe irẹn.

Jems 5:11

Te ima ghi tie iran emwa ni rre oghọghọ rhunmwuda, iran zin egbe. Wa họn ẹn vbene Job ziengbe hẹ, wa vbe rẹn vbene Nọyaẹnmwa ghi fiangbẹe hẹ vbe okiekie. Rhunmwuda, Nọyaẹnmwa vuọn ne itohan kevbe ẹnina.

II Pita 1:7

wa ghi rhie aho ẹmwẹ ọmwa ne ọ rre ẹkpo etẹn ba aruemwi vbene ọkhọ ọghe Osanobua uwa, wa ghi rhie aho ẹmwẹ ọmwa ba aho ẹmwẹ ọmwa ne ọ rre ẹkpo etẹn uwa.

I Jọn 1:9

Sokpan a deghẹ ma miẹn orukhọ mwa kue ma Osanobua, rẹn gha mu eyan ọghọe sẹ, ọ ghi ru vbene ọ keyi, ọ gha ya orukhọ mwa bọ mwa, ọ ghi vbe kpe mwa hin uwu abakuru mwa hia rre.

I Jọn 2:12

Ivbi mwẹ, I gbẹn ebe gie uwa rhunmwuda, a la ekpa eni Jesu ya orukhọ uwa bọ uwa nẹ.

Ebe Rut 2:20

E Naomi keghi tama rẹn wẹẹ, “Te Nọyaẹnmwa ne ọ mu eyan rẹn sẹ ne ne ọ wu kevbe ne ọ rre agbọn gha fiangbe Boaz.” Rẹn keghi tama rẹn wẹẹ, “Okpia nii, ọmwa ne ọ wa sikẹ ima vbe ọtẹn ọ re nọ, usun iran ne ọ ghi gbe aro ghe ima na.”