Ẹfisọs 4:3 - Edo Bible (E Baibol Ẹdo) Version 1996

³ Wa lo ẹtin uwa hia, ne uwa ya da ẹe yi ighẹ akugbe ne Orhiọn rhie ne ọmwa, vbe ekpa ọfumwegbe ne ọ dee uwa hia kugbe.

Ẹfisọs 4:3 ပူးပေါင်းရင်းမြစ်များ

I Ọba 16:21

Ivbi Izrẹl keghi ghae egbe ye ihe eva, eso vbọ kegha ho ne iran ma Tibni ne ovbi e Ginat ọba, eso kevbe gha rre asa ọghe Ọmri.

Ẹksọdọs 28:32

U ghi fian uvun ne a gha mu uhunmwu la ye adesẹneva ẹre, a ghi do uvun na lẹga zẹ vbe urhu ẹwu ne a ya ohian se ne ọ ghẹ miẹn ehe na sọọ.

Asan-Ibo 4:12

Arhienva gha sẹtin rrọ igbinna ne orhiọnkpa i ra sẹtin rhie uhunmwu da. Irri ne a ba ẹre eha kugbe I rherhe fian.

Iyẹn ne ọ Maan Ọghe Mak 3:24

A deghẹ ẹvbo ọkpa gha egbe ye otu otu gha gu egbe khọn, te ẹvbo nii ra zagha a.

Iyẹn ne ọ Maan Ọghe Jọn 13:34

Uhi ọgbọn ne I yi ne uwa ọrọre wẹ, wa gha ho ẹmwẹ egbe. Zẹ vbene I mẹ ho ẹmwẹ uwa ọre ọ kere ne uwa vbe gha ho ẹmwẹ egbe uwa.

I Kọrinti 1:10

I ya ẹtin Nọyaẹnmwa Jesu Kristi rinmwian uwa etẹn, ne uwa gie ẹmwẹ uwa hia ha gu egbe ro vbe ẹmwẹ ne uwa ta, ne iwannegbe ghẹ gha rre ẹkpo uwa, wa gha re ọkpa vbe iro ne uwa zẹ, kevbe emwi ne uwa họ ne uwa ru.

II Kọrinti 13:11

Banbanna nian, etẹn mwẹ, wa ọ khian ẹdẹ ọkpa. Wa gha ru ẹe ne ọ gba ne uwa, wa gha rhie ẹmwẹ mwẹ ye ehọ wa gie ẹmwẹ uwa gha gue kugbe, wa gha rrọọ vbe uwu ọfumwegbe. Osanobua aho ẹmwẹ ọmwa kevbe ọfumwegbe gha vbe gu uwa gha rrọọ.

Ẹfisọs 4:13

Erriọ, ma hia gha koko gha die a re ọkpa vbe uwu iyayi mwa, kevbe uwu vbene ima rẹn ovbi Osanobua, ma ghi do khian ikpia ni sẹ ihe okpia, ma te do sẹ uyomwẹ uvuọnmwẹ omwa vbe ne Kristi ye.

Ẹfisọs 4:4

Egbe ọkpa ọre ọ rrọọ kevbe Orhiọn ọkpa, zẹ vbe ne a vbe miẹn wẹ, idaehọ ọkpa ọre ọ rrọọ ne Osanobua tie uwa yi.

I Tẹsalonaika 5:13

Wa kakabọ gha ya ọghọ ne iran, deba aho ẹmwẹ ọmwa, rhunmwuda iwinna ne iran winna. Wa vbe gu egbe gha rrọọ vbe ọfumwegbe.

Hibru 12:14

Hia ne u gu emwa hia gha rrọọ vbe ọfumwegbe, kevbe ne u vbe yin uyinmwẹ, ne ọ huanrẹn, rhunmwuda vbe ne ọnii i na rrọọ, orhiọnkpa ne ọ gha sẹtin miẹn Nọyaẹnmwa aro, ẹ i rrọọ.