Ẹfisọs 4:29 - Edo Bible (E Baibol Ẹdo) Version 1996

²⁹ Wa ghẹ gha fi obi unu gie egbe, wa gha ta ẹmwẹ ne ọ yi ọmwa obọ, egbe ne ọ rhie ẹtin ye ọmwa iwu, ọ ghi vbe rhie emwi ne ẹ i te rrọ rre, vbene a gha na miẹn wẹ, ẹmwẹ ne u ye unu ruẹn ta, ghi gha ru ọ maa ne iran ni ya ehọ họn ẹn.

Ẹfisọs 4:29 ပူးပေါင်းရင်းမြစ်များ

Psalm 45:2

Wẹ ọ re ọ ghi mose sẹ vbe uwu avbe ikpia hia ọmwa ne ẹmwẹ ma ẹre unu ọre u khin. Te Osanobua wa fiangbe uẹ vbe ẹghẹ hia.

Psalm 5:9

A i sẹtin mu ẹtin yan ẹmwẹ ne avbe eghian mwẹ ta. Ne a fuẹn emwi ruan ọre iran ho. Ẹmwẹ iran rhiẹnrhiẹn vbe ehọ, ọ vbe rriẹ. Sokpan, iran vuọn ne erẹrẹ ne ọ si uwu.

Psalm 52:2

U zẹ iro vbene u gha mu agbọn rhia ye ẹrrẹe obọ hẹ aranmwẹ ruẹn yevbe abẹe ne ọ mu, ẹghẹ hia ọ re u ya zẹ ohoghe ta.

Psalm 71:24

I gha na iyẹn umamwẹ ruẹn ne ebi ro, rhunmwuda, iran ni te ho ne iran kuan mwẹ, obọ gba iran a keghi fa iran an.

Itan 12:13

Ẹmwẹ ne unu ọmwa dan, ọ re a ya khuẹn ifi mu ẹẹn, sokpan, ọmwa esi ghi gha rhie uhunmwu ẹnrẹn ke ẹbe ladian.

Itan 15:23

U miẹn vbe ọ rhiẹnrhiẹn hẹ a deghẹ a miẹn ẹmwẹ ne ọ guae ro ya gie vbene emwi ye hẹ zẹẹ.

Itan 15:7

Obọ avbe umẹwaẹn ọ re irẹnmwi na vẹ gba ehe hia ighe ẹ i re avbe ọzuọ.

Itan 16:21

Ọmwa ne ọ wan, ne ọ vbe sẹ ekpe, irẹnmwi ọ re a ya rẹn ọnrẹn. Vbene ẹmwẹ ọnrẹn ya rhiẹnrhiẹn, erriọ ọ re ọ ya la ọmwa ehọ.

Asan-Ibo 10:12

Ẹmwẹ ne unu umẹwaẹn, ọ re ọ si ọghọ ne ọ rre ọre egbe, sokpan ẹmwẹ ne unu ọzuọ, ọ re ọ gbe ẹre uhunmwu.

Aizaia 50:4

E Nọyaẹnmwa ne Udazi tama mwẹ ẹmwẹ ne I gha ta nẹ, ne I miẹn ehe na rhie ẹtin ne ne egbe wọre. Owiẹ owiẹ ọ re ọ ya gie ẹe gha bọbọmwẹ egbe ne I họn ẹmwẹ ne ọ gha ma mwẹ re.

Matiu 5:16

Erriọ nọ zẹẹ, wa gie ukpa rua gha ba ẹse vbe odaro agbọn, ne iran miẹn ehe na lekpa uyinmwẹ esi ne uwa yin gha rho erha uwa ne ọ rre ẹrinmwi vbe uyi.

Iyẹn ne ọ Maan Ọghe Luk 4:22

Ẹmwẹ ọnrẹn keghi rhiẹnrhiẹn iran ẹsẹse, unu keghi yan iran ye ẹmwẹ, nọ rhiẹnrhiẹn ne ọ guan, iran wẹẹ “Ọna i re ovbi e Josẹf?”

Iyẹn ne ọ Maan Ọghe Jọn 1:37

Erhuanegbe eva nii ghi họn vbe ọ ta ẹmwẹ na, iran keghi lele Jesu.

Ebe ne Pọl gbẹẹn gie emwa Rom 14:19

Rhunmwuda ọnii nian, wa gie ima gha rhie ekhọe ye ẹmwẹ emwi ne ọ gha rhie ọfumwegbe rre kevbe ne ọ gha rhie ẹtin ye egbe iwu.

Ebe ne Pọl gbẹẹn gie emwa Rom 15:2

Sokpan ọ kere ne dọmwadẹ ọghọe vbe uwu ima gha ru ne ọ yẹ ọtiọnrẹn, ne umamwẹ ọnrẹn, ne a miẹn ehe na gbe ẹre igie vbe uwu iyayi.

I Kọrinti 14:19

Sokpan, a gha ru ugamwẹ, I ta ifiẹmwẹ isẹn ne a rẹn otọ ẹre, ne I miẹn ehe na ma emwa ọvbehe emwi, ọre ọ maa sẹ ne I talọ ẹmwẹ arriaisẹn arriaisẹn vbe urhu ne a ma rẹn.

Ẹfisọs 4:12

Te ọ ru ọna ne ọ miẹn ehe na mu emwa Osanobua egbe ye otọ ye iwinna ugamwẹ enọya Kristi yi, ne a miẹn ehe na de ẹre igie ighẹ ikinnegbe Kristi.

Ẹfisọs 4:16

Vbe ototọ asẹ ọghọe, ọre ina ni rre egbe hia na mama kugbe, vbene iran na vbe gu egbe ro, dọmwadẹ akhuẹn ne a rhie ne iran, keghi de ikinnegbe hia kugbe. Rhunmwuda ọnii a deghẹ dọmwadẹ ọghọe vbe uwu iran ghi winna vbene ọ kere ne ọ gha ru, egbe hia ghi do wan, ọ ghi vbe la ekpa aho ẹmwẹ ọmwa do de igiẹ

Kọlose 4:6

Wa gie ẹmwẹ uwa gha re ne ọ maa kevbe ne ọ rhiẹnrhiẹn vbe ehọ ẹghẹ hia, wa ghi vbe gua ra gha rhie ewanniẹn ne ọ gua ẹe ro ne emwa hia.

I Tẹsalonaika 5:11

Rhunmwuda ọnọna, wa gha rhie ẹtin ye egbe iwu, wa gha ye egbe obọ zẹ vbene uwa wa ruẹe na.

I Pita 2:12

Wa gie uyinmwẹ ne uwa yin maa sẹ rriọ vbe uwu ẹbu avbe eni ma yayi wẹ, iran gha ba uwa ifi ẹzọ wẹ emwi dan ọre uwa ru, iran ghi vbe tobọ iran kha wẹ, wa vbe ru emwi esi, rhunmwuda ọnii, iran ghi rho Osanobua vbe Ẹdẹ ne ọ ra rre.

I Pita 3:1

Erriọ wa vbe nọ zẹẹ, wa ne avbe amwẹ, wa gha gbe uhunmwu ke otọ ne avbe ọdafẹn uwa, vbene a gha na miẹn wẹ, a deghẹ eso vbe uwu iran ma yayi, iran ghi do rhunmwuda uyinmwẹ uwa yayi. Vbe ne uwẹ ighi na vbe ta ifi ẹmwẹ ọkpa.

II Pita 2:18

Iran ghi gha ya unu ta ẹmwẹ itengbemu akpa, iran ghi gha ya emwi orriarria egbe alama, khuẹn ifi munọ avbe emwa ni he da lẹfe hin uwu ẹbu emwa ni rre uwu abakuru rre.