Ẹfisọs 4:2 - Edo Bible (E Baibol Ẹdo) Version 1996

² Wa gha mu egbe rriotọ, wa vbe fu, ne uwa vbe gha mwẹ i ziengbe vbe ẹghẹ hia. Wa gha rhie maa ighẹ wa ho ẹmwẹ egbe, vbe ekpa ne a na ru iyobọ ne egbe.

Ẹfisọs 4:2 ပူးပေါင်းရင်းမြစ်များ

Psalm 138:6

A gha rhe miẹn wẹẹ ehe ne u ye vbe odukhunmwu yo ẹsẹse, te u ye zẹ ye avbe emwa ne a ma rẹn re, iran ni tọn egbe mu i vbe sẹtin lẹre ne uẹn.

Psalm 45:4

Gha hin ẹsin khian vbe ọba ne u ya khọnmiotọ, vbe igbinna oseghe ẹmwata, kevbe uhunmwu ẹmwẹ! Ẹtin ruẹn gha viọ akhọnmiotọ nekhua nuẹn!

Itan 16:19

Ọ maa ne a gha re ọmẹhẹ ne a tọ, sẹẹ ne a gha rre usun iran ni tọn egbe mu ne avbe ghae vbe emwi ne a furu ọghe iran.

Itan 3:34

Ẹ i mwẹ emwi ne ọ ya iran ni ya obọ rra ẹwẹe iran ru, sokpan, ọ wa ru iran ni mu egbe rriotọ ẹse.

Asan-Ibo 7:8

Ufomwẹ emwi ọ re ọ maa sẹ omuhẹn ọnrẹn. Izin egbe ọre ọ maa sẹ itẹngbemu.

Aizaia 57:15

“Mẹ ọrọre Osanobua ne ọ yo kevbe ne ọ kpọlọ ne ọ rrọ ẹdẹdẹmwẹdẹ. Ehe ne ọ yo kevbe ne ọ huanrẹn ọ re imẹ dia, sokpan mẹ vbe di ọghe iran ni mu egbe rriotọ, kevbe ni roiro fi uyinmwẹ werriẹ ya, ne imẹ miẹn ehe na rhie idaehọ kevbe imuẹntiyan ọghe iran werriegbe ye ihe.

Zẹfanaia 2:3

Wa fiwerriẹ bu e Nọyaẹnmwa gha dee, wa hia ni mwẹ amuegberriotọ ni rre otọe na, wa ni vbe ru vbene ọ khare. Wa gha ru vbene ọ kere, ne uwa vbe mu egbe rriotọ vbe odaro e Nọyaẹnmwa, ughaghe, ọ gha la uwa ban ighẹ irrioya nii, vbe ẹdẹ ne Nọyaẹnmwa gha rhie izohu ẹre maa.

Zẹkaraia 9:9

Wa gha ghọghọ, wa gha ghọghọ ivbi e Zaiọn! Wa gha wee ne oghọghọ, wa ne ivbi e Jerusalẹm! Wa ghe ighẹ ọba uwa dee! Ọ dee vbe ọmwa ne ọ ru rho obọ, ọ vbe khọnmiotọ. Sokpan, ọmẹhẹ ne ọ hin ekẹtẹkẹtẹ ne kherhe, ne sọguọsọguọ rẹn khin.

Nọmbas 12:3

(E Mosis keghi re ọmwa ne ọ mu egbe rriotọ sẹ emwa hia ni rre agbọn na.)

Matiu 11:29

Wa rhie urọnghọn mwẹ ye urhu uwa, wa do ruẹ emwi vbe ehe ne I ye rhunmwuda, ọmwa ne ọ fu kevbe ne ọ mu egberriotọ ọre imẹ khin, wa gha miotọ na hẹwẹ.

Iyẹn ne ọ Maan Ọghe Mak 9:19

Jesu khama iran wẹẹ, “Wa izẹdẹ mwẹ iyayi hiehie re! Vbe I a gha kpee sẹ hẹ vbe ehe ne uwa ye? Vbe I a gha mu ẹmwẹ uwa wo egbe kpee sẹ hẹ! Rhie ne ọvbokhan gun mwẹ.”

Iwinna 20:19

Ke ameve kevbe imuegberriotọ ọre I ya winna iwinna mwẹ zẹ vbe ọguọmwadia e Nọyaẹnmwa vbe uwu ọlọghọmwa ne I miẹn vbe ne avbe Ju na gha khuan khẹ mwẹ.

Ebe ne Pọl gbẹẹn gie emwa Rom 15:1

Ọ kere ne ima ne iyayi ẹre wegbe gha kpa iran ni ma wegbe ihẹ. Ọ ma kei ne ima gha ru ne ọ yẹ egbe mwa.

I Kọrinti 13:7

Ẹtin i fo aho ẹmwẹ ọmwa ne ọ zobọ iyayi, idaehọ kevbe i ziengbe ẹre i fi raa.

Galatia 6:2

Wa gha kpa egbe ihẹ, odẹ vberriọ ọre uwa gha ya mu uhi Kristi sẹ.

Ẹfisọs 1:4

Vbe a te do yi agbọn, Osanobua hannọ ima zẹ nẹ ne ima gha re ọghe ẹe vbe uwu Kristi, ne ima sẹtin gha re ne ọ huanrẹn kevbe ne ẹ i mwẹ abe vbe odaro ẹre. Rhunmwuda aho ẹmwẹ ọmwa rẹn.

Kọlose 1:11

Te ẹtin ẹnrẹn hia, ne ọ ke uwu ẹtin uyi ẹre rre, gha ye uwa khian ne ọ wo vbe egbe, ne uwa miẹn ehe na sẹtin ye i ziengbe ye egbe miẹn emwi hia.

I Timoti 6:11

Sokpan wẹ ne ọmwa Osanobua, gha lẹ ne avbe emwi na hia. Gha ziga gualọ ẹmwata, uyinmwẹ ne ọ khẹ ọghe Osanobua, iyayi, aho ẹmwẹ ọmwa, i ziengbe kevbe ufumwẹ.

II Timoti 2:25

Ọmwa ne ọ ya urhu khuẹrhẹ tama ọmwa ne ọ gu ẹe suan, ehe ne ọ na bae ku. Ughaghe Osanobua gha rhie ẹkpotọ ne iran ya fi uyinmwẹ werriẹ, ne iran vbe do rẹn ẹmwata ne ọ rrọọ.

Jems 1:21

Rhunmwuda ọnii nian, wa zobọ vbe avbe uyinmwẹ iruẹn, ne ọ maghan ọmwa kevbe uyinmwẹ dan hia, wa zẹ egbe obọ ne Osanobua, ne uwa vbe rhan obọ miẹn ẹmwẹ ne ọ kọ ye uwa ekhọe, ne ọ gha sẹtin miẹn uwa fan.

I Pita 3:15

Sokpan, wa gha ya ọghọ ne Kristi vbe uwu ekhọe uwa, ne uwa vbe ya ẹe ru Nọyan uwa. Mu egbe vbe ẹghẹ hia ne u ya rhie ewanniẹn ne ọmwa ne ọ rhirhi nọ ruẹn, wẹ ne u rhan otọ idaehọ ne u mwẹ.

I Pita 3:8

Ne I ya fian ẹre ifi: wa gie vbene uwa ziro kevbe vbene emwi ye vbe ekhọe uwa, gha ya kugbe. Wa gha ho ẹmwẹ egbe, zẹ vbe etentẹn ne ikpia. Wa gha mwẹ itohan ghe egbe, ne uwa vbe gha mu egbe rri otọ ne egbe.