Ẹfisọs 4:17 - Edo Bible (E Baibol Ẹdo) Version 1996

¹⁷ Rhunmwuda ọnii, eni Nọyaẹnmwa ọre I ya ta ẹmwẹ na, te I wa vbe tua unu muẹn wẹ, wa ghẹ gha ru vbene avbe iran ne enigẹbọ ru, emwa ne iziro ekhọe iran i mwẹ esa ne ọ ye.

Ẹfisọs 4:17 ပူးပေါင်းရင်းမြစ်များ

Nehimaia 13:15

Vbe ẹghẹ nii, I keghi miẹn emwa Juda vbe iran minọ alimo vbe Ẹdẹ Ikẹtin. Eso ọvbehe kegha kun ihẹ ọka, ayọn alimo, ọmọ ohọ kevbe ọvbehe yan ekẹtẹkẹtẹ iran ne iran viọ rrie Jerusalẹm. I keghi ya obọ sekhae ne iran wẹ ne iran ghẹ khiẹn emwi vbe Ẹdẹ Ikẹtin.

Jerimaia 42:19

Ọre I na rhie te ẹe wẹẹ, “E Nọyaẹnmwa tama uwa na ne ọ ghi kẹe vbe Juda wẹ ne uwa ghẹ dọlegbe gha rrie Igipt. Rhunmwuda ọnii nian, I tama uwa yotọ nẹ o.

Levitikọs 15:18

Ọmwa gha gu okhuo ru emwi nẹ, ke irẹn kevbe nene okhuo ghi ya khuẹ, iran ghi gha re ne awua gue yasẹ ota.

Iyẹn ne ọ Maan Ọghe Luk 16:28

I mwẹ etẹn ikpia isẹn, ne ọ wa yan ma iran ne iran ghẹ vbe gha di uwu obalọ na.’

Iwinna 14:15

“Iho mwa, vbọzẹ ne uwa na ru emwi na yi? Emwa kẹkan vbe ne uwa ye ọre ima vbe khin. Iyẹn Ne ọ maa ọre ima rre do kpe orhu ẹre vbe edinran, ne a miẹn ehe na fi uwa ekhọe werriẹ hin emwi akuọkan na rre ghe Osanobua ne ọ rrọọ, ọmwa ne ọ yi ẹrinmwi kevbe agbọn kevbe okun kevbe emwi hia ni rre uwu iran.

Iwinna 18:5

Ugbẹn vbe Sailas kevbe Timoti ghi ke Masidonia rre, Pọl keghi wa ya ẹghẹ ọre hia gha kpe orhu iyẹn ne ọ maa, ọ na gha tama avbe Ju wẹ Jesu ọrọre Mẹzaia.

Iwinna 2:40

Pita keghi kakabọ gu iran guan, ọ keghi ya ẹmwẹ ni bun bu iran ude wẹẹ, ne iran rhie uhunmwu iran lẹre hin ikhi ne a ra do rria emwa dan na re.

Iwinna 20:21

Iran ne Ju kevbe iran ne ẹ i re Ju, te I si agbada vbe unu ya tama emwa hia wẹẹ ne iran zobọ vbe orukhọ, ne iran bu Osanobua gha dee kevbe ne iran ya Nọyaẹnmwa Jesu yi.

Ebe ne Pọl gbẹẹn gie emwa Rom 1:21

Iran rẹn Osanobua, sokpan iran ma rhie uyi ne ọ khẹ kẹe nẹẹn, debare, iran ma kpọnmwẹ ọẹn. Ne iran gha na te ru vberriọ, ekhọe iran keghi do khian emwi oya fẹẹrẹ.

I Kọrinti 1:12

Gu mwẹ wa tae vbe nian wẹ ẹmwẹ ughughan wa hia ta. Orhiọnkpa ghi wẹ, “Otu e Pọl mẹ ye,” ọmwa ọvbehe ghi vbe wẹẹ, “Otu Apọlọs mẹ ye.” Eso ghi vbe wẹ, “Otu e Pita mẹ ye,” eso ghi vbe wẹ, “Otu e Kristi mẹ ye.”

I Kọrinti 15:50

Emwi ne I yae kha ọre ọna khin etẹn mwẹ, wẹ emwi ne a ya efun kevbe esagiẹn ma, i sẹtin mwẹ oghae vbe Arriọba Osanobua, erriọ vbe nọ, emwi ne ọ re ne ọ sẹtin wu i sẹtin ya a i wu ẹde khian ọghọe.

II Kọrinti 9:6

Wa yerre ọmwa ne ọ ye emwiokọ ni bun kọ, ni bun ọre ọ ra vbe rhọ, ọmwa ne ọ ye emwiokọ ne kherhe kọ, emwiokọ kherhe ọre ọ ra vbe rhọ.

Galatia 3:17

Emwi ne I kha ọre ọna khin: Osanobua ta ile, ọ keghi vbe yan ighẹ rẹn gha muẹn sẹ. Nene Uhi ne ọ do rre vbe ukpo ọgban ọya yan uri eva (430) gberra nẹ, ẹ i sẹtin rhie obọ rra ile ni ne ọ vbe khiẹn ẹnrẹn uan ighẹ emwi ne Osanobua ve.

Galatia 5:3

I ho ne I tua unu mu ẹmwẹ na, ne I vbe dọlegbe ta ẹe ma ọmwa ne ọ kue ne a rhuẹ ọre, te ọ khẹ ke ẹe ne ọ wa gha ru emwi hia ne nene Uhi khare.

Ẹfisọs 1:22

Osanobua keghi viọ emwi hia ye ototọ owẹ Kristi, ọ keghi vbe rhie ẹre ne esọsi zẹ vbe Ogie nọkhua nọyan emwi hia.

Ẹfisọs 4:22

Rhunmwuda ọnii wa muẹn fua ighẹ emwi ne uwa guẹe nẹdẹ, ne ọ ye uwa gha ru emwi ne uwa te ka ru nẹdẹ nii, ne emwi erẹrẹ ne ọ ho te ya rrie.

Diuteronomi 27:10

rhunmwuda ọnii, wa gha họn ẹmwẹ ne ẹẹn, ne uwa vbe gha rhie avbe uhi hia ne I viọ ne uwa ẹrẹna mwẹ.”

Kọlose 2:18

Ghẹ gie ọmwaikọmwa ne ọ wẹ irẹn sẹ ruẹ, rhunmwuda ighẹ rẹn miẹn umian suẹ gọọ, ne ọ gba ẹmwẹ imuegberriotọ ọghe abawẹ mu unu, deba avbe odibosa ne a ghoo. Egbe ọre ọ mu emwa vberriọ, vbe. ne ẹ i na vbe mwẹ emwi ne ọ si ẹe, rhunmwuda, erriọ iro ekhọe ẹre la ghe, zẹ vbe ọmwa kẹkan.

Kọlose 2:4

Rhunmwuda ọnii, I tama uwa khekherriọ, wa ghẹ gie ọmwaikọmwa do ya gbe agbanmwẹ ohoghe rhọkpa do uwa ọzuọ, vbene ọ khọn rẹn wẹ ne iran rhiẹnrhiẹn sẹ.

I Tẹsalonaika 4:6

Vbe uwu emwi na, ọ ma kei ne ọmwaikọmwa gha ho ọtẹn ọnrẹn ẹmwẹ, ra ne ọ gha gbe ẹe miẹn ẹre emwi ẹnrẹn. Ma ka ta ẹmwẹ na ma uwa yi, ma na kakabọ ta ẹe ma uwa nian, Nọyaẹnmwa gha rri iran ni ru emwi vberriọ oya.

I Timoti 5:21

Vbe sirra Osanobua kevbe Kristi Jesu, kevbe avbe odibo Osa ni huranrẹn, I ya imuegberriotọ tama ruẹn, ne u gha ye avbe ẹmwẹ na ru emwi vbe ne a i na zẹ ọmwa ẹkpe, ra ne a gha ghe ọmwaikọmwa ikpanro vbe uwu emwi ne u ru hia.

I Timoti 6:13

Vbe odaro Osanobua ne ọ rhie arrọọ ne emwi hia, kevbe odaro Kristi Jesu, ọmwa ne ọ vbe miẹn iyayi ẹre kue gbangbaangban vbe odaro Pọntiọs Pailet, te I yi iyi nuẹn.

II Timoti 4:1

I ye ọghọ vbe ute tama ruẹn, vbe odaro Osanobua kevbe Kristi Jesu, Ọmwa ne ọ ra bu ohiẹn emwa ni rre agbọn kevbe ni wulo nẹ, rhunmwuda urremwẹ ọnrẹn kevbe Arriọba ẹre, I yi ẹre iyi nuẹn.

I Pita 1:18

Rhunmwuda wa rẹn osa ne a hae ya dẹ uwa hin obọ ẹre rre ighẹ uyinmwẹ ne ẹ i mwẹ ere, ne uwa miẹn vbe obọ avbe erha uwa odede. Ẹ i re avbe emi ne ọ fafaa, vbe ne avbe igoru vbe esiliva ye.

II Pita 2:18

Iran ghi gha ya unu ta ẹmwẹ itengbemu akpa, iran ghi gha ya emwi orriarria egbe alama, khuẹn ifi munọ avbe emwa ni he da lẹfe hin uwu ẹbu emwa ni rre uwu abakuru rre.