Ẹfisọs 4:15 - Edo Bible (E Baibol Ẹdo) Version 1996

¹⁵ Sokpan ọ kere ne ima gha la odẹ hia wan bu vbene ọ khin ighẹ Kristi, ne ọ re ọdia ọghe ehia vbe ekpa ne ima gha na gha ya orhiọn aho ẹmwẹ ọmwa ta ẹmwata.

Ẹfisọs 4:15 ပူးပေါင်းရင်းမြစ်များ

Psalm 32:2

Afiangbe nọ ne ọmwa ne Nọyaẹnmwa ma ka abakuru ye ọre owẹ. Kevbe ne ẹi mwẹ erẹrẹ hiehiere.

Zẹkaraia 8:16

Emwi ne uwa gha ru ọre ọna khin: Wa gha ta ẹmwata ma egbe. Wa gha bu ohiẹn ẹmwata vbe iko, egbe ne ọ rhie ọfurre ye ẹvbo.

Malakai 4:2

Wa ghi gha re ne ẹ i mwẹ idobo, ẹko ghi vbe gha sẹ uwa ọyẹnmwẹ zẹ vbe ivbi ẹmila ne a viọ ke uwu ogba ladian.

Iyẹn ne ọ Maan Ọghe Jọn 1:47

Ugbẹn vbe Jesu ghi bẹghe Nataniẹl Vbe ọ bu ẹre dee, ọ wẹẹ, “Ghe Ovbi Izrẹl vbe ẹmwata, ẹko ne ero i ye.”

Ebe ne Pọl gbẹẹn gie emwa Rom 12:9

Wa gie aho ẹmwẹ ọmwa gha re ne ọ sẹ otọ ẹko. Ghẹ gha ma ẹko emwi dan. De obọ mu emwi esi.

I Kọrinti 11:3

Sokpan I ho ne uwa rẹn wẹ, Kristi kpọlọ sẹ emwa hia fẹẹrẹ, ọdọ ọre ọ kpọlọ sẹ amwẹ ọnrẹn, Osanobua keghi vbe sẹ Kristi.

II Kọrinti 4:2

Ma ghi ban emwi ẹkhokho kevbe emwi ekhue hia ye efẹn ọkpa, ma i ya erẹrẹ ru emwi, ra ne a gha ya ẹmwẹ Osanobua khian ohoghe. Vbe uwu uwanmwẹ ne ọwa mu otọ fo ọghe ẹmwata, ma ghi gha yin vbe odaro Osanobua, ma ghi gha hia ne a rhie egbe mwa ye egbe ihe ne ekhọe emwa hia gha na gha ta ẹmwẹ ima ne ọ maa.

II Kọrinti 8:8

Ẹ i re te I vinnọ uhi ye otọ, sokpan, I gha ta vbene emwa ọvbehe gbe igiangian ye ẹmwẹ iyobọ ne a ru hẹ, te I ho ne I rẹn vbene aho ẹmwẹ ọmwa uwa re ọghe ẹmwata hẹẹ.

Ẹfisọs 1:22

Osanobua keghi viọ emwi hia ye ototọ owẹ Kristi, ọ keghi vbe rhie ẹre ne esọsi zẹ vbe Ogie nọkhua nọyan emwi hia.

Ẹfisọs 1:4

Vbe a te do yi agbọn, Osanobua hannọ ima zẹ nẹ ne ima gha re ọghe ẹe vbe uwu Kristi, ne ima sẹtin gha re ne ọ huanrẹn kevbe ne ẹ i mwẹ abe vbe odaro ẹre. Rhunmwuda aho ẹmwẹ ọmwa rẹn.

Ẹfisọs 2:21

Rẹn ọrọre ọmwa ne ọ de owa ni hia kugbe, ọ na gi ẹe wan do khian Ọgua Osa ne ọ huanrẹn vbe uwu Nọyaẹnmwa.

Ẹfisọs 4:25

Rhunmwuda ọnii nian, ohoghe ne a ta i ghi rrọọ, dọmwadẹ ọghọe ghi gha ta ẹmwata ma ọtiọnrẹn, rhunmwuda otu ọkpa ma hia koko khin vbe uwu egbe Kristi.

Ẹfisọs 5:23

Ọdọ mwẹ ẹtin vbe uhunmwu amwẹ ọnrẹn, zẹ vbene Kristi mwẹ ẹtin vbe uhunmwu esọsi, Kristi tobọ ẹre ọrọre Ọmiọnmwafan esọsi ne ọre egbe ẹre.

I Pita 1:22

Vbene uwa ghi na la ekpa ne uwa na ru vbene ẹmwata khare, ye egbe uwa khian ne ọ huanrẹn nẹ nian, ne uwa na vbe mwẹ aho ẹmwẹ ọmwa ẹmwata ghe emwa iyayi ne iho uwa, wa gha ya ekhọe uwa hia ho ẹmwẹ egbe uwa ẹsẹse.

I Pita 2:2

Wa gha ye vbe emobọ nodẹ, ohanmwẹ ẹwẹn ẹmwẹ ẹmwata ọghe orhiọn ghi gha gbe uwa ẹghẹ hia, wẹ, wa ghẹ ghi gha wẹn ọẹn, wa ghi do wan, a ghi miẹn uwa fan.

II Pita 3:18

Sokpan, wa gha wan yọ vbe uwu ẹsọhẹ kevbe irẹnmwi Nọyaẹnmwa kevbe Ọmiọnmwafan mwa Jesu Kristi. Ọghọe ọre uyi gha khin, banbanna kevbe ẹdẹdẹmwẹdẹ. Isẹ.

I Jọn 3:18

Ivbi mwẹ, ọma kei ne aho ẹmwẹ ọmwa ima gha re ọghe ẹmwẹ unu kevbe etalọ, ọ kere ne ọ gha re aho ẹmwẹ ọmwa ẹmwata, ne a la ekpa uyinmwẹ rẹn.

Giọgis 16:15

Rhunmwuda ọnii rẹn tama rẹn wẹẹ, “Vbe u a na kha hẹ yi wẹ u ho ẹmwẹ mwẹ vbe ne ọ ma na zẹdẹ sẹ uẹ otọ ẹko. Igba eha ọ re u he ya mwẹ gbe ogiẹ vbe ne u i na ta ma mwẹ emwi ne ọ sii ẹe ne u na wegbe sẹrriọ.”