Ẹfisọs 4:14 - Edo Bible (E Baibol Ẹdo) Version 1996

¹⁴ Ẹghẹ nii, ma i ghi ra gha re emọ obọ ne ulẹmwẹ ẹzẹ mu yo mu rre, kevbe ne ẹhoho ẹziza, ọghe iruẹmwi emwa erẹrẹ, bi yo bi rre, emwa ni ya ero ne ọ ke ẹko iran zọ rre de emwa ọvbehe odẹ.

Ẹfisọs 4:14 ပူးပေါင်းရင်းမြစ်များ

Psalm 10:9

Ọ ghi rhuẹ ye ehe ne ọ lẹre yi zẹ vbe oduma, Ọ ghi lẹre khẹ ovbiogue. Ọ gha ghi ya ifi ẹre munọ iran nẹ, ọ ghi silo iran gha rriẹ.

Psalm 59:3

Ghe! Iran ghae ye odẹ ne iran gbe mwẹ uan. Avbe emwa dan gha si uma ga mwẹ, ẹ i re rhunmwuda orukhọ, ra abakuru ne I ru.

Aizaia 28:9

Iran hia gui ẹzọ mwẹ khian. Iran wẹẹ, “De ọmwa ne oko ni ro ighe rẹn ma ẹre emwi yi? De ọmwa ne ọ mwẹ emwi ne ọ ya uhunmwu ne ọ gie ru yi? Emọ ni da fian ewẹn ọkpa ọ re ọ gha mwẹ emwi ne ọ gha yae ru.

Maika 7:2

Ọmwa ẹmwata ọkpa ma ghi ke ẹe vbe otọe nii, ne ọ ye ekhọe ga Osanobua i ghi rrọ. Dọmwadẹ ọghe ọe wa gualọ ehe ne ọ gha na de izigha. Dọmwadẹ ọghe ọe wa ru ohuẹ ovbi ẹvbo ẹre.

Matiu 11:7

Erhuanegbe Jọn ghi kpao nẹ, Jesu keghi suẹn gha ta ẹmwẹ Jọn ma iran ni gbe ẹbu ye ehe ne ọ ye wẹẹ, “Ẹghẹ ne uwa na bu Jọn gha rrie uwu ato, de egbe ọmwa ne uwa te ro ighe ọ khin? Ebe erhan ne ẹhoho biyo birre?

Matiu 24:11

Ẹghẹ ni ọre akhasẹ ohoghe ni bun gha na ladian, iran ghi vbe rẹrẹ ọkhọngborrie re.

Matiu 24:24

Rhunmwuda, avbe akhasẹ kevbe Mẹzaia ohoghe gha rre. Iran gha winna iwinna ama kevbe iwinna ọyunnuan ni bun ne iran ya rẹrẹ emwa ne Osanobua hannọ zẹ re deghẹ ẹtin iran sọe.

Iwinna 23:21

Sokpan ghẹ zẹ ye iran ẹre rhunmwuda ọ yan arhin iyeva ni lẹre khẹ ọre vbe odẹ. Iran hia vẹn ihẹn nẹ wẹ iran i ra re, iran i ra da rhinrin iran te do gbe ẹe rua. Iran wa mu egbe ne iran gha ya ru vberriọ nian, vbe ne uwẹ kha hẹ ọre iran ghi mudia khẹ.”

I Kọrinti 12:2

Wa rẹnrẹn wẹ, ẹghẹ ne uwa na gha re emwa ni ga ẹbọ kẹkan, avbe amazẹ ọre ọ gha ye uwa ru enegbe iran, iran na vbe gha ye uwa ba odẹ ku vbe ẹghẹ hia.

I Kọrinti 14:20

Wa ghẹ gha yevbe ibiẹka vbe emwi ne uwa ro etẹn mwẹ, wa gha re ibiẹka vbe emwi dan ne a ru sokpan eniwanrẹn vbe iro ne a roro.

I Kọrinti 3:19

Rhunmwuda, emwi ne emwa ne agbọn tie ẹre emwi ẹwaẹn, ukọnmwẹ nọ vbe aro Osanobua. Zẹ vbene ebe ta ẹe, “Uwu iguemwi ne iran gu ẹe, ọre Osanobua na khuẹn ifi mu avbe umẹwaẹn.”

II Kọrinti 2:17

Ma i ye vbe emwa ọvbehe ne ọ ye obọ mu ẹmwẹ Osanobua vbene a miẹn wẹ emwi ne ọ ro puẹkẹ nọ, sokpan rhunmwuda wẹ Osanobua gie ima nẹ, ma kegha ye ẹkoata ta ẹe vbe odaro ẹre zẹ vbe eguọmwadia Kristi.

II Kọrinti 4:2

Ma ghi ban emwi ẹkhokho kevbe emwi ekhue hia ye efẹn ọkpa, ma i ya erẹrẹ ru emwi, ra ne a gha ya ẹmwẹ Osanobua khian ohoghe. Vbe uwu uwanmwẹ ne ọwa mu otọ fo ọghe ẹmwata, ma ghi gha yin vbe odaro Osanobua, ma ghi gha hia ne a rhie egbe mwa ye egbe ihe ne ekhọe emwa hia gha na gha ta ẹmwẹ ima ne ọ maa.

Galatia 3:1

Wa ne emwa Galatia ne akpa. Gha ọ ruan uwa yi? Vbe odaro uwa zẹ, wa miẹn vbene a wa gie ẹre hẹ ighẹ uwu ne Jesu Kristi wu vbe uhunmwu ugbugbe!

Ẹfisọs 6:11

Viọ emwi igbinna okuo ne Osanobua hẹ nuẹn hia ye egbe, ne egbe ruẹ miẹn ehe na rrọọ emwi ero ne Esu ru.

I Timoti 3:6

Ọ ma kei ne ọ gha re ọmwa ne ọ da yayi, ne a ghẹ miẹn ighẹ te ọ ghi tọn egbe mu, a ghi ya bu abe gbe ẹe zẹ vbene ọghe Esu gha ye.

II Timoti 1:15

Deghẹ u rẹnrẹn ighẹ emwa hia ni rre ikinkin Esia lẹ sẹ mwẹ rae nẹ, uwu iran ọre ọ ye ighẹ Figelus kevbe Hẹmogẹnẹs.

II Timoti 3:13

Sokpan avbe emwa dan kevbe ayunukpaegbe ghi gha rhia yọ rhia yọ, iran ghi gha mu emwa ọvbehe rẹrẹ, a ghi vbe gha mu iran tobọ iran rẹrẹ.

II Timoti 4:3

Rhunmwuda ẹghẹ dee ne emwa i gha ra na danmwehọ iruẹmwi ẹmwata, sokpan iran ghi lele ne ọ khọn iran, iran ghi silo avbe emamwaemwi gboo ne egbe iran, ne iran gha ta egbe ẹmwẹ ne ohanmwẹ ọnrẹn gbe iran ma iran.

Hibru 13:9

Wa ghẹ gie iruẹmwi ughughan ne a ma he ka rẹn, bi uwa hin urodẹ ẹmwata rre. Ọ kere ne a ya ẹsọhẹ Osanobua ye orhiọn ima khian ni wo vbe egbe, i ghẹ ẹ i re a ru emwi ne uhi kha re vbe ekpa evbare, iran ni ka ru vbene avbe uhi nii khare yi, ma miẹn emwi ọkpa ne iran miẹn vbọ.

Jems 1:6

Sokpan, u gha na erhunmwu, u ghi yayi vbe ne a i na ba iro eva hiehiere, rhunmwuda, ọmwa ne ọ ba iro eva, te ọ yevbe ihu okun ne ẹhoho mu yo mu rre.

Jems 3:4

Wa vbe ghe okọ ne khua, ghe vbene ọ digba sẹ nii, kevbe ne ẹhoho ne ọ bi ẹe khian a yan wo vbe egbe sẹ, emwi ne a ya dia okọ ye odẹ ne kherhe nii, ọre a ya dia ẹre, ọ ghi vbe gha rrie ehe ne oziguẹ ho ne ọ gha rrie.

II Pita 2:18

Iran ghi gha ya unu ta ẹmwẹ itengbemu akpa, iran ghi gha ya emwi orriarria egbe alama, khuẹn ifi munọ avbe emwa ni he da lẹfe hin uwu ẹbu emwa ni rre uwu abakuru rre.

I Jọn 2:19

Vbe ẹmwata, ẹ i re otu ima iran na ye o, ọ ni ọ si ẹe ne iran na kpao sẹ ima rae, akpawẹ otu ima iran ye, te iran gha gu ima tota. Sokpan iran kpao sẹ mwa rae, ne aro miẹn ehe na dae wẹ, ẹ i re otu mwa iran ye.

I Jọn 2:26

I gbẹn ebe na gie uwa vbe ekpa iran ni ho ne iran gha mu uwa rẹrẹ.

I Jọn 4:1

Wa ne ọse mwẹ ni ghaan, wa ghẹ gha ya iran hia ni kha ighẹ iran mwẹ nene Orhiọn yi, sokpan wa ghi ka danmwẹ ọẹn ghe nẹ ne uwa miẹn ehe na rẹn a deghẹ obọ Osanobua ọre nene orhiọn ne iran mwẹ ke rre. Rhunmwuda avbe akhasẹ ohoghe ni bun wa vẹ gba ehe hia.

Ebe ne Jud gbẹẹn 1:12

Iran ye vbe ehe ne ọ gbe iruẹn vbe ehe ne ima na rri evbare ivbiotu mwa, rhunmwuda evbare ọzuọ ọghe ifaegbe ua, iran. Ẹgẹn iran ọkpa ọre iran gua yi. Iran ye vbe ubimwẹ amẹ ne ẹhoho mu khian, amẹ ọnrẹn i rhọ. Iran yevbe erhan ne ẹ i mọ, ọ gha khọn rẹn ne ọ gha re ẹghẹ orhọ, erhan ne a vu ẹre uhe mu fua nẹ, ne ọ wa wu fẹẹrẹ.

Arhie Maan 19:20

A keghi mu aranmwẹ oha nii oghunmwu ke ẹe kevbe akhasẹ ohoghe nii ne ọ winna iwinna ọyunnuan vbe odaro ẹre. (Ama ọyunnuan nii ọre ọ ya rẹrẹ iran re ighẹ iran ni vin ama aranmwẹ oha ni ye egbe, ne iran na vbe gha ye uhunmwu rhanmwẹ otọ ne amazẹ ọre.) Aranmwẹ oha nii ke ẹe kevbe akhasẹ ohoghe nii, a keghi munọ iran ke ẹmwẹ ne unu fi lo ku uwu odighi erhẹn ne ọ giẹn emwi ne ọ ye vbe ugbofi ladian.