Ẹfisọs 4:12 - Edo Bible (E Baibol Ẹdo) Version 1996

¹² Te ọ ru ọna ne ọ miẹn ehe na mu emwa Osanobua egbe ye otọ ye iwinna ugamwẹ enọya Kristi yi, ne a miẹn ehe na de ẹre igie ighẹ ikinnegbe Kristi.

Ẹfisọs 4:12 ပူးပေါင်းရင်းမြစ်များ

Iyẹn ne ọ Maan Ọghe Luk 22:32

Sokpan mẹ na erhunmwu nuẹn nẹ Saimọn ne iyayi ruẹ ghẹ i fira, u gha ghi hinmwian bu mwẹ rre nẹ, u ghi rhie ẹtin ye avbe etuẹn iwu.”

Iwinna 1:17

Ọkpa vbe uwu ima ọre Judas te gha khin, rhunmwuda a te zẹ ọe ne ọ deba ima gha winna.”

Iwinna 1:25

Ne ọ mudia vbe uwu iwinna ukọ na, ye ihe ne Judas sẹrae gha rrie ehe ne ọre ọghọe.”

Iwinna 11:23

U gbẹn vbe ọ ghi sẹ evba, ọ keghi miẹn vbene Nọyaẹnmwa fiangbe emwa nii hẹ, ẹko keghi rhiẹnrhiẹn ọẹn ẹsẹse, ọ keghi bu iran ude wẹ ne iran ya ekhọe iran hia mu ẹtin yan Nọyaẹnmwa ne iran vbe gha ga ẹe.

Iwinna 20:24

Sokpan mẹ wa ka uhunmwu mwẹ ye ne ẹ i mwẹ esa, ne I miẹn ehe na khain okhian ne ọ wa mẹ sẹ otọ, ne I vbe winnaẹn fo ighẹ iwinna ne Nọyaẹnmwa Jesu wa mẹ ne I ru, ọnii nọ wẹ ne I ya wewe Iyẹn Ne ọ maa ọghe Ẹsọhẹ Osanobua.

Iwinna 20:28

Wa gha gbe aro ghe egbe uwa kevbe ohuan hia ne Orhiọn Ne Ọ Huanrẹn viọ ne uwa gha su, wa gha re ọsuohuan esọsi Osanobua ne ọ ya uwu Ovbi ẹre ya khian oghẹ ẹe.

Iwinna 9:31

Ẹghẹ nii ọre egbe ghi na do rọkhọ esọsi ni rre Judia hia, kevbe Galili kevbe ni rre Sameria. Ọ kegha de igiẹ, ọ na gha muan yọ vbe ekpa iyobọ Orhiọn Ne Ọ Huanrẹn, ọ kegha rrọọ vbene ọ na ye uyinmwẹ ọnrẹn ya ọghọ ne Nọyaẹnmwa.

Ebe ne Pọl gbẹẹn gie emwa Rom 12:5

Erriọ vbe nọ zẹ, ma gha rhe bun, egbe ọkpa ne a kugbe ba Kristi ma khin, a keghi vbe ku ima kugbe ye ọkpa, zẹ vbene dọmwadẹ ina ni rre egbe ye.

Ebe ne Pọl gbẹẹn gie emwa Rom 12:7

A deghẹ ne a gha ga emwa ọvbehe nọ, wa gie a gha ga emwa ọvbehe, deghẹ ne a gha ma emwa emwi nọ, gia gha ma emwa emwi.

Ebe ne Pọl gbẹẹn gie emwa Rom 14:19

Rhunmwuda ọnii nian, wa gie ima gha rhie ekhọe ye ẹmwẹ emwi ne ọ gha rhie ọfumwegbe rre kevbe ne ọ gha rhie ẹtin ye egbe iwu.

Ebe ne Pọl gbẹẹn gie emwa Rom 15:14

Etẹn mwẹ, mẹ rẹnrẹn wẹ te emwi ni maa hia wa gba uwa obọ, kevbe wẹ wa rẹn emwi ẹsẹse, ighẹ wa gha sẹtin gha ma egbe uwa emwi.

Ebe ne Pọl gbẹẹn gie emwa Rom 15:2

Sokpan ọ kere ne dọmwadẹ ọghọe vbe uwu ima gha ru ne ọ yẹ ọtiọnrẹn, ne umamwẹ ọnrẹn, ne a miẹn ehe na gbe ẹre igie vbe uwu iyayi.

Ebe ne Pọl gbẹẹn gie emwa Rom 15:29

I gha rre, I rẹnrẹn ighẹ ke imẹ kevbe afiangbe ne ọ gbae ọghe Kristi ọre ọ gba dee.

I Kọrinti 12:27

Rhunmwuda ọnii, egbe Kristi ọre uwa hia khin, orhiọn ọkpọkpa keghi vbe re efẹn ọkpa vbọ.

I Kọrinti 12:7

A ghi gie Orhiọn nii gha zẹ edunna ladian vbe egbe emwa eso, ne ẹwerẹ emwa hia.

I Kọrinti 14:12

Sokpan, vbene ẹmwẹ avbe emwi ne Orhiọn Osanobua ya we ọmwa ghi na bọbọ uwa egbe, wa ghi gie a miẹn ke odaro emwi hia wẹ ne ọ gha ru iyobọ ne esọsi ọre uwa mobọ lo sẹ vbọ.

I Kọrinti 14:14

Rhunmwuda, a deghẹ te I mẹ na erhunmwu vberriọ, vbe ẹmwata, orhiọn mwẹ na erhunmwu sokpan ekhọe mwẹ ma lele ẹe.

I Kọrinti 14:26

Wa rẹn emwi ne I kha na ra etẹn mwẹ. Wa gha si koko ne a do ru ugamwẹ, orhiọnkpa mwẹ ihuan ne a gha so, ọmwa ọvbehe, emwi ne a ma emwa ẹre, ọmwa ọvbehe, emwi ne Osanobua ta ma rẹn. Ọmwa ọvbehe, ikporhu vbe ẹvbo ne a ma rẹn kevbe ọmwa ọvbehe, emwi ne a ya ẹmwẹ ni kha. Emwi hia ghi gha re ne ọ ya ọmwa ne ọ yo esọsi obọ.

II Kọrinti 12:19

Ọ gha kẹe nian, te uwa ro ighẹ te ima ho ne a gui fan egbe mwa ye otọ vbe obọ uwa. Hiehiere. Vbene Kristi ho ne ima guan ọre ima guan na, vbe odaro Osanobua, emwi hia ne I a rhirhi ru, iho mwa, te ima ru ẹe ne a ya ye uwa obọ.

II Kọrinti 13:11

Banbanna nian, etẹn mwẹ, wa ọ khian ẹdẹ ọkpa. Wa gha ru ẹe ne ọ gba ne uwa, wa gha rhie ẹmwẹ mwẹ ye ehọ wa gie ẹmwẹ uwa gha gue kugbe, wa gha rrọọ vbe uwu ọfumwegbe. Osanobua aho ẹmwẹ ọmwa kevbe ọfumwegbe gha vbe gu uwa gha rrọọ.

II Kọrinti 13:9

Te ima ghọghọ vbe a gha miẹn wẹ, wa wo vbe egbe vbe ima ma wo vbe egbe. Erriọ ọre ima vbe na erhunmwu ẹnrẹn wẹ, ne uwa do gha re ne ọ gba na.

II Kọrinti 3:8

inu inu ọre uyi ne ọre ọghe ugamwẹ Orhiọn gha ya kpọlọ sẹẹ!

II Kọrinti 4:1

Te Osanobua, vbe uwu itohan rẹn wa iwinna na ne ima, rhunmwuda ọnii, ẹtin i fo mwa.

II Kọrinti 5:18

Osanobua ọre ọ ru emwi na hia, rẹn ne ọ la ekpa Kristi fi ima werriẹ hin eghian rẹn ne, do khian esiọre, ọ na ghi vbe waa iwinna ne ima, ne a vbe ya gha ye emwa ọvbehe khian esiọre.

II Kọrinti 6:3

Ma ma ho ne ọmwaikọmwa do gha zan iwinna mwa, rhunmwuda ọnii, ma i vbe mu idobo ye ọmwarhọkpa egbe.

II Kọrinti 7:1

Emwi na hia ọre a ve ima ẹre, wa ne ọse mwẹ ni ghan. Rhunmwuda ọnii, wa gie ima khuẹ egbe mwa huan hin emwi ne ọ sẹtin ye egbe ra orhiọn khian ne ọ ma huan, wa gie ima hia ne ima gha re ne ọ huanrẹn fẹẹrẹ, vbe ekpa ne ima gha na gha rrọọ vbe a mu ohan Osanobua.

Ẹfisọs 1:23

Egbe Kristi ọre esọsi khin, ne ọ re ne a ya gbe vuọn rẹn nii, ne ọ re ne a ya gbe vuọn emwi hia vbe ehe hia.

Ẹfisọs 4:16

Vbe ototọ asẹ ọghọe, ọre ina ni rre egbe hia na mama kugbe, vbene iran na vbe gu egbe ro, dọmwadẹ akhuẹn ne a rhie ne iran, keghi de ikinnegbe hia kugbe. Rhunmwuda ọnii a deghẹ dọmwadẹ ọghọe vbe uwu iran ghi winna vbene ọ kere ne ọ gha ru, egbe hia ghi do wan, ọ ghi vbe la ekpa aho ẹmwẹ ọmwa do de igiẹ

Ẹfisọs 4:29

Wa ghẹ gha fi obi unu gie egbe, wa gha ta ẹmwẹ ne ọ yi ọmwa obọ, egbe ne ọ rhie ẹtin ye ọmwa iwu, ọ ghi vbe rhie emwi ne ẹ i te rrọ rre, vbene a gha na miẹn wẹ, ẹmwẹ ne u ye unu ruẹn ta, ghi gha ru ọ maa ne iran ni ya ehọ họn ẹn.

Ẹfisọs 4:4

Egbe ọkpa ọre ọ rrọọ kevbe Orhiọn ọkpa, zẹ vbe ne a vbe miẹn wẹ, idaehọ ọkpa ọre ọ rrọọ ne Osanobua tie uwa yi.

Kọlose 1:24

Banbanna nian, ọyẹnmwẹ wa sẹ mwẹ rhunmwuda oya ne I re ne uwa. Rhunmwuda, vbe ekpa oya ne I re vbe ikinnegbe na, te I ghi do gbe vuọn rẹn ne ọ miẹn ehe na gba ighẹ ne ọ ghi te kẹe yi vbe oya ne Kristi re ne ikinnegbe ẹre, ọnii nọ wẹ esọsi.

Kọlose 1:28

Rhunmwuda ọnii, ọre ima na kpe orhu Kristi ma emwa hia, ma ghi gha tama emwa hia ye otọ, ma ghi gha ma iran emwi vbe odẹ ẹwaẹn hia, ne a sẹtin lo, ne a miẹn ehe na rhie edọmwadẹ ọghọe gha die odaro Osanobua zẹ vbe ọmwa ne ọ si uwan nẹ, vbe uwu a ya egbe ba Kristi.

Kọlose 4:17

Wa khama Akipọs wẹ, “Ghẹ i mwẹ u ma winnaẹn fo ighẹ okhuo ne a fian nuẹn vbe iwinna Nọyaẹnmwa.”

I Timoti 1:12

I kpọnmwẹ Kristi Jesu Nọyaẹnmwa, ọmwa ne ọ rhie ẹtin mẹ ya winna iwinna mwẹ. I kpọnmwẹ ọẹn ye ne ọ na ka mwẹ ye ọmwa ne ọ kere, ọ keghi zẹ mwẹ yọ wẹ ne I gha ga irẹn.

II Timoti 4:11

E Luk ọkpa ma ghi gba rre emwa. Tie Mak ne u rhie ẹre ba egbe gha dee rhunmwuda, ọ gha sẹtin yo mwẹ obọ vbe iwinna na.

II Timoti 4:5

Sokpan, wẹ ghi da egbe ruẹ yi, vbe ne emwi rhirhi gha ye hẹ, gha ziengbe oya, gha winna iwinna ọmwa ne ọ kpe orhu Iyẹn Ne ọ maa ne u vbe gha winna iwinna ruẹn hia, zẹ vbe ọguọmwadia Osanobua.

Hibru 13:17

Wa gha họn ẹmwẹ ne avbe ọkaolotu uwa, wa gha ru vbene iran kha re. Iran ọre ọ gbe aro ghe orhiọn uwa vbe ne a i na hẹwẹ, rhunmwuda ighẹ iran na iyẹn iwinna iran ma Osanobua. Wa ghẹ ghi gha họn ẹmwẹ ne iran nẹ, iran ghi gha ya ọyẹnmwẹ winna iwinna iran, a deghẹ ẹ i ghi ye rriọ, iran ghi gha ye ẹkorriaramwẹ winnaẹn, iyobọ ọkpa i rrọọ ne ọnii gha ru ne uwa.

Hibru 6:1

Rhunmwuda ọnii, wa gia na na sikẹ odaro, ne a ya guan yan avbe emwi ni dinmwi, ne a sẹ avbe ikpogho ẹmwẹ ikpo orhu Iyayi e Kristi rae nẹ. Ma i ghi ra vbe dọlegbe gha gbe ẹyotọ ọghe ne a sẹ iwinna ne ẹ i mwẹ esa rae ye otọ, ne a do ya Osanobua yi.