Ẹfisọs 4:10 - Edo Bible (E Baibol Ẹdo) Version 1996

¹⁰ Ọnii nọ wẹ, ọmwa ne ọ tuorre, ọre ọ vbe hin odukhunmwu vbe odukhunmwu kevbe gberra avbe, ẹrinmwi ne ọ miẹn ehe na ya aguọmwarrọ ọghọe vuọn agbọn kevbe ẹrinmwi.

Ẹfisọs 4:10 ပူးပေါင်းရင်းမြစ်များ

Matiu 24:34

Wa rẹn nian wẹ, emwi na hia gha sunu avbe emwa ni rre agbọn ẹdẹnẹrẹ te do wulo fo.

Iyẹn ne ọ Maan Ọghe Luk 24:44

Ẹkpo nii ọre ọ na khama iran wẹẹ, “Emwi ne I tama uwa vbe I gu uwa rrọọ ẹghẹ nii ọre ena khin: emwi ne a gbẹnnẹ ye otọ vbekpa mwẹ vbe Uhi e Mosis, kevbe avbe akhasẹ kevbe ebe Psalm, te a gha mu ẹn sẹ.”

Iyẹn ne ọ Maan Ọghe Jọn 1:16

Uwu uvuọnmwẹ ẹsọhẹ ọghọe, ọre ọ na fiangbe ima hia, ọ na gha kun afiangbe yan afiangbe ne ima.

Iyẹn ne ọ Maan Ọghe Jọn 19:24

Avbe ivbiyokuo keghi zẹ ọe vbe iro wẹẹ, “Wa ghẹ gia yanghaẹn ruan, wa gie a yan uta yọ ọmwa ne ọ kere ne ọ mu ẹn.” Iran ruẹe vberriọ ne ẹmwẹ ne ebe tae miẹn ehe na sẹ wẹẹ, “Iran tue mwẹ ukpọn ghae. Iran yan uta ye ẹwu mwẹ.” Erriọ avbe ivbiyokuo ruẹe.

Iyẹn ne ọ Maan Ọghe Jọn 19:28

Jesu ghi miẹn wẹ a ru emwi hia orugba nẹ, ne ẹmwẹ ne ebe tae miẹn ehe na sẹ, ọ wẹẹ, “Ohanmwẹ amẹ gbe mwẹ!”

Iyẹn ne ọ Maan Ọghe Jọn 19:36

A ru emwi na ne ẹmwẹ ne ebe ne ọ huanrẹn ta ẹe miẹn ehe na sẹ wẹ, “A i ra vbiolo ẹre ugboloko hiehie.”

Iwinna 1:11

Iran wẹẹ, “Ivbi e Galili, vbe uwa na mudia ye evba tan aro ye iso hẹ yi? Jesu na ne a tọn mu hin ehe ne uwa ye rre gha rrie ẹrinmwi, gha vbe werriegbe rre zẹ vbene uwa miẹn ọẹn vbe ọ rrie ẹrinmwi na.”

Iwinna 1:9

Ọ ghi guan ẹmwẹ na nẹ, a keghi tọn mu gha rrie ẹrinmwi vbe iran wa ghe ẹre. Okuku keghi degue ẹre vbe ne iran ma ghi na sẹtin dẹghe ẹre ọvbehe.

Iwinna 2:33

A tọẹn mu gha rrie obọ erha ọmwa Osanobua, ne ọ ya miẹn ẹre Orhiọn Ne Ọ Huanrẹn ne Erha ẹe ve ẹre. Emwi ne uwa ghi bẹghe na nian, kevbe ne uwa vbe họn, emwi ne ọ ya ru ima ẹse nọ, ọ keghi hihiẹe yan ima.

Iwinna 3:18

Ọ kpẹre ẹsẹse ne Osanobua ghi la unu avbe akhasẹ ta ẹe ye otọ wẹ, te Mẹzaia gha rri oya, vbene ọ ghi ya mu ẹmwẹ ni sẹ ọre ọ na khin.

II Kọrinti 12:2

I rẹn ovbi yayi ọkpa ne okpia, ne a gua rhie gha rrie ẹrinmwi ne ọ yo sẹ vbe ukpo iwenẹ nọ lae (I ma rẹn deghẹ te emwi na wa sunu ra deghẹ umian ọre ọna miẹn ọẹn, Osanobua ọkpa ọre ọ rẹnrẹn.)

Ẹfisọs 3:19

Ẹn, te uwa gha do rẹn aho ẹmwẹ ọmwa rẹn, a gha rhe miẹn ighẹ a i sẹtin rẹn ọnrẹn fo ne a miẹn ehe na ya uvuọnmwẹ ne ọ gbae ọghe Osanobua vuọn uwa fẹẹrẹ.

Kọlose 1:19

Rhunmwuda Osanobua tobọ ẹre ọre ọ mwamwa ẹn wẹ ne emwi ne Osa ya re Osa hia wa vbe gba ne Ọmọ.

Kọlose 2:9

Rhunmwuda emwi hia ne ọ ghi rre uwu a i ya egbe ta Osa hia, ta ọ gbae vbe egbe Kristi, zẹ vbe ọmwa.

I Timoti 3:16

Ọmwa ne ọ gha sẹtin muan rẹn ẹ i rrọọ ighẹ ẹmwẹ oro nọkhua ọghe iyayi mwa: Rẹn rhie egbe ma zẹ vbe ọmwa kẹkan, a miẹn ọẹn vbe ọghe Orhiọn wẹ ọmwata nọ, avbe odibo Osa vbe miẹn ọẹn. A kpe orhu ẹre vbe avbe uhunmwu ẹvbo, a ya ẹe yi vbe otọ agbọn hia, a keghi tọn ẹn mu gha rrie ẹrinmwi.

Hibru 4:14

Rhunmwuda ọnii, wa gie ima dae yi gbain ighẹ iyayi ne ima tobọ mwa lao, rhunmwuda ma mwẹ ogie ohẹn nọkhua ne ọ kpao gha rrie odaro Osanobua zẹẹ, ọnii ọre Jesu ne Ovbi Osanobua.

Hibru 7:26

Rhunmwuda ọnii nian, Jesu ọrọre Ogie Ohẹn ne ọ sẹe ne a gha ye enegbe mwa yan! Ọmwa ne ọ huanrẹn nọ, rẹn i mwẹ a baku ru ra orukhọ vbe obọ ẹre, a wannọ ẹn ye efẹn ọkpa hin ehe ne emwa orukhọ ye rre, a keghi vbe tọn ẹn mu yo sẹ a vbe ẹrinmwi.

Hibru 8:1

Uhunmwu uta ẹmwẹ ne ima guan yan ọrọre wẹẹ, ma mwẹ Ogie Ohẹn ne ọ ye vbe nian na, ọmwa ne ọ tota ye obọ erha ọmwa Ẹtin Emwi Ne Osa ya ru Osa vbe ẹrinmwi.