Ẹfisọs 3:2 - Edo Bible (E Baibol Ẹdo) Version 1996

² Vbe ne a i na gbe awẹawẹ, wa họn nẹ wẹ, vbe ekpa ẹsọhẹ ọghọe, Osanobua waa iwinna na mẹ, ne I winnaẹn ne uwa ne ẹ i re Ju.

Ẹfisọs 3:2 ပူးပေါင်းရင်းမြစ်များ

Iwinna 13:2

Ugbẹn vbe iran ghi ga Nọyaẹnmwa, vbe iran vbe yo aguẹ, Orhiọn Ne Ọ Huanrẹn tama iran wẹẹ, “Wa viọ Banabas vbe Sọl ladian nẹ ne iran ya winna iwinna ne I tie iran baa.”

Iwinna 13:46

Sokpan Pọl kevbe Banabas keghi dọlegbe ya udinmwẹ tua unu muẹn wẹẹ, “Emwi ne ọ kere ẹsẹse te nọ wẹ, wa ọre a gha ka ta ẹmwẹ Osanobua ma, sokpan vbe ne uwa ma ghi na rhan obọ miẹn rẹn nian, wa na wẹ, wa ma ka egbe uwa ye emwa ni ke ye ẹfe ne ẹ i fo, ma gha sẹ uwa rae ne ima bu iran ne ẹ i re Ju.

Iwinna 22:21

Nọyaẹnmwa keghi tama mwẹ wẹ, ‘Gha khian, rhunmwuda mẹ gha gie uwẹ gha rrie odẹ ne ọ rrei, bu avbe iran ne ẹ i re Ju.’ ”

Iwinna 9:15

Nọyaẹnmwa tama rẹn wẹẹ, “Gha khian rhunmwuda mẹ zẹ ọe nẹ ne ọ gha re ọguọmwadia mwẹ, ne ọ ya eni mwẹ khian ne a rẹnrẹn ne avbe iran ne ẹ i re Ju kevbe avbe ọba kevbe emwa Izrẹl.

Ebe ne Pọl gbẹẹn gie emwa Rom 1:5

Obọ ẹre ọre Osanobua la ru mwẹ ẹse wẹ ne I gha re Ukọ Osanobua vbekpa Kristi, ne I sẹtin ye emwa hia ni rre uhunmwu ẹvbo hia yayi kevbe ne iran vbe gha họn ẹmwẹ.

Ebe ne Pọl gbẹẹn gie emwa Rom 11:13

Wa ne ẹ i re Ju ọre I ra gu guan na. Ugbẹn vbe a ghi miẹn wẹ mẹ ọrọre ukọ iran ne ẹ i rẹ Ju, te I gha ye iwinna mwẹ ghagha.

Ebe ne Pọl gbẹẹn gie emwa Rom 12:3

Rhunmwuda, ẹsọhẹ Osanobua ne ọ ya ru mwẹ ẹse, I tama uwa hia wẹẹ, wa ghẹ mwa egbe ye ukpo ne ọ gberra ehe ne ọ ke yi. Sokpan wa gha re ne ẹ i si ukankan vbe iro ne uwa zẹ, ne dọmwadẹ ọghọe vbe uwu uwa gha mwa egbe ẹre ye vbene Osanobua rhie iyayi nẹẹn sẹ.

I Kọrinti 4:1

Wa ghi gha ghe ima zẹ vbe eguọmwadia Kristi ne a viọ ẹmwata ne ọ rre oro Osanobua nẹẹn hẹmwẹ.

Galatia 1:13

Wa họn nẹ vbene I gha ru hẹ, ẹghẹ ne I na mu ẹmwẹ ugamwẹ avbe Ju yan uhunmwu, vbene I gue esọsi Osanobua khọn hẹ, I na gha ye ẹtin mwẹ hia gbinna ne I wa fuẹn ọnrẹn uan.

Ẹfisọs 1:10

Emwi ne Osanobua mwamwa ẹn, ne ọ ra vbe musẹ vbe ẹghẹ a sẹ, ọrọre wẹ, ne ọ do viọ emwi na yi hia ni rre ẹrinmwi kevbe agbọn, kugbe ba Kristi zẹ vbe uhunmwu uta ehia.

Ẹfisọs 3:7

Emwi ne Osanobua la ekpa iwinna ẹtin ẹnrẹn ya we mwẹ, ọre ọ ya ya mwẹ khian ọguọmwadia nene iyẹn ne ọ maa.

Ẹfisọs 3:8

Mẹ kanmwa sẹ ne ọ ghi kanmwa sẹẹ vbe uwu avbe emwa Osanobua, sevba, Osanobua keghi ya ọna ru mwẹ ẹse wẹ, ne I rhie Iyẹn Ne ọ maa ọghe ẹfe Kristi ne ẹ i mwẹ okhiẹ bu iran ne ẹ i re Ju gha khian.

Ẹfisọs 3:9

Kevbe ne I ma emwa hia vbene a ra ya mu ẹn sẹ hẹ ighẹ emwamwa ẹkhokho ne Osanobua mwamwa ẹn. Osanobua ne Ayi ne ọ yi emwi hia keghi rhie emwamwa ẹkhokho ọghọe na lẹre ke ne ẹkpo mwẹ arria gha dee.

Ẹfisọs 4:21

Vbe ne a i na gbe awẹawẹ, wa họn ẹmwẹ ọnrẹn, kevbe zẹ vbe emwa ni lele ẹe khian, a vbe ma uwa ẹmwata ne ọ rre uwu Kristi.

Ẹfisọs 4:7

Dọmwadẹ ọghọe vbe uwu ima mwẹ emwi ne a ya wẹẹ, zẹ vbe ne emwi ne Kristi rhie ne ọmwa vbe sẹ.

Kọlose 1:4

Rhunmwuda, ma họn ẹmwẹ iyayi uwa vbe uwu Kristi Jesu kevbe aho ẹmwẹ ọmwa ne uwa mwẹ ghe emwa Osanobua hia.

Kọlose 1:6

Nene iyẹn ne ọ maa rhie afiangbe rre, ọ vbe vẹ gba uhunmwu otọ agbọn hia, zẹ vbene ọ ru vbe uwu uwa ke ẹdẹ ne uwa na họn ẹmwẹ ẹsọhẹ Osanobua gha dee, ne uwa na do rẹn ọnrẹn vbene ọ gele wa ye.

I Timoti 1:11

Ọnii nọ wẹ, iruẹmwi ne ọ rre uwu Iyẹn Ne ọ maa ne a mu yọ mwẹ obọ ne I gha kpe orhu ẹre khian, Iyẹn Ne ọ maa nii ne ọ ke obọ Osanobua ne ọ mwẹ uyi kevbe ne a fiangbe rre.

I Timoti 1:4

Wẹ ne iran da obọ avbe uma aranmwẹ nii yi kevbe eni ne ne lọghọọ ọghe avbe erha odede, rhunmwuda, imuan ẹmwẹ ọre ọ si rre, iran iru iyobọ ye ẹmwẹ Osanobua ne a ya iyayi rẹn.

I Timoti 2:7

Ọna ọre ọ vbe zẹ ne a na gie mwẹ zẹ vbe ukọ kevbe ọmamwaemwi avbe iran ne ẹ i re Ju, ne I ya gha kpe orhu iyayi kevbe ẹmwata. Ẹ i re ohoghe I ta, ẹmwata I ta.

II Timoti 1:11

Osanobua zẹ mwẹ, ne I gha kpe orhu nene Iyẹn Ne ọ maa, zẹ vbe ukọ kevbe ọmaemwaemwi.